[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 75.59 காசுகளாகவும், டீசல் லிட்டருக்கு ரூ. 70.59 காசுகளாகவும் விலை நிர்ணயம்
  • BREAKING-NEWS காரைக்குடியில் அனுமதியின்றி தேர்தல் அலுவலகம் திறந்த புகாரில், சிவகங்கை மக்களவை தொகுதியில் போட்டியிடும் அமமுக வேட்பாளர் தேர்போகி பாண்டி மீது காரைக்குடி போலீசார் வழக்குப்பதிவு
  • BREAKING-NEWS ஓபிஎஸ் மகன் அதிமுகவிற்காக பல ஆண்டுகளாக உழைத்து வருகிறார்; அதனால் அவரை வேட்பாளராக அறிவித்ததில் எந்த தவறும் இல்லை - அமைச்சர் கே.சி.வீரமணி
  • BREAKING-NEWS நெதர்லாந்து நாட்டின் உட்ரெச் நகரில் மர்ம நபர் ஒருவர் நடத்திய துப்பாக்கிச்சூட்டில் ஏராளமானோர் படுகாயமடைந்துள்ளனர்
  • BREAKING-NEWS நேர்காணலுக்கு கூட வராமல், தான் தேர்தலில் போட்டியிடுவதாக சி.கே.குமரவேல் அறிவித்தது கட்சி கட்டுப்பாடுகளுக்கு முரணான செயல் - ஜனநாயக முறைப்படி நடைபெற்ற வேட்பாளர் தேர்வுமுறைக்கு எதிராக செயல்பட்டதால் மக்கள் நீதி மய்யம் கட்சித் தலைமை அவரின் ராஜினாமாவை ஏற்றுக்கொள்கிறது
  • BREAKING-NEWS கோடநாடு கொலை, கொள்ளை வழக்கில் சயான், மனோஜ் உட்பட 10பேரை மார்ச் 27ல் மீண்டும் ஆஜர்படுத்த காவல்துறைக்கு உதகை நீதிமன்றம் உத்தரவு
  • BREAKING-NEWS சென்னையில் பெட்ரோல் லிட்டருக்கு ரூ. 75.52 காசுகளாகவும், டீசல் லிட்டருக்கு ரூ. 70.87 காசுகளாகவும் விலை நிர்ணயம்

குழாயை காணவில்லை ! புகார் அளித்து தனக்கான நீதியை பெற்ற திரூப்பூர் வாசி

govt-officials-bribes-to-provide-drinking-water-connection-at-tiruppur

திருப்பூரில் குடிநீர் இணைப்பு வழங்க லஞ்சம் கேட்ட அதிகாரிகளை வடிவேலு பட பாணியில் தனது குழாய் இணைப்பை காணவில்லை என புகார் அளித்து குடிநீர் குழாய் இணைப்பை ஒருவர் பெற்றுள்ளார்.

திருப்பூர் பிகேஆர் காலனி பகுதியை சேர்ந்தவர் ஜோதிமணி. இவர் தனது மனைவி கோமதி மற்றும் இரண்டு மகன்களுடன் அப்பகுதியில் குடியிருந்து வருகிறார். இந்நிலையில் தனது வீட்டிற்கு புதிதாக குடிநீர் இணைப்பு குழாய் வழங்க மாநகராட்சி அலுவலகத்தில் கடந்த ஆண்டு நவம்பர் மாதம் விண்ணப்பித்திருந்தார். இது தொடர்பாக டிசம்பர் மாதம் 5ஆம் தேதி அவர் குடிநீர் இணைப்புக்கான தொகையையும் செலுத்தி உள்ளார். இதனை அடுத்த இரண்டு தினங்களில் வந்த மாநகராட்சி ஊழியர்கள் குழாய் இணைப்பு வழங்க 15 ஆயிரம் ரூபாய் லஞ்சமாக கேட்டுள்ளனர். அதற்கு ஜோதிமணி பணம் தரமுடியாது என்ற உடன் அவர்கள் குடிநீர் இணைப்பு வழங்காமல் சென்றுள்ளனர். 

Related image

இந்நிலையில் கடந்த ஆண்டு டிசம்பர் மாதம் 30 ஆம் தேதி குடிநீர் இணைப்பு வழங்கப்பட்டுவிட்டதாக ஜோதிமணிக்கு குறுந்தகவல் வந்துள்ளது. இதனை கண்டு அதிர்ச்சியடைந்த ஜோதிமணி, தொடர்ந்து மாநகராட்சி மற்றும் மண்டல அலுவலர்கள் இடம் முறையிட்டுள்ளார். பின்னர் அவரை அலைக்கழித்த மாநகராட்சி அதிகாரிகள் அவருக்கு எந்தவிதத்திலும் குடிநீர் இணைப்பு வழங்க முன்வரவில்லை.

இதனையடுத்து தனது அண்ணன் சரவணனின் உதவியுடன் கடந்த 9ஆம் தேதி அன்று ஆன்லைன் மூலமாக திருப்பூர் தெற்கு காவல் நிலையத்தில் ஒரு புகார் ஒன்றை அளித்தார். அதில் தனது குழாய் இணைப்பை யாரோ திருடி விட்டார்கள், அதனை மீட்டுத்தருமாறு புகார் மனு அளித்திருந்தார். வடிவேலு பட பாணியில் கிணற்றை காணவில்லை என்ற புகாரினை போல இந்த குழாயை காணவில்லை என்று புகார் போலீசார் மற்றும் மாநகராட்சி அதிகாரிகளை கலக்கத்தில் ஆழ்த்தியது. 

இதனைதொடர்ந்து இன்று உடனடியாக ஜோதிமணியின் வீட்டிற்கு வந்த மாநகராட்சி அதிகாரிகள் அவருக்கு உடனடியாக குழாய் இணைப்பு வழங்கினர். நகைச்சுவையாக இருந்தாலும் தனக்கு சேரவேண்டிய குழாய் இணைப்பை புகாரின் மூலமாக மூன்றே தினத்தில் பெற்ற இந்த திருப்பூர் வாசி அனைவரின் கவனத்தையும் ஈர்த்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close