[X] Close
JUST IN
  • BREAKING-NEWS நாங்குநேரி தொகுதி இடைத்தேர்தலை தள்ளி வைக்கக்கோரி உயர்நீதிமன்ற மதுரை கிளையில் சுயேச்சை வேட்பாளர் மனு
  • BREAKING-NEWS ராஜிவ்காந்தி குறித்து பேசியதை திரும்பப்பெற முடியாது; கைதுக்கும் நான் பயப்படப்போவதில்லை - சீமான்
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்

முகாம் இல்லாததால் சுடுகாட்டில் சமைத்து உண்ணும் மக்கள்

gaja-cyclone-effect-muthupettai-village-people-near-thiruthuraipoondi-living-in-cemetery-due-to-lack-of-help

திருத்துறைப்பூண்டி தாலுக்கா முத்துப்பேட்டை ஒன்றியத்தில் கஜாபுயலால் பாதிக்கப்பட்ட 36 குடும்பத்தினர் வீடு இல்லாததால்
சுடுகாட்டில் தஞ்சமடைந்துள்ளனர். 

தமிழகத்தின் டெல்டா மாவட்டங்களை புரட்டிப் போட்ட கஜா புயலுக்கு இதுவரை 63 பேர் உயிரிழந்தனர். 12 மாவட்டங்கள் பாதிக்கப்பட்டுள்ளன. மின் விநியோக சீரமைப்பு, மரங்களை அப்புறப்படுத்தும் பணி தொடர்ச்சியாக நடைபெற்று வருகிறது. அடிக்கடி மழையும் பெய்து வருவதால் வீடுகளை இழந்த மக்கள் கடும் சிரமத்திற்கு ஆளாகியுள்ளனர். அனைத்து இடங்களிலும் மின்வாரிய ஊழியர்கள் மற்றும் துப்பரவு பணியாளர்கள் வேலை பார்த்து வருகின்றனர். 

         

தமிழக அரசு தீவிரமாக நிவாரண மற்றும் மீட்புப் பணிகளை மேற்கொண்டு வருகின்றன. அரசியல் கட்சிகள், தொண்டு நிறுவனங்கள், அமைப்புகள், பொதுமக்கள் என பல தரப்பினர் பாதிக்கப்பட்ட மக்களுக்கு உதவிகளை செய்து வருகின்றனர்.

இந்நிலையில், திருத்துறைப்பூண்டி தாலுக்கா முத்துப்பேட்டை ஒன்றியத்தில் கஜாபுயலால் பாதிக்கப்பட்ட 36 குடும்பத்தினர் வீடு இல்லாததால் சுடுகாட்டில் தஞ்சமடைந்துள்ளனர். பின்னத்தூர் ஊராட்சி தெற்கு ஜீவா தெருவில் உள்ள 120 க்கும் மேற்பட்டவர்களின் வீடுகள் கஜா புயலால் முற்றிலும்சேதமடைந்துள்ளன. இதனால் பாதிக்கப்பட்ட மக்கள் பிரதான சாலையில் உள்ள சுடுகாட்டில் தஞ்சமடைந்து அங்கேயே சமைத்து உண்டு வருகின்றனர். 

    

முகாம் அமைத்து தராததால் சுடுகாட்டில் தஞ்சமடைந்துள்ளதாக மக்கள் வேதனை தெரிவித்துள்ளனர். இவர்களின் வீடுகளை சீரமைத்து
தர வேண்டும் என்றும் அதுவரை தங்க சமுதாய கூடம் அமைத்து தரவேண்டும் என்றும் கோரிக்கை விடுத்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close