[X] Close
JUST IN
  • BREAKING-NEWS விழுப்புரத்தில் மூன்று குழந்தைகளை கொலை செய்து தந்தையும், தாயும் தற்கொலை
  • BREAKING-NEWS குடியரசுத் தலைவரின் ஒப்புதலையடுத்து குடியுரிமை சட்டத் திருத்த மசோதா அமலுக்கு வந்தது

36 ரன்னிற்கு 3 விக்கெட் - சரிவுடன் தொடங்கிய தென்னாப்பிரிக்க அணி

a-good-day-on-the-field-for-team-india-with-sa-on-36-3-at-stumps-on-day-2-umesh-picks-2-shami-gets-1

தென்னாப்பிரிக்காவுக்கு எதிரான இரண்டாவது டெஸ்ட் போட்டியின் முதல் இன்னிங்சில் இந்திய அணி 5 விக்கெட் இழப்புக்கு 601 ரன்கள் குவித்து டிக்ளேர் செய்தது.

இந்தியா - தென்னாப்பிரிக்கா அணிகளுக்கு இடையிலான இரண்டாவது டெஸ்ட் கிரிக்கெட் போட்டி புனேவில் நடைபெற்று வருகின்றது. இதில் டாஸ் வென்று முதலில் பேட்டிங் செய்த இந்திய அணி முதல் நாள் முடிவில் 3 விக்கெட் இழப்புக்கு 273 ரன்கள் எடுத்தது. மயங்க் அகர்வால் 108, புஜாரா 58 ரன்கள் எடுத்து ஆட்டமிழந்தனர். விராட் கோலி 63 ரன்களுடனும், ரகானே 18 ரன்களுடன் களத்தில் இருந்தனர். இரண்டாவது நாளான இன்று விராட் கோலி அசத்தலாக விளையாடினார். சிறப்பாக விளையாடிய ரகானே 59 ரன்கள் எடுத்து ஆட்டமிழந்தார். 

பின்னர், விராட் கோலியுடன் ரவீந்திர ஜடேஜா ஜோடி சேர்ந்தார். தொடக்கத்தில் இருவரும் நிதானமாக விளையாடி ரன்களை சேர்த்தனர். 173 பந்துகளில் சதம் அடித்த விராட் கோலி, 295 பந்துகளில் இரட்டை சதம் விளாசினார். 150 ரன்களை கடந்த பிறகு அவர் ஒரு நாள் போட்டியைப் போல் விளையாடினார். அவருக்கு நன்கு ஒத்துழைப்பு அளித்த ஜடேஜாவும் 79 பந்துகளில் அரைசதம் அடித்தார். 

                   

அதன் பிறகு விராட் - ஜடேஜா ஜோடி முழுக்க முழுக்க ஒருநாள் போட்டிகளை போல் விளையாடினர். சில ஓவர்களில் சிக்ஸரும் பவுண்டரிகளுமாக விளாசினர். தென்னாப்ப்ரிக்க பந்துவீச்சாளர்களும் விக்கெட்டை வீழ்த்த எவ்வளவோ முயற்சித்தனர். ஆனால் பளிக்கவில்லை. இந்த ஜோடி 215 பந்துகளில் 200 ரன்களை குவித்தது. விராட் கோலி 334 பந்துகளில் 250 ரன்களை எட்டினார். டெஸ்ட் போட்டிகளில் விராட் கோலியின் அதிகபட்ச ரன் இதுதான். அத்துடன், சச்சினையும்(248) அவர் முந்தினார். 

அதிரடியாக விளையாடி வந்த ஜடேஜா 104 பந்துகளில் 91 ரன்கள் விளாசி ஆட்டமிழந்தார். அவர் 2 சிக்ஸர், 8 பவுண்டரிகள் விளாசினார். அப்போது இந்திய அணி 5 விக்கெட் இழப்புக்கு 601 ரன்கள் குவித்திருந்தது. கேப்டன் விராட் கோலி ஆட்டத்தை டிக்ளேர் செய்வதாக அறிவித்தார். விராட் 254(336) ரன்களுடன் ஆட்டமிழக்காமல் இருந்தார். அவர் 2 சிக்ஸர்களுடன் 33 பவுண்டரிகளை விளாசினார். தென்னாப்பிரிக்கா அணி தரப்பில் ரபாடா 3 விக்கெட் வீழ்த்தினார்.

                     

இதனையடுத்து, தென்னாப்பிரிக்க அணி தனது முதல் இன்னிங்சை விளையாடியது. அந்த அணியில் எல்கர், மார்கரம் தொடக்க வீரர்களாக களமிறங்கினர். மார்கரம் உமேஷ் யாதவ் பந்துவீச்சில் டக் அவுட் ஆனார். அவரை தொடர்ந்து எல்கரையும் 6 ரன்னில் போல்ட் ஆக்கினார் உமேஷ். இதனையடுத்து, பவுமாவை 8 ரன்னில் அவுட் ஆக்கினார் முகமது சமி. தென்னாப்பிரிக்கா அணி

            

இரண்டாவது நாள் முடிவில் தென்னாப்பிரிக்கா அணி 3 விக்கெட் இழப்புக்கு 36 ரன்கள் எடுத்துள்ளது. 

போட்டோ கேலரி

0 of 1

Advertisement:
இது தொடர்பான செய்திகள் :
Advertisement:
Advertisement:
[X] Close