[X] Close
JUST IN
  • BREAKING-NEWS அனைத்து அரசு துறைகளும் இணைந்து செயல்பட்டால் டெங்கு கொசு, காய்ச்சலை கட்டுப்படுத்தலாம் - உயர்நீதிமன்ற மதுரை கிளை கருத்து
  • BREAKING-NEWS ஈரோடு அருகே கோயிலில் சிலைகள் சேதப்படுத்தப்பட்டதில் 6 பேர் மீது வழக்குப்பதிவு
  • BREAKING-NEWS நவம்பர் 18-ஆம் தேதி தொடங்குகிறது குளிர்கால கூட்டத் தொடர்
  • BREAKING-NEWS தமிழகம் மற்றும் புதுவையில் அடுத்த 3 நாட்களுக்கு பலத்த மழை பெய்ய வாய்ப்பு
  • BREAKING-NEWS தொடர் மழை காரணமாக கன்னியாகுமரி மாவட்டத்தில் பள்ளி, கல்லூரிகளுக்கு விடுமுறை; சிவகங்கை மாவட்டத்தில் பள்ளிகளுக்கு மட்டும் விடுமுறை

ஐஜி மீது பெண் எஸ்பி கூறிய பாலியல் புகார் - தெலங்கானாவுக்கு மாற்றிய உயர்நீதிமன்றம்

chennai-high-court-change-ig-sexual-case-to-telangana

தமிழக லஞ்ச ஒழிப்புத்துறை ஐஜி மீதான பாலியல் வழக்கை தெலங்கானாவுக்கு மாற்றி சென்னை உயர் நீதிமன்றம் உத்தரவு பிறப்பித்துள்ளது.

லஞ்ச ஒழிப்புத்துறையில் ஐஜி மீது பெண் எஸ்பி தொடர்ந்த பாலியல் வழக்கு சென்னை உயர்நீதிமன்ற நீதிபதிகள் வினீத் கோத்தாரி மற்றும் சி.வி. கார்த்திகேயன் அடங்கிய அமர்வு முன் இன்று விசாரணைக்கு வந்தது. அப்போது வழக்கை விசாரித்த நீதிபதிகள், ஐஜி மீது பெண் எஸ்பி கொடுத்த புகாரையும், சிபிசிஐடி பதிவு செய்த வழக்கையும் தெலங்கானா மாநில காவல்துறை விசாரிக்க உத்தரவிட்டனர். 

விசாரணையை 6 மாதத்திற்குள் முடிக்க வேண்டும் என அறிவுறுத்திய நீதிபதிகள், அதுவரை ஐ.ஜி தொடர்ந்த மேல்முறையீட்டு வழக்கு நிலுவையில் வைக்கப்படுவதாக தெரிவித்தனர். மேலும், வழக்கு தொடர்பான அனைத்து ஆவணங்களையும் தமிழக தலைமை செயலாளர் உடனடியாக தெலங்கானா தலைமை செயலாளருக்கு அனுப்பி வைக்க வேண்டும் என்றும், அவற்றை பெற்றதும் மூத்த பெண் போலீஸ் அதிகாரி தலைமையில் விசாரணை குழு அமைத்து, விசாரணையை தொடங்க வேண்டும் என தெலங்கானா மாநில காவல்துறைக்கு நீதிபதிகள் உத்தரவிட்டுள்ளனர். 

வழக்கை வேறு மாநிலத்திற்கு மாற்றுவதால் தமிழக காவல்துறை மீது நம்பிக்கையில்லை என அர்த்தமாகாது என தெரிவித்த நீதிபதிகள், விசாரணை முடிந்தபின், அறிக்கையை உயர் நீதிமன்றத்தில் தாக்கல் செய்ய வேண்டும் என்றும் தெலங்கானா காவல்துறைக்கு உத்தரவிட்டனர்.

Advertisement:
இது தொடர்பான செய்திகள் :
Advertisement:
Advertisement:
[X] Close