[X] Close
JUST IN
  • BREAKING-NEWS நாங்குநேரி தொகுதி இடைத்தேர்தலை தள்ளி வைக்கக்கோரி உயர்நீதிமன்ற மதுரை கிளையில் சுயேச்சை வேட்பாளர் மனு
  • BREAKING-NEWS ராஜிவ்காந்தி குறித்து பேசியதை திரும்பப்பெற முடியாது; கைதுக்கும் நான் பயப்படப்போவதில்லை - சீமான்
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்

பரபரப்பான சூழ்நிலையில் இன்று கூடும் அதிமுக எம்எல்ஏ-க்கள் கூட்டம்

today-evening-admk-mla-meeting

சென்னையில் அதிமுக எம்.எல்.ஏக்கள் கூட்டம் இன்று மாலை நடைபெறுகிறது. இதில் பல முக்கிய முடிவுகள் எடுக்கப்படலாம் எனத் தெரிகிறது.

அதிமுகவின் பொதுச்செயலாளராக இருந்த ஜெயலலிதா மறைவை அடுத்து, அந்த கட்சியின் பொதுக்குழுக் கூட்டம் சென்னையில் நேற்று நடந்தது. இதில் அதிமுகவின் தலைமைப் பொறுப்பை சசிகலாவிடம் ஒப்படைப்பது என தீர்மானம் நிறைவேற்றப்பட்டது. அதிமுக பொதுச் செயலாளராக பொறுப்பேற்க சசிகலாவும் ஒப்புதல் தெரிவித்தார்.

இதனைத்தொடர்ந்து சென்னை ராயப்பேட்டையில் உள்ள அதிமுக தலைமை அலுவலகத்தில் சசிகலா நாளை பொறுப்பேற்க உள்ளார்.

இந்நிலையில் அதிமுக எம்எல்ஏ-க்கள் கூட்டம் சென்னையில் இன்று மாலை நடைபெறுகிறது. ராயப்பேட்டையில் உள்ள கட்சி தலைமை அலுவலகத்தில் மாலை 4 மணிக்கு கூட்டம் நடைபெற உள்ளது.பொதுச் செயலாளராக சசிகலா தேர்ந்தெடுக்கப்பட்ட பிறகு நடைபெறும் முதல் அதிமுக எம்எல்ஏ-க்கள் கூட்டம் என்பதால் இதில் முக்கிய முடிவுகள் எடுக்கப்படலாம் எனத் தெரிகிறது.

கட்சிக்கு தலைமை ஏற்பது மட்டுமின்றி தமிழக முதலமைச்சராகவும் சசிகலா பொறுப்பேற்க வேண்டும் என அதிமுக அமைச்சர்கள் சிலர் வலியுறுத்தி வரும் நிலையில் இன்று நடைபெறும் கூட்டத்தில் இது குறித்தும் ஆலோசனை நடைபெறலாம் எனவும் எதிர்பார்க்கப்படுகிறது.

Advertisement:
Advertisement:
Advertisement:
[X] Close