[X] Close
JUST IN
  • BREAKING-NEWS இலங்கை அரசால் தேடப்பட்டு வந்த மதகுரு ஹஸிம் ஓட்டலில் நடந்த குண்டுவெடிப்பில் உயிரிழந்தார் - இலங்கை அதிபர் மைத்திரிபால சிறிசேன
  • BREAKING-NEWS ஜெயலலிதா மரணம் குறித்து ஓய்வு பெற்ற நீதிபதி ஆறுமுகசாமி விசாரணை ஆணையத்திற்கு உச்சநீதிமன்றம் இடைக்காலத் தடை - அப்போலோ மருத்துவமனை நிர்வாகம் தொடர்ந்த மேல்முறையீட்டு வழக்கில் உத்தரவு
  • BREAKING-NEWS வங்கக்கடலில் காற்றழுத்த தாழ்வு பகுதி காற்றழுத்த தாழ்வுமண்டலமாக வலுப்பெற்றது - கிழக்கு இந்திய பெருங்கடல்- தென்கிழக்கு வங்கக்கடல் பகுதியில் காற்றழுத்த தாழ்வு மண்டலம் நிலவுகிறது
  • BREAKING-NEWS சிலை கடத்தல் தடுப்புப்பிரிவு சிறப்பு அதிகாரியாக பொன்.மாணிக்கவேல் நியமிக்கப்பட்டதற்கு எதிராக காவல்துறை அதிகாரிகள் 66 பேர் தொடர்ந்த வழக்கை தள்ளுபடி செய்தது உச்சநீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ. 75.79 காசுகளாகவும், டீசல் லிட்டருக்கு ரூ. 70.34 காசுகளாகவும் விலை நிர்ணயம் செய்யப்பட்டுள்ளன நேற்றைய விலையில் இருந்து பெட்ரோல் விலையில் மாற்றமின்றி, டீசல் விலை 8 காசுகள் அதிகரித்து விற்பனை
  • BREAKING-NEWS சென்னை எம்ஜிஆர் சென்ட்ரல் ரயில் நிலையம், எழும்பூர் ரயில் நிலையத்தில் வெடிகுண்டு நிபுணர்கள் சோதனை- பயணிகள் மற்றும் அவர்களது உடைமைகளும் தீவிர சோதனை

“போலீஸ் வாகனத்தில் செல்கிறது அதிமுகவினரின் பணம்” - மு.க.ஸ்டாலின் குற்றச்சாட்டு

admk-transporting-cash-in-police-vehicle-mk-stalin

அதிமுகவினர் வாக்காளர்களுக்கு கொடுக்கும் பணத்தை காவல்துறை வாகனத்திலேயே கொண்டு செல்வதாக திமுக தலைவர் ஸ்டாலின் குற்றஞ்சாட்டியுள்ளார்.

நாடாளுமன்ற தேர்தலையொட்டி தமிழகம் முழுவதும் தேர்தல் அதிகாரிகள் மற்றும் பறக்கும் படையினர் தீவிர வாகன சோதனையில் ஈடுபட்டுள்ளனர். ஆம்புலன்ஸ், பள்ளி வாகனம், கட்சி வாகனங்கள், பிரமுகர்களின் கார்கள் என அனைத்திலும் பணம் கொண்டு செல்லப்படுகிறதா ? என்ற சோதனைகள் நடத்தப்படுகிறது. தமிழகத்தில் இதுவரை ரூ.137.81 கோடி பணம் பறிமுதல் செய்யப்பட்டுள்ளது. அத்துடன் ரூ.141 கோடி மதிப்புள்ள தங்கம் மற்றும் வெள்ளி உள்ளிட்ட பொருட்களும் கைப்பற்றப்பட்டுள்ளன. இருப்பினும் வாக்காளர்களுக்கு பணம் கொடுக்கும் பணிகள் நடைபெற்று வருவதாக குற்றச்சாட்டுகள் தொடர்ந்து எழுந்துகொண்டே இருக்கின்றன.

இந்நிலையில் நேற்று ஈரோட்டில் போட்டியிடும் மதிமுக வேட்பாளர் கணேசமூர்த்தியை ஆதரித்து திமுக தலைவர், மு.க.ஸ்டாலின் பிரச்சாரம் செய்தார். அப்போது பேசிய அவர், “அதிமுகவினர் வாக்காளர்களுக்கு கொடுக்கும் பணத்தை போலீஸ் வாகனத்திலேயே கொண்டு செல்கின்றனர். அதனை திமுக தொண்டர்கள் மக்களுடன் கைகோர்த்து பிடிக்க வேண்டும். தேர்தல் நேரத்தில் பணத்தை போலீஸ் வாகனங்களிலேயே கொண்டு செல்வதற்காகத் தான், டிஜிபி ராஜேந்திரனுக்கு பதவிக்காலம் நீட்டிப்பு செய்யப்பட்டுள்ளது” என்று குற்றஞ்சாட்டினார்.

இதற்கிடையே இன்று மு.க.ஸ்டாலின் மீது கோவை காவல்துறையினர் 3 பிரிவுகளின் கீழ் வழக்குப்பதிவு செய்துள்ளனர். அமைச்சர் தங்கமணிக்கு எதிராக ஆதாரங்கள் இன்றி உண்மைக்கு புறம்பான வகையில் பேசியதாக அவர் மீது வழக்குப்பதியப்பட்டுள்ளது. மேலும் பொள்ளாச்சி சம்பவம் தொடர்பாக உண்மைக்கு புறம்பானவற்றை பேசியுள்ளார் என்றும், இனிமேல் அதனை பரப்புரையில் பேசக்கூடாது என்றும் புகாரில் தெரிவிக்கப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close