கடும் குற்றம் புரிந்த காவலருக்கு குறைந்த தண்டனை ஏன்?: நீதிமன்றம் கேள்வி

கடும் குற்றம் புரிந்த காவலருக்கு குறைந்த தண்டனை வழங்கியது ஏன் என சென்னை உயர்நீதிமன்ற மதுரைக் கிளை கேள்வி எழுப்பியுள்ளது.

உயர்நீதிமன்ற மதுரைக் கிளையில் இன்று நடைபெற்ற வழக்கு விசாரணை ஒன்றில், சிறுமியை ஏமாற்றி பாலியல் வன்கொடுமை செய்த வழக்கில் காவலருக்கு வெறும் 3 ஆண்டுகளுக்கு உதிய உயர்வு நிறுத்தம் மட்டும்தான் தண்டனையா..? என்று கேள்வி எழுப்பிய நீதிபதிகள் அதற்கு அதிருப்தியும் தெரிவித்தனர்.

அத்துடன் காவலருக்கு வழங்கிய தண்டனையை மறுபரிசீலனை செய்து வழக்கை சட்டப்படி விசாரிக்க வேண்டும் எனவும் நீதிபதிகள் உத்தரவிட்டனர். மேலும் குற்றத்திற்கு ஏற்ற உரிய தண்டனை வழங்குவதற்காக டிஜிபிக்கு வழக்கு திருப்பி அனுப்பப்படுவதாகவும் நீதிபதிகள் கூறினர்.