[X] Close
JUST IN
  • BREAKING-NEWS கோவை: செட்டிபாளையத்தில் ஜல்லிக்கட்டு போட்டியை அமைச்சர் எஸ்.பி.வேலுமணி தொடங்கி வைத்தார்; ஜல்லிக்கட்டில் 700க்கும் மேற்பட்ட காளைகள், 600க்கும் மேற்பட்ட மாடுபிடி வீரர்கள் பங்கேற்பு
  • BREAKING-NEWS சென்னையில் பெட்ரோல் லிட்டருக்கு ரூ. 73.28 காசுகளாகவும், டீசல் லிட்டருக்கு ரூ. 69.57 காசுகளாகவும் விலை நிர்ணயம்
  • BREAKING-NEWS புல்வாமா தாக்குதலை தொடர்ந்து டெல்லியில் உள்துறை அமைச்சர் ராஜ்நாத் சிங் தலைமையில் நாளை அனைத்துக் கட்சி கூட்டம் நடைபெறுகிறது
  • BREAKING-NEWS தமிழகத்தில் மார்ச் 10ம் தேதி தீவிர போலியோ சொட்டு மருந்து முகாம் நடைபெறும்
  • BREAKING-NEWS புல்வாமா பயங்கரவாத தாக்குதலை தொடர்ந்து பாகிஸ்தானில் உள்ள இந்திய தூதர் டெல்லி திரும்ப மத்திய அரசு உத்தரவு
  • BREAKING-NEWS புல்வாமா பயங்கரவாத தாக்குதலுக்கு பாகிஸ்தான் பதில் சொல்லியே ஆக வேண்டும்; சரியான, உறுதியான பதிலடி கொடுக்கப்படும் - மத்திய அமைச்சர் நிதின் கட்கரி

முதல்வர் ஜெயலலிதாவின் துறைகள் நிதியமைச்சருக்கு ஒதுக்கீடு: திமுக வரவேற்பு

cm-jayalalithaa-portfolio-allocated-for-o-pannerselvam-dmk-welcome

உடல்நிலைக் குறைவு காரணமாக கடந்த செப்டம்பர் மாதம் 22-ஆம் தேதி முதல் சென்னை அப்போலோ மருத்துவமனையில் முதலமைச்சர் ஜெயலலிதா சிகிச்சை பெற்று வருகிறார்.

இந்நிலையில் முதலமைச்சர் ஜெயலலிதா கவனித்துவந்த துறைகள் நிதியமைச்சர் ஒ.பன்னீர்செல்வத்துக்கு ஒதுக்கப்படுவதாக தமிழக ஆளுநர் வித்தியாசாகர் ராவ் நேற்று அறிவிப்பு வெளியிட்டார்.

இது குறித்து கருத்து தெரிவித்த மத்திய இணை அமைச்சர் பொன்.ராதாகிருஷ்ணன், நிர்வாக வசதிக்காகவே இந்த நடவடிக்கை மேற்கொள்ளப்பட்டிருக்கும் என்றும் அரசியல் அழுத்தம் இதற்கு காரணம் இல்லை எனவும் தெரிவித்துள்ளார்.

மு.க.ஸ்டாலின் வரவேற்பு

இலாகாக்கள் ஒ.பன்னீர்செல்வத்திடம் ஒப்படைக்கப்பட்டிருப்பதை எதிர்க்கட்சி தலைவர் ஸ்டாலின் வரவேற்றுள்ளார்.

இது குறித்து அவர் விடுத்துள்ள அறிக்கையில் முதலமைச்சர் உடல் நலம் பெற்று திரும்பும வரை தமிழகத்தின் நலன் கருதி பொறுப்பு முதலமைச்சர் ஒருவரையோ அல்லது அவருக்கு அடுத்துள்ள மூத்த அமைச்சரையோ நிர்வாகப் ‌பணிகளை கவனிக்க நியமிக்க வேண்டும்‌ என திமுக தலைவர் கருணாநிதியும் தானும் தொ‌டர்ந்து கோரிக்கைவிடுத்து வந்ததாக குறிப்பிட்டுள்ளார்.

தமிழகத்தை காவிரி, முல்லைப்பெரியாறு, சிறுவாணி உள்ளிட்ட பிரச்னைகள் சூழ்ந்திருப்பதாகவும், மாநிலத்தின் பல்வேறு நிர்வாகப் பிரச்னைகளை கலந்து ஆலோசிக்க பொறுப்புள்ள அமைச்சரவை இருக்க வேண்டுமென கூறியுள்ள ஸ்டாலின், முக்கிய முடிவுகளை எடுக்க அந்த அமைச்சரவைக்கு ஒரு தலைவர் தேவை என்று குறிப்பிட்டுள்ளார். இந்த நிலையில், மாநில நிர்வாக நலன் கருதி தமிழக ஆளுநர் எடுத்துள்ள நடவடிக்கையை வரவேற்பதாக ஸ்டாலின் தெரிவித்துள்ளார்.

பொறுப்பு முதலமைச்சர் அல்லது மாற்று ஏற்பாடு என்பது குறித்து அரசியல் கட்சிகளின் தலைவர்கள் மாறுப்பட்ட கருத்துகளை தெரிவித்து வந்த நிலையில் ஆளுநரில் அறிவிப்பு விவாதங்களுக்கு முற்றுப்புள்ளியை வைத்துள்ளதாக அரசியல் நோக்கர்கள் கருதுகின்றனர்.

Advertisement:
Advertisement:
Advertisement:
[X] Close