[X] Close
JUST IN
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்
  • BREAKING-NEWS பத்திரிகையாளர் கொலை வழக்கில் சாமியார் குர்மீத் ராம் ரஹீமிற்கு ஆயுள் தண்டனை விதிப்பு - பஞ்ச்குலா சிபிஐ நீதிமன்றம் தீர்ப்பு
  • BREAKING-NEWS திருச்சி: மணப்பாறை அருகே ஆவாரங்காடு ஜல்லிக்கட்டில் மாடுபிடி வீரர்கள், பார்வையாளர்கள் என 71பேர் காயம்
  • BREAKING-NEWS சென்னை வண்டலூர் பூங்காவில் காணும் பொங்கலை முன்னிட்டு 3 மணி நிலவரப்படி 40,000பேர் வருகை தந்துள்ளனர் - பூங்கா நிர்வாகம்
  • BREAKING-NEWS குஜராத்: அகமதாபாத்தில் வல்லபாய் படேல் மருத்துவ அறிவியல் மற்றும் ஆராய்ச்சி நிறுவனம் திறப்பு

என்ஜின் இல்லாத இந்தியாவின் அதிவேக ரயில்..! சென்னையில் அறிமுகம்..!

india-s-first-engine-less-train-flagged-off-from-factory

இந்தியாவிலேயே அதிக வேகத்தில் இயங்கக்கூடிய, என்ஜின் இல்லாத ரயிலான ‘ட்ரெயின் 18’ நேற்று அறிமுகம் செய்யப்பட்டது.

ரயில் பயணத்தையும், அதன் தடதட சத்தத்தையும் விரும்பாதவர்கள் யாரும் இருக்கமாட்டார்கள். இத்தகைய ரயில்கள் என்ஜின்கள் மூலமாகத் தான் இயங்குகின்றன. இந்நிலையில் என்ஜின்கள் இல்லாமல் இயங்கக்கூடிய ரயிலானது சென்னை ஐசிஎஃப்பில் உள்ள ரயில் பெட்டி தொழிற்சாலையில் நேற்று அறிமுகம் செய்யப்பட்டது. ரயில்வே வாரிய தலைவர் அஸ்வனி லோகானி இதனை தொடங்கி வைத்தார். முற்றிலும் உள்நாட்டிலே தயாரிக்கப்பட்டுள்ள இந்த ரயிலானது மற்ற ரயில்களை காட்டிலும் பல்வேறு சிறம்பம்சங்களை கொண்டுள்ளது.

இணைய சேவை பெறுவதற்கான வைஃபை, பயோ டாய்லெட், அதிநவீன கதவுகள் உள்பட சகல வசதிகளுடன் இந்த ரயிலானது தயாரிக்கப்பட்டுள்ளது. முற்றிலும் ஏசி வசதி கொண்ட இந்த ரயில் என்ஜின் இல்லாமல் இயங்கக்கூடியது.

இந்தியாவிலேயே அதிக வேகத்தில் இயங்கக்கூடிய ரயிலாக தற்போது சதாப்தி எக்ஸ்பிரஸ் ரயில்தான் உள்ளது. இதன் அதிகபட்ச வேகம் மணிக்கு 150 கி.மீ ஆகும். இந்நிலையில் சதாப்தியை விட  ‘ட்ரெயின் 18’ அதிவேகத்தில் இயங்கவல்லது. அதாவது மணிக்கு 160 கி.மீ வேகத்தில் செல்லக்கூடியது. இதன்மூலம் சதாப்தி ரயிலில் செல்லும் நேரத்தை விட ‘ட்ரெயின் 18’ ரயிலில் சுமார் 15 சதவீத நேரம் பயணிகளுக்கு மிச்சமாகும்.

மொத்தமாக 16 பெட்டிகளுடன் இந்த ரயில்கள் இயக்கப்பட உள்ளன. மொத்தமாக ஒரே நேரத்தில் 1,128 பயணிகள் பயணிக்க முடியும். மெட்ரோ ரயிலில் இருப்பதை போன்று ஆட்டோமெட்டிக் கதவு வசதி உள்ளது. முற்றிலும் உள்நாட்டிலேயே தயாரிக்கப்பட்ட இந்த ரயிலானது 100 கோடி ரூபாய் செலவில் தயாரிக்கப்பட்டுள்ளது. சோதனை ஓட்டத்திற்கு பின் விரைவில் இந்த ரயிலானது நாட்டிற்கு அர்ப்பணிக்கப்படும் எனத் தெரிகிறது.

Advertisement:
Advertisement:
Advertisement:
[X] Close