[X] Close
JUST IN
  • BREAKING-NEWS அத்திவரதரை தரிசிப்பதற்காக வரிசையில் காத்திருந்த பக்தர்களில் 3 பேர் மூச்சுத்திணறல் ஏற்பட்டு உயிரிழப்பு
  • BREAKING-NEWS தேசத் துரோக வழக்கில் வைகோவுக்கு விதிக்கப்பட்ட ஓராண்டு சிறை தண்டனை நிறுத்திவைப்பு
  • BREAKING-NEWS வேலூர் மக்களவை தேர்தலில் மக்கள்நீதிமய்யம் போட்டியிடவில்லை - பொதுச்செயலாளர் அருணாச்சலம்
  • BREAKING-NEWS வேலூரில் அரசு மற்றும் அரசு உதவி பெறும் பள்ளிகளுக்கு ஜூலை 24ஆம் தேதி விடுமுறை; வேலூர் மக்களவை தேர்தலில் பணியாற்றவுள்ள ஆசிரியர்களுக்கு 2ஆம் கட்ட பயிற்சி நடைபெறுகிறது; விடுமுறையை ஈடுசெய்யும் வகையில் வரும் 20ஆம் தேதி பள்ளிகள் இயங்கும் - மாவட்ட ஆட்சியர்
  • BREAKING-NEWS 7 பேர் விடுதலை விவகாரம்: நளினி தொடர்ந்த வழக்கு தள்ளுபடி
  • BREAKING-NEWS சென்னை தனியார் மருத்துவமனையில் சிகிச்சை பெற்றுவந்த சரவணபவன் அதிபர் ராஜகோபால் காலமானார்

பச்சிளம் குழந்தைகள் விற்பனை வழக்கு...‌ கைதானவர்களின் காவல் நீட்டிப்பு

baby-sales-case-extension-of-detainees-of-arrested-peoples

பச்சிளம் குழந்தைகளை விற்பனை‌ செய்த வழக்கில் கைதானவர்களில் 7பேரின் நீதிமன்றக் காவலை நீட்டிப்பு செய்து நாமக்கல் நீதிமன்றம் உத்தரவிட்டுள்ளது. 

நாமக்கல் மாவட்டம், ராசிபுரம் பகுதியில் பச்சிளம் குழந்தைகளை விற்பனை செய்தது தொடர்பான வழக்கினை சிபிசிஐடி போலீசார் விசாரணை செய்து வருகின்றனர். இவ்வழக்கின் முக்கிய குற்றவாளியான அமுதா கைது செய்யப்பட்டார். அவர் கொடுத்த தகவலின் பேரில் இதுவரை 10 பேர் கைது செய்யப்பட்டுள்ளனர். சிபிசிஐடி போலீசாரால் தேடப்பட்டு தலைமறைவாக இருந்த அமுதாவின் சகோதரர் நந்தகுமார் திருச்சி நீதிமன்றத்தில் சரணடைந்தார்.

இதனால் தற்போதுவரை இந்த வழக்கில் தொடர்புடைய 11 பேர் சிறையில் அடைக்கப்பட்டுள்ளனர். இவர்களில் சேலம் மத்திய சிறையில் அடைக்கப்பட்டுள்ள முருகேசன், அருள்சாமி, பர்வீன், ஹசீனா, லீலா, செல்வி, சாந்தி ஆகிய 7 பேரின் நீதிமன்றக் காவல் இன்றுடன் முடிவடைவதை அடுத்து சிபிசிஐடி போலீசார் 7 பேரையும் நாமக்கல் நீதிமன்றத்தில் ஆஜர்படுத்தினர். 

இதனைத்தொடர்ந்து நீதிபதி வடிவேல் 7 பேரையும் வரும் ஜூன் மாதம் 6-ம் தேதி வரை நீதிமன்றக் காவலில் வைக்க உத்தரவிட்டார். இதனையடுத்து 7 பேரும் சேலம் மத்திய சிறையில் மீண்டும் அடைக்கப்பட்டனர். இவர்கள் 7 பேரும் ஏற்னெனவே ஜாமீன் கேட்டு மனு செய்திருந்தனர். இவர்களது ஜாமீன் மனுவை நீதிமன்றம் தள்ளுபடி செய்தது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close