[X] Close
JUST IN
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை
  • BREAKING-NEWS சிலைக்கடத்தல் வழக்கில் ரன்வீர்ஷா கூட்டாளி கிரன்ராவின் முன்ஜாமீன் மனு தள்ளுபடி
  • BREAKING-NEWS சபரிமலை வழக்கின் தீர்ப்பை அமல்படுத்த அவகாசம் கோரி உச்சநீதிமன்றத்தில் தேவசம்போர்டு மனு தாக்கல்
  • BREAKING-NEWS சென்னையில் பெட்ரோல் லிட்டருக்கு ரூ.79.46 காசுகளாகவும், டீசல் லிட்டருக்கு ரூ.75.44 காசுகளாகவும் விலை நிர்ணயம்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது

வைரமுத்து மன்னிப்பு கேட்காவிட்டால் சாகும்வரை போராட்டம்: சடகோப ராமானுஜ ஜீயர்

vairamuthu-should-make-public-apology-at-temple-within-feb-3rd-sri-sadagopa-ramanujar

கவிஞர் வைரமுத்து பிப்ரவரி 3-ம் தேதிக்குள் மன்னிப்பு கேட்காவிட்டால் மீண்டும் போராட்டம் நடைபெறும் என்று சடகோப ராமானுஜ ஜீயர் கூறியுள்ளார். 

தினசரி நாளிதழ் ஒன்று ஏற்பாடு செய்த நிகழ்ச்சியில் ஆண்டாள் குறித்து வைரமுத்து சில ஆய்வறிக்கைகளை மேற்கொள் காட்டி பேசினார். அப்போது ஆண்டாள் தேவதாசி குலத்தைச் சேர்ந்தவர் என்று வைரமுத்து சுட்டிக்காட்டி பேசியது சர்ச்சையை ஏற்படுத்தியது.

ஆண்டாளை தவறாக சித்தரிக்கும் விதமாக வைரமுத்து பேசியதற்கு மன்னிப்பு கேட்க வேண்டும் என்று இந்து அமைப்புகள் கோரிக்கை விடுத்தன. முதலில் தன்னுடைய கருத்து யாருடைய மனதையும் புண்படுத்தி இருந்தால் வருத்தம் தெரிவிப்பதாக வைரமுத்து கூறியிருந்தார். இருப்பினும், வைரமுத்துவுக்கு எதிரான போராட்டங்கள் தொடர்ந்தன. 

இதனால், ஆண்டாள் சர்ச்சை குறித்து விளக்கம் அளித்து நேற்று வீடியோ பதிவு ஒன்றினை வைரமுத்து வெளியிட்டார். அதில் ஆண்டாளை தாயாக நினைப்பதாகவும், சிலர் தன்னுடைய கருத்தை திரித்து வேண்டுமென்றே கலவரத்தை தூண்டும் வகையில் பேசி வருவதாக குற்றம்சாட்டி இருந்தார். வைரமுத்துவின் இந்த விளக்கத்தால் ஆண்டாள் குறித்த சர்ச்சை முடிவுக்கு வரும் என்று எதிர்ப்பார்க்கப்பட்டது. ஆனால், அதன் பிறகும் தொடர்கிறது.

சென்னை பெசன்ட் நகரில் இருக்கும் அவருடையவீட்டை முற்றுகையிட போவதாக இந்து மகாசபை இன்று அறிவித்தது, இதையடுத்து அவரது வீட்டிற்கு முன் 50க்கும் மேற்பட்ட போலீஸார் தற்போது பாதுகாப்பு பணியில் ஈடுபட்டுள்ளனர்.

          

இந்நிலையில், வைரமுத்து மன்னிப்பு கேட்காவிட்டால் மீண்டும் போராட்டம் நடைபெறும் என்று சடகோப ராமானுஜ ஜீயர் கூறியுள்ளார். மேலும் அவர் கூறுகையில், “ஆண்டாளை தாயாக நினைத்தால் ஸ்ரீவில்லிபுத்தூர் கோயிலுக்கு வந்து மன்னிப்புக் கேட்க வேண்டும்; வைரமுத்து மன்னிப்புக் கேட்க பிப்.3 வரை காலக்கெடு கொடுத்துள்ளோம், இல்லையெனில் போராட்டம்” என்றார்.

Advertisement:
Advertisement:
Advertisement:
[X] Close