[X] Close
JUST IN
  • BREAKING-NEWS நாங்குநேரி, விக்கிரவாண்டி ஆகிய தொகுதிகளுக்கான இடைத்தேர்தலில் மக்கள் நீதி மய்யம் போட்டியிடாது - கமல்ஹாசன்
  • BREAKING-NEWS இந்தியா-தென் ஆப்ரிக்கா அணிகள் இடையேயான கடைசி மற்றும் மூன்றாவது டி20 போட்டி இன்று நடைபெறுகிறது
  • BREAKING-NEWS ரஷ்யாவில் நடைபெற்ற உலக குத்துச்சண்டை சாம்பியன்ஷிப் போட்டியில் இந்திய வீரர் அமித் பங்கால் வெள்ளிப் பதக்கம்
  • BREAKING-NEWS தமிழகத்தில் 14 மாவட்டங்களில் இன்று கனமழைக்கு வாய்ப்பு - வானிலை மையம்
  • BREAKING-NEWS விக்ரம் லேண்டரை தொடர்பு கொள்ள முடியவில்லை -இஸ்ரோ தலைவர் சிவன்
  • BREAKING-NEWS நாங்குநேரி, விக்கிரவாண்டி தொகுதிகளுக்கு அக்.21இல் இடைத்தேர்தல்

மீனவர் மனைவி 20 லட்சம் இழப்பீடு கேட்டு வழக்கு - அரசு பதில் தர உத்தரவு 

ramanathapuram-fishermen-dies-in-sea-wife-files-petition-in-madurai-high-court

கடலில் மீன் பிடிக்க சென்ற போது, புயலில் இறந்தவரின் குடும்பத்திற்கு 20 லட்சம் இழப்பீடு கோரிய வழக்கில் மத்திய, மாநில அரசுகள் பதிலளிக்க  உயர்நீதிமன்ற மதுரைக்கிளை உத்தரவிட்டுள்ளது.

ராமநாதபுரம் தங்கச்சி மடத்தை சேர்ந்த ஞானசுந்தரி  உயர்நீதிமன்ற மதுரைக்கிளையில் மனுத்தாக்கல் செய்திருந்தார். அந்த மனுவில், “கடந்த ஜூலை மாதம் 4 ஆம் தேதியன்று என் கணவர் சிந்தாஸ் மற்றும் சக மீனவர்கள் 3 பேர் கடலுக்கு மீன் பிடிக்க சென்றனர். ஆனால், மறுநாள் வரை கரை திரும்பவில்லை. கடலில் திடீரென ஏற்பட்ட புயலில் சிக்கி இருக்கக்கூடும் என்பதால் ராமநாதபுரம் மீன்வளத்துறை துணை இயக்குனரிடம் தன்னுடைய கணவரை மீட்டு தரக்கோரி புகார் அளித்தும் மீட்க எவ்வித நடவடிக்கையும் இல்லை. 

மறுநாள்  மீனவர் சங்கத்தினரோடு சென்று அதிகாரிகளிடம் முறையிட்டும் எந்த நடவடிக்கையும் எடுக்கவில்லை. கடலுக்கு சென்றவர்களை மீட்பதற்கு நாங்கள் முயன்ற போதும், எங்களை கடலுக்குள் செல்ல அனுமதிக்கவில்லை. கடலோர பேரிடர் குழுவை அனுப்பி தேடுதல் வேட்டை துவங்குமாறு கோரிக்கை விடுத்த நிலையில், போதிய உபகரணங்கள் இல்லாததால் நடவடிக்கை எடுக்கவில்லை. 

இந்நிலையில், கடந்த ஜூலை 5ம் தேதி மற்ற மீனவர்கள் தங்கள் நாட்டுப்படகுகளில் சென்று 3 நாள் தேடுதல் நடத்திய பின் 8 ஆம் தேதி அன்று கணவரோடு சென்ற இருவரை புதுக்கோட்டை கடற்கரை பகுதியில் கண்டுபிடித்தனர். மேலும், எனது கணவர் திருவாரூர் மாவட்டம் முத்துப்பேட்டை கடல் பகுதியில் சடலமாக கண்டெடுக்கப்பட்டார். 

4 நாள்கள் உயிருக்கு போராடி பின்பே இறந்துள்ளார். இதற்கு பேரிடர் மேலாண்மை குழுவின் அலட்சியமே காரணம். எனது கணவர் இறந்த நிலையில் எனது பிள்ளைகள் படிப்பு செலவிற்கு போதுமான வருமானம் இல்லை எனவே, இழப்பீடு நிதியாக 20 லட்ச ரூபாயையும், எனக்கு அரசு வேலையும் வழங்க  உத்தரவிட வேண்டும்” என கூறியிருந்தார். இதனை விசாரித்த நீதிபதி சுரேஷ்குமார், இது குறித்து மத்திய மாநில அரசுகள் பதிலளிக்க உத்தரவிட்டு வழக்கை 2 வாரங்களுக்கு ஒத்திவைத்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close