[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

வெளியேறியது கொல்கத்தா: மும்பை இண்டியன்ஸ் அபார வெற்றி!

mumbai-indians-end-kolkata-knight-riders-journey

ஐபிஎல் தொடரின் கடைசி லீக் போட்டியில் மும்பை இண்டியன்ஸ் அணி 9 விக்கெட்டு வித்தியாசத்தில் வெற்றி பெற்று கொல்கத்தாவை வெளியேற்றியது.

ஐபிஎல் தொடரின் கடைசி லீக் போட்டியில் மும்பை இண்டியன்ஸ் மற்றும் கொல்கத்தா நைட் ரைடர்ஸ் அணிகள் நேற்று மோதின. மும்பை வான்கடே மைதானத்தில் நடந்த இந்தப் போட்டியில் முதலில் கொல்கத்தா அணி பேட்டிங் செய்தது.

தொடக்க ஆட்டக்காரர்கள் கிறிஸ் லின் மற்றும் சுப்மான் கில் இருவரும் முதல் சில ஓவர்களில் தடுமாறினர். கில், 16 பந்துகளில் 9 ரன் எடுத்து ஹர்திக் பாண்ட்யா பந்துவீச்சில் வெளியேறினார். அடுத்து ராபின் உத்தப்பா வந்தார். இருவரும் அதிரடியில் ஈடுபட்டனர். 29 பந்துகளில் 4 சிக்சர் மற்றும் 2 பவுண்டரிகள் உட்பட 41 ரன்கள் விளாசிய லின், ஹர்திக் பாண்ட்யா பந்துவீச்சில் ஆட்டமிழந்தார். 

அவரைத் தொடர்ந்து களமிறங்கிய கேப்டன் தினேஷ் கார்த்திக்கை வெறும் 3 ரன்னில் வெளியேற்றினார் மலிங்கா. அவரைத் தொடர்ந்து வந்த ரஸல், இந்த முறை ஏமாற்றினார். வந்த வேகத்திலேயே அவரது விக்கெட்டை எளிதாக எடுத்தார் மலிங்கா. இதனால் அந்த அணி 13 ஓவர்கள் முடிவில் 4 விக்கெட் இழப்பிற்கு 73 ரன்கள் எடுத்து தடுமாறிக் கொண்டிருந்தது. அடுத்து வந்த நிதிஷ் ராணா, உத்தப்பாவுடன் இணைந்து அணியின் ஸ்கோரை உயர்த்தினார். அவர் 13 பந்தில் 3 சிக்சருடன் 26 ரன்கள் எடுத்து மலிங்கா பந்துவீச்சில் ஆட்டமிழந்தார்.

மறுபுறம் உத்தப்பா தனது சிறப்பான ஆட்டத்தை வெளிபடுத்தினார். 3 சிக்சர் மற்றும் ஒரு பவுண்டரியுடன் 40 ரன்னில் 20-வது ஓவரில் ஆட்டமிழந்தார். இறுதியில் கொல்கத்தா அணி 20 ஓவர்கள் முடிவில் 7 விக்கெட் இழப்பிற்கு 133 ரன்கள் எடுத்தது. மும்பை தரப்பில் மலிங்கா 3 விக்கெட்டுகளையும் பும்ரா,  ஹர்திக் பாண்ட்யா தலா 2 விக்கெட்டையும் எடுத்தனர்.

அடுத்து எளிதான இலக்கை நோக்கி களமிறங்கிய மும்பை அணி 16.1 ஓவர்களில் ஒரு விக்கெட்டுக்கு 134 ரன்கள் சேர்த்து எளிதில் வெற்றியை வசப்படுத்தியது. குயின்டான் டி காக் 30 ரன்னில் கேட்ச் ஆனார். கேப்டன் ரோகித் சர்மா 48 பந்தில் 55 ரன்னுடனும் சூர்யகுமார் யாதவ் 27 பந்தில் 46 ரன்னுடனும் ஆட்டமிழக்காமல் களத்தில் இருந்தனர்.

9-வது வெற்றியை பெற்ற மும்பை இண்டியன்ஸ் அணி புள்ளி பட்டியலிலும் முதலிடத்துக்கு முன்னேறியது. 8-வது தோல்வியை தழுவிய கொல்கத்தா அணி அடுத்த சுற்று வாய்ப்பை இழந்து வெளியேறியது.

Advertisement:
Advertisement:
Advertisement:
[X] Close