[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

வெளிநாடுகளுக்கும் குழந்தை விற்பனை? வழக்கறிஞர் பரபரப்பு புகார்

rasipuram-lawyer-asking-to-investigate-child-trafficking-issue

நாமக்கல் மாவட்டம் ராசிபுரத்தில் அரங்கேறிய குழந்தைகள் விற்பனை விவகாரத்தில், குழந்தைகள் வெளிநாடுகளுக்கும் விற்பனை செய்யப்பட்டதாக புகார் எழுந்துள்ளது.

ராசிபுரத்தைச் சேர்ந்த வழக்கறிஞர் நல்வினை விஸ்வராஜூ ராசிபுரம் காவல்நிலையத்தில் இ‌ந்த புகாரை அளித்துள்ளார். அதில், 2014 ஆம் ஆண்டு சேலம் அரசு மருத்துவமனையில் பிறந்த சேலம் நிலவாரப்பட்டியைச் சேர்ந்த வடிவேல் - அமுதா தம்பதிக்கு பிறந்த பெண் குழந்தை, 8 லட்சம் ரூபாய்க்கு விற்கப்பட்டிருப்பதாக தெரிவிக்கப்பட்டுள்ளது. இலங்கையைச் சேர்ந்த குமாரசாமி பிள்ளை தேவராஜா - பரிமளாதேவி தம்பதிக்கு குழந்தை விற்கப்பட்டதாகவும்,

அவர்கள் திருப்பூர் மாவட்டம் தாராபுரத்தில் வசிப்பது போல போலியான முகவரியில், தாராபுரம் நகராட்சியில் பிறப்புச் சான்றிதழ் தயாரிக்கப்பட்டதாகவும் அதில் குறிப்பிடப்பட்டுள்ளது. இந்த குழந்தை விற்பனையில் சில‌ இடைத்தரகர்களும், தனியார் மருத்துவமனை மருத்துவரும் உடந்தையாக இருந்ததாகவும் குற்றம்சாட்டப்பட்டுள்ளது. 

இலங்கைக்கு கடத்தப்பட்ட குழந்தையை மீட்டு டிஎன்ஏ சோதனை நடத்தவேண்டும் என்றும், குழந்தை விற்பனையில் ஈடுபடுபவர்களுக்கு கடும் தண்டனை வழங்கும் வகையில் சட்டத்திருத்தம் மேற்கொள்ள வேண்டும் என்றும் வழக்கறிஞர் நல்வினை விஸ்வராஜூ கோரிக்கை விடுத்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close