[X] Close
JUST IN
  • BREAKING-NEWS சிலை கடத்தல் தடுப்பு பிரிவு சிறப்பு அதிகாரி பதவியை நீட்டிக்கக்கோரி பொன்.மாணிக்கவேல் உயர்நீதிமன்றத்தில் மனு
  • BREAKING-NEWS சென்னை ஐஐடி மாணவி பாத்திமா தற்கொலை வழக்கை சிபிஐ விசாரிக்கக்கோரி சென்னை உயர்நீதிமன்றத்தில் மனு
  • BREAKING-NEWS எங்கள் குடும்பத்தினருக்கான எஸ்பிஜி பாதுகாப்பை நீக்கியதும் அரசியலில் ஒரு அங்கம் தான் - பிரியங்கா காந்தி
  • BREAKING-NEWS மக்கள் அதிமுக பக்கம் இருப்பதால் ரஜினி கூறும் அதிசயம், அற்புதம் எங்களுக்கு சாதகமாகவே அமையும் - அமைச்சர் ஜெயக்குமார்
  • BREAKING-NEWS கூடங்குளம் போராட்டக்காரர்கள் மீதான வழக்குகளை அரசு உடனடியாக திரும்ப பெற வேண்டும் - மு.க.ஸ்டாலின்
  • BREAKING-NEWS மறைமுகத் தேர்தல் முறை அதிகார துஷ்பிரயோகத்திற்கும், குதிரை பேரத்திற்கும் வழிவகுக்கும் - திருமாவளவன் எம்.பி.
  • BREAKING-NEWS 2021 ஆம் ஆண்டில் அதிமுக அரசு மலரும் என்பதையே அதிசயம் நிகழும் என்று ரஜினி கூறியிருக்கலாம் - முதல்வர் பழனிசாமி

செப். மாதம் தமிழகத்தில் 53% கூடுதல் மழை - வானிலை மையம்

tamil-nadu-and-puducherry-got-53-extra-rain-in-september-month

தமிழ்நாடு மற்றும் புதுச்சேரியில் இந்த மாதத்தில் மட்டும் 53 சதவீதம் கூடுதலாக மழை பதிவாகியுள்ளதாக சென்னை வானிலை ஆய்வு மையம் தெரிவித்துள்ளது.

கடந்த சில தினங்களாக வளிமண்டல மேலடுக்கு சுழற்சியின் நகர்வு காரணமாக தமிழகம் மற்றும் புதுச்சேரியில் பரவலாக மழை பெய்ததாக சென்னையில் செய்தியாளர்களிடம் பேசிய சென்னை வானிலை ஆய்வு மைய இயக்குநர் பாலச்சந்திரன் தெரிவித்தார். அக்டோபர் மாதம் முதல் இரண்டு வாரங்கள் வரை தென்மேற்கு பருவமழை தொடர வாய்ப்புள்ளதாகவும் அதன்பின்னர், வடகிழக்கு பருவமழை தொடங்கும் எனவும் அவர் கூறினார்.

கடந்த ஜுன் 1ஆம் தேதி முதல் தற்போது வரை தமிழகம், புதுச்சேரியில் 38 சென்டிமீட்டர் மழை பதிவாகியுள்ளதாகவும், இது இயல்பைவிட 16 சதவீதம் அதிகம் என்றும் கூறினார். இந்த காலக்கட்டத்தில் சென்னையில் 59 சென்டிமீட்டர் மழை பதிவானதாகவும் அவர் குறிப்பிட்டார். தமிழகம் மற்றும் புதுச்சேரியில் இந்த மாதத்தில் மட்டும் 16 சென்டிமீட்டர் மழை பெய்துள்ளதாகவும், இது வழக்கத்தைவிட 53 சதவீதம் அதிகம் எனவும் பாலச்சந்திரன் கூறினார். இதே காலத்தில் சென்னையில் 19 சென்டிமீட்டர் மழை பதிவாகியதாகவும் இது வழக்கத்தைவிட 92 சதவீதம் அதிகம் எனவும் குறிப்பிட்டார். 

தெற்காசிய நாடுகளுக்கான வடகிழக்கு பருவமழையின் முன்னறிவிப்பின்படி, இந்த ஆண்டு தமிழகம் உள்ளிட்ட தென்னிந்திய பகுதிகளுக்கு வடகிழக்கு பருவமழை இயல்பான அளவை ஒட்டியே இருக்கும் என தெரிவித்தார். இதனிடையே திண்டுக்கல், மதுரை, விருதுநகர், சிவகங்கை, புதுக்கோட்டை, ராமநாதபுரம் மாவட்டங்களில் ஒரிரு இடங்களில் லேசானது முதல் மிதமான மழை பெய்யக்கூடும் என வானிலை ஆய்வு மையம் தெரிவித்துள்ளது. தமிழகத்தின் பெரும்பாலான மாவட்டங்களில் அதிகபட்ச வெப்பநிலை சற்றே உயரக்கூடும் எனவும் குறிப்பிட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close