[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

“உலக சினிமாவை தமிழுக்கு அளித்த பார்த்திபனுக்கு பாராட்டுக்கள்” - அமைச்சர் கடம்பூர் ராஜூ

tn-minister-kadambur-raju-praised-director-parthiban-s-otha-seruppu-movie

இந்திய அளவில் தமிழ் சினிமாவுக்கு விருதுகள் இல்லை என்ற குறையை இந்த சினிமா போக்கும் என "ஒத்த செருப்பு" படம் குறித்து அமைச்சர் கடம்பூர் ராஜூ பாராட்டியுள்ளார்.

நடிகர் பார்த்திபன் கடைசியாக ''கோடிட்ட இடங்களை நிரப்புக'' திரைப்படத்தை தயாரித்து இயக்கினார். அதற்கு பிறகு பல திரைப்படங்களில் நடித்து வந்த அவர், தற்போது 'ஒத்த செருப்பு' என்ற திரைப்படத்தை தயாரித்து இயக்கியுள்ளார். இந்த திரைப்படத்தில் ஒரே ஒரு கதாபாத்திரம் மட்டுமே. அதாவது பார்த்திபன் மட்டுமே இந்த படத்தில் நடித்துள்ளார். ஒரே கதாபாத்திரத்தை சுற்றி இந்தப்படம் உருவாக்கப்பட்டுள்ளதால் பெரிய எதிர்பார்ப்பை ஏற்படுத்தியுள்ளது. 

                           

பார்த்திபனின் இந்த புதிய முயற்சிக்கு நடிகர் ரஜினிகாந்த் உள்ளிட்ட திரையுலகினர் பலரும் வாழ்த்துகளை தெரிவித்து வருகின்றனர். இந்நிலையில், ஒத்த செருப்பு படத்தை தமிழக அமைச்சர் கடம்பூர் ராஜூ பாராட்டியுள்ளார். இதுதொடர்பாக அமைச்சர் பேசிய வீடியோ பதிவை பார்த்திபன் தன்னுடைய ட்விட்டரில் பதிவிட்டுள்ளார்.

அதில், “அருமையான முயற்சிக்கு என்னுடைய வாழ்த்துக்கள். ஒரே இயக்குநர், ஒரே நடிகர், ஒரே தயாரிப்பாளர் ஆகிய சிறப்புகளுடன் வெளிவரும் உலகத்தின் முதல் சினிமா என்ற பெருமையை தமிழ் சினிமாவுக்கு அளித்ததற்கு பாராட்டுக்கள். இந்திய அளவில் தமிழ் சினிமாவுக்கு விருதுகள் இல்லை என்ற குறையை இந்த சினிமா போக்கும். அதற்கு அரசின் சார்பில் என்னென்ன உதவிகள் செய்ய வேண்டுமோ அதனை முதலமைச்சரின் கவனத்திற்கு எடுத்துச் செல்வோம்” என அமைச்சர் கடம்பூர் ராஜூ பேசியுள்ளார்.

                     

இந்த வீடியோ பதிவுடன், “அரசு மரியாதையென்பது.. அதிக கௌரவத்திற்குரியது!.. நன்றி மாண்பு மிகுந்தவருக்கு!” என பார்த்திபன் குறிப்பிட்டுள்ளார். ஒத்த செருப்பு திரைப்படம் வரும் செப்டம்பர் 20ஆம் தேதி வெளியாவது குறிப்பிடத்தக்கது. 

 

Advertisement:
இது தொடர்பான செய்திகள் :
Advertisement:
Advertisement:
[X] Close