[X] Close
JUST IN
  • BREAKING-NEWS அனைத்து அரசு துறைகளும் இணைந்து செயல்பட்டால் டெங்கு கொசு, காய்ச்சலை கட்டுப்படுத்தலாம் - உயர்நீதிமன்ற மதுரை கிளை கருத்து
  • BREAKING-NEWS ஈரோடு அருகே கோயிலில் சிலைகள் சேதப்படுத்தப்பட்டதில் 6 பேர் மீது வழக்குப்பதிவு
  • BREAKING-NEWS நவம்பர் 18-ஆம் தேதி தொடங்குகிறது குளிர்கால கூட்டத் தொடர்
  • BREAKING-NEWS தமிழகம் மற்றும் புதுவையில் அடுத்த 3 நாட்களுக்கு பலத்த மழை பெய்ய வாய்ப்பு
  • BREAKING-NEWS தொடர் மழை காரணமாக கன்னியாகுமரி மாவட்டத்தில் பள்ளி, கல்லூரிகளுக்கு விடுமுறை; சிவகங்கை மாவட்டத்தில் பள்ளிகளுக்கு மட்டும் விடுமுறை

இரண்டு ஆண்டுகளில் 10 கிலோ தங்கச் சங்கிலிகள் வழிப்பறி - மதுரை நிலவரம்

10-kg-chain-snatching-in-two-years-at-madurai

மதுரை மாநகரில் கடந்த 2 ஆண்டுகளில் 10 கிலோ தங்கச் சங்கிலிகள் வழிப்பறி செய்யப்பட்டுள்ளதாக அதிர்ச்சி தகவல்கள் கிடைத்துள்ளன.

மதுரையில் நாளுக்கு நாள் வழிப்பறி கொள்ளை அதிகரித்து வரும் வேளையில், அதனைக் கட்டுப்படுத்த காவல்துறையினரும் பல்வேறு நடவடிக்கைகளை மேற்கொண்டு வருகின்றனர். இந்நிலையில், 2017 மற்றும் 2018-ஆம் ஆண்டுகளில் மதுரையில் நடைபெற்ற வழிப்பறிகள் குறித்து சமூக ஆர்வலர் ஒருவர் தகவல் அறியும் உரிமைச் சட்டத்தின் கீழ் மாநகர காவல்துறை ஆணையர் அலுவலகத்தில் பெற்ற புள்ளி விவரங்களை வெளியிட்டுள்ளார்.

அதில், 2017-ஆம் ஆண்டில் மட்டும் மதுரையில் 173 வழிப்பறி வழக்குகள் பதிவு செய்யப்பட்டுள்ளதாகவும், 6.7 கிலோ தங்க நகைகள் பறிபோனதாகவும் தெரிவிக்கப்பட்டிருந்தது. இதில், காவல்துறையினர் சுமார் 2.7 கிலோ தங்க நகைகளை மீட்டுள்ளதாகவும் கூறப்பட்டுள்ளது.

அதேபோல், 2018-ஆம் ஆண்டில் 132 வழிப்பறி வழக்குகள் பதிவாகியுள்ளன என்றும், சுமார் 3 கிலோ தங்கச் சங்கிலிகள் பறிபோனதாகவும் தெரிவிக்கப்பட்டுள்ளது. அவற்றில், சுமார் 1.7 கிலோ தங்கச் சங்கிலிகளை காவல்துறையினர் மீட்டிருப்பதாகவும் புள்ளி விவரங்கள் கூறுகின்றன. வழிப்பறி குற்றவாளிகளை அடையாளம் காணும் வகையில் மாநகர் முழுவதும் ஆங்காங்கே சிசிடிவி கேமராக்கள் பொருத்தப்பட்டு உள்ளதாக மாநகர ஆணையர் டேவிட்சன் தேவாசீர்வாதம் தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close