[X] Close
JUST IN
  • BREAKING-NEWS டெல்லியில் மைக்ரோசாஃப்ட் இணை-நிறுவனர் பில்கேட்ஸ், பிரதமர் நரேந்திர மோடியுடன் சந்திப்பு
  • BREAKING-NEWS போராட்டத்தில் ஈடுபட்ட அரசு மருத்துவர்கள் மீதான பழிவாங்கும் நடவடிக்கைகளை நிறுத்த வேண்டும் - உயர்நீதிமன்றம்
  • BREAKING-NEWS உள்ளாட்சித் தேர்தலில் சென்னையை தனித்தொகுதியாக அறிவிக்க வேண்டும் – சீமான்
  • BREAKING-NEWS அதிசயம், அதிர்ஷ்டத்தை நம்புகிறவர் ரஜினி - அமைச்சர் ஜெயக்குமார்
  • BREAKING-NEWS ராஜஸ்தானில் பேருந்து - லாரி மோதி விபத்து: 14 பேர் உயிரிழப்பு
  • BREAKING-NEWS இலங்கையின் அதிபராக பதவியேற்றார் கோத்தபய ராஜபக்ச
  • BREAKING-NEWS டிசம்பர் 2-ல் உள்ளாட்சித் தேர்தல் அறிவிப்பாணை: மாநில தேர்தல் ஆணையம் தகவல்

சீரமைப்புப் பணிகளில் சென்னை மாநகராட்சி பணியாளர்களுடன் இணைந்து செயல்படுங்கள்: ஸ்டாலின்

chennai-corporation-act-in-conjunction-with-the-staff-of-overhauls-stalin

சீரமைப்பு பணியில் மாநகராட்சி பணியாளர்களுடன் இணைந்து பணிகளை விரைந்து முடிக்கவேண்டும் என திமுகவினருக்கு அக்கட்சியின் பொருளாளர் மு.க.ஸ்டாலின் வேண்டுகோள் விடுத்துள்ளார்.

தமிழக எதிர்க்கட்சி தலைவரும் திமுக பொருளாளருமான மு.க.ஸ்டாலின் வர்தா புயலால் பாதிக்கப்பட்ட பொதுமக்களுக்கு ஆறுதல் கூறவும் புயல் பாதித்த இடங்களை நேரில் கண்டறியவும் கொளத்தூர் தொகுதிக்கு காரில் சென்றார். காரில் செல்ல முடியாத இடங்களுக்கு இருசக்கர வாகனத்தில் பயணம் மேற்கொண்ட அவர், சாய்ந்த மரங்களை அகற்றும் பணி மற்றும் இடிந்த வீடுகளை புனரமைக்கும் பணிகளை நேரில் ஆய்வு செய்தார்.

பின்னர் செய்தியாளர்களிடம் பேசிய அவர், சென்னை மற்றும் சுற்றுவட்டாரப் பகுதிகளில் வர்தா புயலால் மிகப்பெரிய பாதிப்பு ஏற்பட்டுள்ளது. புயலின் பாதிப்பால் 10 பேருக்கு மேல் உயிரிழந்து இருப்பதாக தேசிய பேரிடர் அமைப்பு தெரிவிக்கிறது. இதுவரை மொத்தம் 20,000 மரங்கள், மற்றும் 3,000 க்கும் மேற்பட்ட மின் கம்பங்கள் சாய்ந்து இருப்பதாகவும் செய்திகள் வருகின்றன எனத் தெரிவித்தார்.

தொற்று நோய் பரவாமல் தடுக்க தேவையான இடங்களில் மருத்துவ முகாம்களை அமைக்கவும், பொதுமக்களுக்கு குடிநீர், பால் உள்ளிட்ட அத்தியாவசியத் தேவைகள் தட்டுப்பாடின்றி கிடைக்கவும், உரிய நடவடிக்கைகளை விரைந்து எடுக்க வேண்டுமென வலியுறுத்திய ஸ்டாலின், மாநகராட்சி பணியாளர்களுடன் இணைந்து சீரமைப்பு பணிகளை விரைந்து முடிக்க வேண்டும் என திமுகவினரைக் கேட்டுக் கொண்டுள்ளார்.

Advertisement:
Advertisement:
Advertisement:
[X] Close