[X] Close
JUST IN
  • BREAKING-NEWS இந்தியாவிலேயே அதிக மருத்துவர்கள் கொண்ட மாநிலங்களில் தமிழகம் 2வது இடம்; மகாராஷ்டிரா முதல் இடம் - மத்திய அரசு
  • BREAKING-NEWS சிவசேனா, தேசியவாத காங்., காங்கிரஸ் இணைந்து மகாராஷ்டிராவில் ஆட்சியமைத்தாலும் நிலைக்காது - நிதின் கட்கரி
  • BREAKING-NEWS இடஒதுக்கீடு விவரங்கள் கொண்ட வெள்ளை அறிக்கையை நாடாளுமன்ற நடப்பு கூட்டத்தொடரில் பிரதமர் தாக்கல் செய்ய வேண்டும் - மு.க.ஸ்டாலின்
  • BREAKING-NEWS நெல்லையில் இருந்து பிரித்து தென்காசி மாவட்டத்தை உருவாக்கும் அரசாணையை ரத்து செய்யக்கோரிய மனு தள்ளுபடி - உயர்நீதிமன்ற கிளை
  • BREAKING-NEWS கோயில் நிலங்களில் 5 ஆண்டுகளுக்கு மேல் வசிப்போருக்கு பட்டா வழங்க தமிழக அரசுக்கு உயர்நீதிமன்றம் இடைக்காலத்தடை
  • BREAKING-NEWS தமிழகத்தின் 33-வது மாவட்டமாக உதயமானது தென்காசி
  • BREAKING-NEWS தமிழ்நாட்டில் விரைவில் உள்ளாட்சித் தேர்தல்: முதலமைச்சர் எடப்பாடி பழனிசாமி

விரைவில் அயோத்தி தீர்ப்பு - தமிழகம் உள்ளிட்ட மாநிலங்களுக்கு எச்சரிக்கை

ayodhya-case-daily-hearings-to-end-tomorrow-says-chief-justice-of-india

விரைவில் அயோத்தி வழக்கின் தீர்ப்பு வெளியாக உள்ள நிலையில் மதரீதியான மோதல்கள் ஏற்படாமல் தடுக்க தமிழகம் உள்ளிட்ட மாநிலங்களுக்கு உள்துறை அமைச்சகம் எச்சரிக்கை விடுத்துள்ளது. 

அயோத்தி வழக்கில் தீர்ப்பு அடுத்த மாதம் வெளிவர உள்ளது. இந்த வழக்கை  விசாரித்து வரும் உச்சநீதிமன்ற தலைமை நீதிபதி ரஞ்சன் கோகோய் அடுத்த மாதம் 17ம் தேதி ஓய்வு பெற உள்ளதால், அதற்கு முன்பு தீர்ப்பை வெளியிட உள்ளார். இந்த தீர்ப்பிலே ஏதேனும் ஒரு பிரிவினருக்கு சாதகமான முடிவு இருந்தால், அதன் காரணமாக மதரீதியாக பதட்டம் ஏற்பட வாய்ப்பு இருப்பதாக மத்திய அரசு கருதுகிறது.

இதனால் அயோத்தியில் ஏற்கனவே 144 தடை உத்தரவு பிறப்பிக்கப்பட்டுள்ளது. இந்த உச்சநீதிமன்ற தீர்ப்பை தொடர்ந்து, மத ரீதியாக பதற்றம் வராமல் இருக்க மத்திய அரசு, உள்துறை அமைச்சகம் மூலம் தமிழ்நாடு, தெலுங்கானா, ஆந்திரா உள்ளிட்ட பல்வேறு மாநிலங்களுக்கு ரகசிய எச்சரிக்கை அனுப்பி உள்ளது என மூத்த அதிகாரிகள் தகவல் தெரிவித்துள்ளனர். 

தமிழகத்தில் காஞ்சிபுரம் வரதராஜர் ஆலயம், மதுரை மீனாட்சி அம்மன் ஆலயம், மற்றும் சென்னையில் உள்ள பார்த்தசாரதி ஆலயம் போன்ற முக்கிய வழிபாட்டு ஸ்தலங்களில் பாதுகாப்பு பலமாக இருக்க வேண்டும் என உள்துறை அமைச்சகம் கருதுகிறது. அதுபோல முக்கிய மசூதிகளிலும் பாதுகாப்பு பலப்படுத்தப்பட வேண்டும் என உள்துறை அமைச்சகம் கருதுகிறது.
 
அயோத்தி தீர்ப்பு காரணமாக பதட்டம் ஏற்பட்டால், அதை பயன்படுத்தி சமூக விரோதிகள் சட்டம்-ஒழுங்கு பிரச்சினைகளை உண்டாக்கலாம் என்பதால் தமிழகம் உள்ளிட்ட மாநிலங்களுக்கு இந்த எச்சரிக்கை விடுக்கப்பட்டுள்ளது.

மத்தியிலும், உத்தரபிரதேச மாநிலத்திலும் பாரதிய ஜனதா ஆட்சி நடைபெற்று வருவதால், அந்த கட்சியை சேர்ந்தவர்கள் அயோத்தியில் ராமர் கோயில் கட்டப்பட வேண்டும் என வலியுறுத்தி வருகிறார்கள். இதைத்தவிர, ஆர்எஸ்எஸ் மற்றும் விஹெச்பி போன்ற அமைப்புகளும் ராமர் கோயில் விரைவில் கட்டப்பட வேண்டும் என வலியுறுத்தி வருகின்றன என்பது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close