[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.87 காசுகளாகவும், டீசல் லிட்டருக்கு ரூ. 69.97 காசுகளாகவும் விலை நிர்ணயம்
  • BREAKING-NEWS தேர்தல் ஆணைய கூட்டங்களில் பங்கு பெறும் ஆணையர்களின் அனைத்து கருத்துகளும் பதிவு செய்யப்படும் - அசோக் லவாசாவின் எதிர் கருத்துகள் பதிவு செய்யப்படவில்லை என்ற சர்ச்சையை அடுத்து இன்று நடந்த தேர்தல் ஆணைய கூட்டத்தில் முடிவு
  • BREAKING-NEWS பொள்ளாச்சி விவகாரம்: சிபிஐ விசாரணை மூலம் விரைவில் உண்மை வெளியே வரும் என்ற நம்பிக்கை உள்ளது- சிபிஐ முன் ஆஜரான பின் நக்கீரன் ஆசிரியர் கோபால் பேட்டி
  • BREAKING-NEWS தூத்துக்குடி துப்பாக்கிச்சூட்டில் உயிரிழந்த 13 பேருக்கு நினைவுச்சின்னம் அமைக்க வேண்டும்- டிடிவி தினகரன் அறிக்கை
  • BREAKING-NEWS தமிழகத்தில் மே 23ம் தேதி வாக்கு எண்ணும் மையங்களில் கூடுதல் பாதுகாப்பு அளிக்க வேண்டும் - தலைமை தேர்தல் அதிகாரி சத்யபிரதா சாஹூவிடம் திமுக சார்பில் மனு
  • BREAKING-NEWS ராசிபுரம் குழந்தைகள் விற்பனை வழக்கில் கைதான அமுதா உள்பட 7 பேர் மீண்டும் ஜாமீன் கேட்டு மனு
  • BREAKING-NEWS அரவக்குறிச்சி இடைத்தேர்தலில் பதிவான வாக்குகளை 17 சுற்றுகளுக்குப் பதிலாக 32 சுற்றுகளாக எண்ண முடிவு

வர்தா பாதிப்பு: சென்னை காச நோய் மருத்துவமனை சேத மதிப்பு ரூ.5 கோடி

vardha-damage-chennai-tuberculosis-clinics-damages-worth-rs-5-crore

வர்தா எனும் பெருங்காற்று புயலாக மாறியதால் சென்னையும் அதைச் சுற்றியுள்ள பகுதிகளும் சந்தித்த இழப்புகள் ஏராளம்.

பறவையினங்களே கூடு கட்டி வாழ தகுதியில்லாத வெறும் அழகுக்காக மட்டும் நகர் முழுவதும் வளர்க்கப்பட்ட மரங்களால் ஏற்பட்ட பாதிப்புகள், அவை ஏற்படுத்திய பெரும் சேதங்கள் தான் அதிகம்.

தாம்பரத்தில் உள்ள புகழ் பெற்ற காச நோய் மருத்துவமனையையும் வர்தா விட்டு வைக்கவில்லை. மருத்துவமனையில் உள்ள 13 வார்டுகளும் மேற்கூரை, ஜன்னல், கதவுகள் அனைத்தும் வர்தாவால் சூறையாடப்பட்டன. கதவுகளும் ஜன்னல்களும் திறந்த நிலையில் உள்ளதால் தொற்றுநோய் எளிதில் பரவுகிறது என்றும் சுகாதாரச் சீர்கேடு ஏற்பட்டுள்ளதாகவும் கூறுகின்றனர். ஹெச்.ஐ.வியால் பாதிக்கப்பட்டவர்களுக்கு சிகிச்சை அளிக்கும் மையங்களும் சேதமடைந்துள்ளன. வர்தாவால் பாதிக்கப்பட்ட பகுதிகளில் சீரமைப்பு பணிகள் முழுமையடையாததால், நோயாளிகள் கடுமையாகப் பாதிக்கப்பட்டுள்ளனர் என்ற குற்றசாட்டு எழுந்துள்ளது.

சுகாதாரமற்ற குடிநீர் விநியோகிக்கப்படுவதாகவும், காசநோய் பரவாமல் இருக்க முன்னெச்சரிக்கை நடவடிக்கை எதுவும் செய்யப்படவில்லை என்றும் குற்றம்சாட்டப்படுகிறது. ஆனால் புயல் பாதித்த அனைத்து இடங்களிலும் சீரமைப்பு பணிகள் முழுவீச்சில் மேற்கொள்ளப்பட்டு வருவதாக தமிழக அரசு கூறி வருகிறது.

இந்நிலையில் மருத்துவமனையில் ஏற்பட்டுள்ள சேதங்களை சீரமைக்கும் பணிகள் முழுவீச்சில் நடைபெற்று வருவதாக மருத்துவமனை கண்காணிப்பளர் ஸ்ரீதர் தெரிவித்தார். ‌புயல் காரணமாக காசநோய் மருத்துவமனையில் சுமார் 5 கோடி ரூபாய் அளவிற்கு சேதம் அடைந்துள்ளதாகவும், சீரமைப்பு பணியில் 300 பணியாளர்கள், ஜேசிபி இயந்திரங்கள் கொண்டு பணிகள் மேற்கொள்ளப்பட்டுள்ளதாகவும் ஸ்ரீதர் தெரிவித்துள்ளார். மேலும் சேதமடைந்துள்ள வார்டுகளில் இருக்கும் நோயாளிகளுக்கு 50 சிறப்பு படுக்கைகள், உணவு, குடிநீர் மற்றும் மின்சாரம் உள்ளிட்ட எல்லா நிவாரணப்பணிகளும் முழுமூச்சாக நடைபெற்றுக்கொண்டிருக்கின்றன, நோயாளிகளுக்கு அளிக்கப்படும் சேவையில் எந்தவிதமான தொய்வையும் ஏற்படவில்லை என்று கூறும் அவர், ‌கட்டுமானப் பணிகளுக்காக 25 லட்சம் ரூபாயும், மின்இணைப்புகளை சரிசெய்ய 15 லட்சம் ரூபாயும் அரசு வழங்கி சீரமைப்பு பணிகளை விரைந்து முடிக்க நடவடிக்கை எடுத்து வருவதாகவும் தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close