[X] Close
JUST IN
  • BREAKING-NEWS தென்னாப்ரிக்காவுக்கு எதிரான 3வது டெஸ்ட் கிரிக்கெட் போட்டியில் சதமடித்தார் ரோகித் ஷர்மா
  • BREAKING-NEWS காங்கிரஸ் அரசு முடக்கி வைத்திருந்த தேஜாஸ் போர் விமானம் பாதுகாப்பு படையில் சேவையாற்ற தயாராக உள்ளது - பிரதமர் மோடி
  • BREAKING-NEWS நாங்குநேரியில் பணப்பட்டுவாடா செய்ததாக இதுவரை 6 வழக்குகள் பதிவு செய்யப்பட்டுள்ளன - நெல்லை ஆட்சியர்
  • BREAKING-NEWS தமிழகம், புதுச்சேரியில் 4 நாட்களுக்கு மழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்

மாமல்லபுரத்தில் பிரதமர் மோடி- சீன அதிபர் ஜின்பிங் 2 மணி நேரமாக ஆலோசனை..!

pm-modi-and-china-president-discussion-for-last-2-hours

சென்னை மாமல்லபுரம் கடற்கரை கோயில் வளாகத்தில் பிரதமர் மோடி- சீன அதிபர் ஷி ஜின்பிங் சுமார் இரண்டு மணி நேரத்திற்கும் மேலாக ஆலோசனையில் ஈடுபட்டனர்.

பிரதமர் மோடி - சீன அதிபர் ஷி ஜின்பிங் இடையேயான வரலாற்றுச் சிறப்புமிக்க சந்திப்பு மாமல்லபுரத்தில் நடைபெற்றது. சீன அதிபரை பிரதமர் மோடி தமிழரின் பாரம்பரிய வேட்டி, சட்டை, மேல் துண்டு அணிந்து கைகுலுக்கியபடி உற்சாகமாக வரவேற்றார்.

இரு நாட்டுத் தலைவர்களும் வெண்ணெய் உருண்டை கல் முன்னால் நின்று புகைப்படம் எடுத்துக் கொண்டனர். அப்போது இருவரும் கைகளை உயர்த்தியபடி உற்சாகமாக போஸ் கொடுத்தனர். வெண்ணெய் உருண்டை கல் அருகே சென்ற சீன அதிபர் ஷி ஜின்பிங், அதனை வியப்புடன் கண்டு ரசித்தார். மாமல்லபுரம் கடற்கரை கோயிலில் நடந்த கலாசார நடன நிகழ்ச்சிகளை பிரதமர் நரேந்திர மோடியும், சீன அதிபர் ஷி ஜின்பிங்கும் வெகுவாக கண்டு ரசித்தனர். நிகழ்ச்சியின் முடிவில் நடனக் கலைஞர்களுடன் குழு புகைப்படம் எடுத்து அசத்தினர்.

இதனையடுத்து சென்னை மாமல்லபுரம் கடற்கரை கோயில் வளாகத்தில் பிரதமர் மோடி- சீன அதிபர் ஷி ஜின்பிங் சுமார் இரண்டு மணி நேரத்திற்கும் மேலாக ஆலோசனையில் ஈடுபட்டனர். சுமார் 7 மணியளவில் இரவு விருந்து நடைபெற்ற நிலையில் அதன்பின் இருவரும் இரண்டு மணி நேரமாக ஆலோசனையில் ஈடுபட்டனர். தொடர்ந்து மாமல்லபுரத்தில் இருந்து சீன அதிபர் ஷி ஜின்பிங்கை சென்னைக்கு பிரதமர் மோடி வழியனுப்பி வைத்தார்.

Advertisement:
Advertisement:
Advertisement:
[X] Close