[X] Close
JUST IN
  • BREAKING-NEWS இருசக்கர வாகனத்தை ஓட்டுபவருடன் பின்னால் அமர்ந்து செல்பவருக்கும் ஹெல்மெட் கட்டாயம்- உயர்நீதிமன்றம்
  • BREAKING-NEWS ஹெல்மெட் கட்டாயம் என்பதை அமல்படுத்த தமிழக அரசுக்கு சென்னை உயர்நீதிமன்றம் உத்தரவு
  • BREAKING-NEWS இருசக்கர வாகனங்களை விற்கும் நிறுவனங்களே ஹெல்மெட்டையும் இலவசமாக வழங்க வேண்டும்- தமிழிசை சவுந்தரராஜன்
  • BREAKING-NEWS வாகன ஆய்வாளர் வங்கி லாக்கரில் 9.5 கிலோ தங்கம் பறிமுதல்
  • BREAKING-NEWS சென்னை, கடலூர், நாகை துறைமுகங்களில் ஒன்றாம் எண் புயல் எச்சரிக்கை கூண்டு ஏற்றப்பட்டுள்ளது
  • BREAKING-NEWS சென்னையில் இன்று பெட்ரோல் லிட்டருக்கு ரூ.85.48 காசுகளாகவும், டீசல் லிட்டருக்கு ரூ.78.10 காசுகளாகவும் விலை நிர்ணயம்
  • BREAKING-NEWS திமுகவுக்கு எதிராக வரும் 25ம் தேதி மாவட்ட தலைநகரங்களில் கண்டன ஆர்ப்பாட்டம் - முதல்வர் பழனிசாமி

அத்திக்கடவு - அவிநாசி திட்டம் விரைந்து செயல்படுத்தப்படும்

aththikadavu-avinashi-project-will-be-implemented-soon

அத்திக்கடவு-அவிநாசி குடிநீர் வழங்கல் மற்றும் நீர்பாசனத் திட்டத்தை 1,789 கோடி ரூபாய் மதிப்பீட்டில் செயல்படுத்த விரைவில் அனுமதி வழங்கவுள்ளதாக தமிழக அரசு தெரிவித்துள்ளது.

2018-19ஆம் நிதியாண்டுக்கான தமிழக அரசின் நிதிநிலை அறிக்கையை நிதி அமைச்சக பொறுப்பு வகிக்கும் துணை முதலமைச்சர் ஓ.பன்னீர்செல்வம் சட்டப்பேரவையில் தாக்கல் செய்தார். இதில் நீர்வள ஆதாரத்துறைக்கு 5,127 கோடியே 57 லட்சம் ரூபாய் ஒதுக்கப்பட்டுள்ளது. அதில் அத்திக்கடவு-அவிநாசி திட்டத்திற்காக 250 கோடி ரூபாய் ஒதுக்கப்பட்டுள்ளது. தாமிரபரணி ஆற்றினை நம்பியாற்றுடன் இணைக்கும் திட்டத்திற்கு 100 கோடியே 88 லட்சம் ரூபாய் ஒதுக்கீடு செய்யப்பட்டுள்ளதாக கூறப்பட்டுள்ளது. குடிமராமத்துத் திட்டங்களுக்காக 300 கோடி ரூபாய் ஒதுக்கப்பட்டுள்ளது. அணைகள் புனரமைப்பு மற்றும் மேம்பாட்டுத் திட்டத்திற்காக ரூ.166 கோடியே 8 லட்சம் ஒதுக்கப்பட்டுள்ளது. 250 கோடி ரூபாய் செலவில் தடுப்பணைகள் கட்ட நடவடிக்கை எடுக்கப்படும் என அரசு தெரிவித்துள்ளது.

கோவை, திருப்பூர் மற்றும் ஈரோடு மாவட்டங்களை சேர்ந்த 40 லட்சத்திற்கும் மேற்பட்ட மக்களின் குடிநீர், விவசாயம் மற்றும் கால்நடை வளர்ப்புக்கு ஆதாரமான அத்திக்கடவு - அவிநாசி திட்டம் இப்பகுதி மக்களின் 60 ஆண்டுகால கோரிக்கையாக உள்ளது. பவானி ஆற்றிலிருந்து உபரி ஆகும் நீரை கோவை மாவட்டம் அத்திக்கடவிலிருந்து ஈரோடு மாவட்டம் சென்னிமலை வரை கொண்டு செல்வது தான் இத்திட்டத்தின் நோக்கம். அதன் மூலம் இப்பகுதிகளிலுள்ள 72 குளங்கள், 538 குட்டைகளுக்கு கொண்டு வந்து நிலத்தடி நீர் மட்டத்தை செரிவூட்டும் நோக்கத்தோடு இத்திட்டம் ஏற்படுத்தப்பட்டது.
 

Advertisement:
இது தொடர்பான செய்திகள் :
Advertisement:
Advertisement:
[X] Close