தமிழகத்தின் சட்ட ஒழுங்கு குறித்து ராஜ்நாத் சிங்கிடம் ஆளுநர் வித்யாசாகர் ராவ் விளக்கம்

தமிழக ஆளுநர் வித்யாசாகர் ராவ் மத்திய உள்துறை அமைச்சர் ராஜ்நாத் சிங்கிடம் தமிழகத்தில் சட்டம் ஒழுங்கு தொடர்பான பிரச்னைகள் எதுவுமில்லை என்று விளக்கம் அளித்துள்ளார்.

தமிழக முதலமைச்சர் அப்போலோ மருத்துவமனையில் சிகிச்சை பெற்று வரும் நிலையில் அவரது உடல்நிலை குறித்து பல்வேறு வதந்திகள் பரவி வருகிறது. இதனால் தமிழக முதல்வரின் உடல்நலம் குறித்து பல்வேறு கட்சித் தலைவர்களும் விசாரித்து வருகின்றனர்.

இந்நிலையில் ஆளுநர் வித்யாசாகர் ராவ்விடம் தொலைபேசியில் தொடர்பு கொண்டு பேசிய அமைச்சர் ராஜ்நாத் சிங் முதலமைச்சரின் உடல்நிலை குறித்தும், தமிழகத்தில் சட்ட ஒழுங்கு குறித்தும் கேட்டறிந்தார். அதற்கு பதிலளித்த வித்யாசாகர் ராவ், முதல்வருக்கு தகுந்த சிகிச்சை அளிக்கப்பட்டு வருவதாக கூறியுள்ளார். மேலும் முதல்வர் உடல்நிலை குறித்து தவறான வதந்திகள் பரப்பப்பட்டு வருவதால் தான் காவல் துறையினர் பாதுகாப்பு பணியில் ஈடுபட்டு வருவதாக தெரிவித்தார். காவல் துறையினர் அதிக அளவில் ஈடுபடுத்தப்பட்டுள்ளதால் தமிழகத்தில் சட்ட ஒழுங்கு பாதிக்கப்பட்டுள்ளதாகக் கருத வேண்டாம் என்று ராஜ்நாத் சிங்கிடம் கேட்டுக்கொண்டுள்ளார்.