[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.79.66 காசுகளாகவும், டீசல் லிட்டருக்கு ரூ.75.63 காசுகளாகவும் விலை நிர்ணயம்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது
  • BREAKING-NEWS கஜா புயலால் தமிழகம் முழுவதும் உயிரிழந்தோர் எண்ணிக்கை மதியம் 2 மணி நிலவரப்படி 40ஆக அதிகரிப்பு
  • BREAKING-NEWS வேதாரண்யம் அருகே 35க்கும் மேற்பட்ட கிராமங்களில் தொலைத்தொடர்பு சேவைகள் முழுவதும் பாதிப்பு
  • BREAKING-NEWS கஜா புயலால் கடுமையாக பாதிக்கப்பட்ட வேதாரண்யம் தனித்தீவாக காட்சியளிக்கிறது

ஆர்வத்தை தூண்டும் கருணாநிதியின் தத்ரூப சிலைகள் !

the-statues-of-karunanidhi-are-very-realistic

ஆந்திர மாநிலம் குண்டூர் மாவட்டத்தை சேர்ந்த சிற்பக் கலைஞர்கள் திமுக தலைவர் கருணாநிதிக்கு சிலைகளை வடிவமைத்து மெரினாவில் காட்சிப்படுத்தியுள்ளனர்.  

ஆந்திர மாநிலம் குண்டூர் மாவட்டம் தெனாலியை சேர்ந்தவர்கள் சிற்பக்கலை நிபுணர்களான வெங்கடேஸ்வரா ராவ் மற்றும் ரவிச்சந்திரன். இவர்கள் இணைந்து திமுக தலைவர் கருணாநிதியின் முழு உருவ சிலைகளை நேரில் காண்பதைப் போன்று தத்ரூபமாக தயார் செய்துள்ளனர். இதுகுறித்து சிற்பக் கலை நிபுணர் வெங்கடேஸ்வர ராவ் கூறுகையில், "திமுக தலைவர்  கருணாநிதி மக்களின் பேராதரவு பெற்றவர். அவர் மறைவிற்குப் பிறகு 13 நாட்களில் இரவு பகல் பாராமல் கஷ்டப்பட்டு அவரின் பல்வேறு வடிவங்களிலான சிலைகள் செய்துள்ளோம்.

இந்தச் சிலைகளை மதுரை மாவட்டம் திருமங்கலத்திற்கும், திருவள்ளூர் மாவட்டம் கும்மிடிப்பூண்டி சேர்ந்த தொண்டர்களும் தங்களுக்கு வேண்டும் என தெரிவித்துள்ளனர். மேலும் பல்வேறு வடிவங்களில் அமைக்கப்பட்டுள்ள கருணாநிதியின் சிலைகள் சென்னை மெரினா கடற்கரையில் காட்சிப்படுத்தப்பட உள்ளது" என தெரிவித்தார். 

சிற்பக் கலை நிபுணர் ரவிச்சந்திரன் கூறுகையில் "சிற்பக்கலையில் மாஸ்டர் டிகிரி செய்துள்ளேன் தெலுங்கானா மாநிலம் ஐதராபாத்தில் வடிவமைக்கப்பட்டு வரும் ராமானுஜர் சிலை, குஜராத்தில் அமைக்கப்பட்டு வரும் படேல் சிலை சீனாவிலிருந்து தயார் செய்யப்பட்டு வருகிறது. ஆனால் அதற்கு இணையாக நம் நாட்டு பண்டைய முறைப்படி சிலை தயாரிப்பில் அதைவிட மிகவும் சிறப்பாக செய்வதற்கான திறமைகள் எங்களிடம் உள்ளது.

அரசு இதனை அடையாளம் கண்டு தங்களின்  கலையை நிரூபிக்கும் விதமாக வாய்ப்பை வழங்க வேண்டும்" என தெரிவித்தார். மேலும் முன்னாள் ஜனாதிபதி அப்துல்கலாம் மற்றும் முன்னாள் பிரதமர் வாஜ்பாய் சிலைகள் இங்கு இருந்து தயார் செய்யப்பட்டு நாடு முழுவதும் உள்ள பல்வேறு மாநிலங்களுக்கு அவர்களின் ஆதரவாளர்கள் பெற்றுச் செல்கின்றனர் என அவர் தெரிவித்தார்.

Advertisement:
Advertisement:
Advertisement:
[X] Close