[X] Close
JUST IN
  • BREAKING-NEWS மூன்றாவது இருபது ஓவர் போட்டியில் வென்று தொடரைக் கைப்பற்றியது இந்திய அணி
  • BREAKING-NEWS குடியுரிமை சட்டத் திருத்த மசோதாவுக்கு எதிராக வடகிழக்கு மாநி‌லங்களில் வன்முறை
  • BREAKING-NEWS மாநிலங்களவையிலும் நிறைவேறியது குடியுரிமை சட்டத் திருத்த மசோதா
  • BREAKING-NEWS காஷ்மீர் சட்டப்பிரிவு நீக்கம், முத்தலாக் போலவே குடியுரிமை மசோதாவும் இஸ்லாமியர்களுக்கு எதிரானதல்ல - உள்துறை அமைச்சர் அமித்ஷா

வேட்டி, சட்டை, தோளில் துண்டுடன் கலக்கிய பிரதமர் மோடி..!

pm-modi-in-dhoti

தமிழகத்தின் பாரம்பரிய உடைகளான வேட்டி, சட்டையில் பிரதமர் மோடி மாமல்லபுரம் வந்தடைந்தார்.

சீன அதிபர் ஷி ஜின்பிங்கை மாமல்லபுரத்தில், பிரதமர் ‌நரேந்திர மோடி சந்திக்கவுள்ளார். அதற்காக, டெல்லியிலிருந்து தனி விமானம் மூலம் காலை 11 மணியளவில் சென்னை விமான நிலையத்திற்கு மோடி வந்து சேர்ந்தார். அவரை, ஆளுநர் பன்வாரிலால் புரோஹித், முதலமைச்சர் எடப்பாடி பழனிசாமி, துணை முதலமைச்சர் ஓ.பன்னீர்செல்வம் உள்ளிட்டோர் பொன்னாடை போர்த்தி வரவேற்றனர்.

வரவேற்பு உபசரிப்புகள் முடிந்தபின், சென்னை விமான நிலையத்திலிருந்து ராணுவ ஹெலிகாப்டர் மூலம் மோடி திருவிடந்தைக்கு சென்றார். அங்கு பாரதிய ஜனதா சார்பில் அவருக்கு வரவேற்பு அளிக்கப்பட்டது. திருவிடந்தையிலிருந்து கோவளத்திற்கு மோடி காரில் புறப்பட்ட போது, சாலையின் இருபுறமும் திரண்டிருந்த பாரதிய ஜனதா கட்சியினர் பிரதமர் மோடியை வரவேற்று முழக்கமிட்டனர்.

இன்னும் சற்று நேரத்தில் பிரதமர் மோடியும், சீன அதிபர் ஷி ஜின்பிங்கும் மாமல்லப்புரத்தில் சந்திக்க உள்ளனர். இதற்காக தமிழகத்தின் பாரம்பரிய உடைகளான வேட்டி, சட்டையில் பிரதமர் மோடி மாமல்லபுரம் வந்தடைந்தார். வேட்டி, சட்டை மட்டுமில்லாமல் தோளில் துண்டுடன் பிரதமர் மோடி காணப்பட்டார். தமிழகத்தின் பாரம்பரிய உடையணிந்த பிரதமர் மோடிக்கு பலதரப்பில் இருந்தும் பாராட்டுகள் குவிகின்றன.

Advertisement:
இது தொடர்பான செய்திகள் :
Advertisement:
Advertisement:
[X] Close