[X] Close
JUST IN
  • BREAKING-NEWS இந்தியா மற்றும் மேற்கிந்திய தீவுகள் அணிகள் இடையிலான முதல் டெஸ்ட் கிரிக்கெட் போட்டி இன்று தொடங்குகிறது
  • BREAKING-NEWS டெல்லி சிறப்பு நீதிமன்றத்தில் இன்று ஆஜர்படுத்தப்படுகிறார் ப.சிதம்பரம். காவலில் எடுத்து விசாரிக்க சிபிஐ அதிகாரிகள் நடவடிக்கை
  • BREAKING-NEWS அமலாக்கத்துறை, சிபிஐ மூலம் ப.சிதம்பரத்தின் நற்பெயரை கெடுக்க மோடி அரசு முயற்சிக்கிறது - ராகுல் காந்தி

போலீஸ் எனக் கூறிக்கொண்டு பணத்தை அபேஸ் செய்தவர் கைது..!

man-arrested-for-robbery-money

சென்னை கே.கே.நகரில் போலீஸ் எனக் கூறிக்கொண்டு முதியவரிடம் பணத்தை அபேஸ் செய்த திருடன் கைது செய்யப்பட்டார்.

விருகம்பாக்கம் தாங்கல் ஏரிக்கரை தெருவைச் சேர்ந்த மாநகராட்சி முன்னாள் துப்புரவு பணியாளர் குப்பானந்தன் (67). இவர் கடந்த 1-ம் தேதியன்று கேகே நகர் பங்காரு காலனி தெருவில் நடந்து சென்றபோது, ஒரு நபர் போலீஸ் என தன்னைக் கூறிக்கொண்டு குப்பானந்தனிடம் அறிமுகம் ஆகியுள்ளார். பின்னர் அந்த பகுதியில் ஏற்கெனவே திருட்டு சம்பவங்கள் நடைபெறுவதாகவும், அதனால் பணத்தில் உள்ள ரூபாய் நோட்டில் எண்கள் சரியாக இருக்கின்றனவா என்பதை சரிபாக்க வேண்டும் எனவும் குப்பானந்தாவிடம் இருந்து அந்த நபர் பணத்தை வாங்கியுள்ளார். மேலும் 4 பவுன் மோதிரம் ஆகியவற்றை பிடுங்கியுள்ளார். ரூபாய் நோட்டு எண்களை சரிபார்த்து விட்டு திரும்பி வருகிறேன் என்று சொன்ன நபர் பின்னர் மீண்டும் வரவில்லை. இதுதொடர்பாக குப்பானந்தன் போலீசாரிடம் புகார் அளித்தார்.

(பாதிக்கப்பட்ட முதியவர் குப்பானந்தன்)

இதனையடுத்து, போலீசார் அங்கு பதிவான சிசிடிவி கேமரா பதிவுகளை வைத்து விசாரணை நடத்தியதில் அந்த நபர் பழைய குற்றவாளியான மகஷ் என்கிற மகேந்திரன் என்பது தெரியவந்தது. அவனை கைது செய்த போலீசார் நகை, பணத்தை பறிமுதல் செய்தனர்.

மாதத்தின் முதல் வாரத்தில் வங்கிகளுக்கு பென்சன் பணத்தை எடுத்து செல்ல வரும் வயதான முதியவர்கள்தான் மகேஷின் டார்கெட். தன்னை போலீஸ் என அறிமுகப்படுத்திக் கொண்டு அவர்களை ஆட்டோவில் ஏற்றிச் சென்று மிரட்டிப் பணம் பறித்து விட்டு தப்பிவிடுவதை வாடிக்கையாக கொண்டிருக்கிறார். இந்நிலையில் மகேஷை போலீசார் கைது செய்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close