[X] Close
JUST IN
  • BREAKING-NEWS சென்னை மாநகரத்தின் அரசியல் மற்றும் கலாசார வரலாற்றை பற்றி பல புத்தகங்களை எழுதிய புகழ்பெற்ற எழுத்தாளர் மற்றும் பத்திரிகையாளரான எஸ்.முத்தையா காலமானார்
  • BREAKING-NEWS பிரதமர் மோடி பற்றி 5 பகுதிகளை கொண்ட Modi-Journey of a Common Man என்ற வெப் சீரிஸ் தொடரை நிறுத்த ஈராஸ் நவ் நிறுவனத்துக்கு தேர்தல் ஆணையம் உத்தரவு
  • BREAKING-NEWS 4 தொகுதி சட்டப்பேரவை தேர்தல் பிரசாரத்தை மே 1ம் தேதி ஒட்டப்பிடாரத்தில்(தனி) தொடங்குகிறார் திமுக தலைவர் மு.க.ஸ்டாலின்
  • BREAKING-NEWS ராகுல் காந்திக்கு ஆதரவாக கேரள மாநிலம் வயநாட்டின் மானந்தவாடி பகுதியில் இன்று பிரியங்கா காந்தி வதேரா வாக்கு சேகரிப்பு
  • BREAKING-NEWS பொன்னமராவதி சம்பவத்தால் அசம்பாவிதம் நிகழாமல் தடுக்க புதுக்கோட்டை மாவட்டம் முழுவதும் இன்று டாஸ்மாக் கடைகளை மூட ஆட்சியர் உமா மகேஸ்வரி உத்தரவு
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக

ஐபிஎல்: முதல் வெற்றியை பதிவு செய்த ராஜஸ்தான் ! தொடர் தோல்வியில் பெங்களூர்

rajasthan-royals-first-win-as-rcb-s-losing-streak-continues

ஐபிஎல் கிரிக்கெட் தொடரில் பெங்களூரு ராயல் சேலஞ்சர்ஸ் அணிக்கு எதிரான ஆட்டத்தில் ராஜஸ்தான் ராயல்ஸ் அணி ஏழு விக்கெட் வித்தியாசத்தில் அபார வெற்றி பெற்றது. இதன் மூலம் நடைபெற்று வரும் ஐபிஎல் தொடரில் முதல் வெற்றியை பதிவு செய்தது. 

ராஜஸ்தான் ராயல்ஸ் மற்றும் ராயல் சேலஞ்சர்ஸ் பெங்களூர் அணிகள் இடையேயான டி20 போட்டி ஜெய்பூரில் உள்ள மைதானத்தில் நடைபெற்றது. இந்தப் போட்டியில் டாஸ் வென்ற ராஜஸ்தான் அணி முதலில் பந்துவீச தீர்மானித்தது. இதனால் முதல் பேட்டிங் செய்த பெங்களூர் அணியில், தொடக்க ஆட்டக்காரர்களாக களமிறங்கிய விராட் கோலி மற்றும் பார்திவ் படேல் சிறந்த பேட்டிங்கை வெளிபடுத்தினர். ஆனால் 23 (25) ரன்கள் எடுத்த நிலையில் கோலி விக்கெட்டை இழந்தார்.

அதன்பின்னர் வந்த பெங்களூர் பேட்ஸ்மேன்கள் சொற்ப ரன்களில் வெளியேறினர். பார்திவ் படேல் மற்றும் ஸ்டொயினிஸ் ஆகியோர் நிலைத்து ஆடினர். அரைசதம் அடித்த பார்திவ் படேல் 67 (41) ரன்களில் விக்கெட்டை பறிகொடுத்தார். பின்னர் வந்த மொய்தின் 18 (9) ரன்கள் சேர்க்க, இறுதிவரை ஆட்டமிழக்காத ஸ்டொயினிஸ் 31 (28) எடுத்தார். 20 ஓவர்கள் முடிவில் பெங்களூர் அணி 4 விக்கெட்டுகள் இழப்பிற்கு 158 ரன்கள் சேர்த்தது. ராஜஸ்தான் அணியில் ஸ்ரேயாஸ் கோபால் 3 விக்கெட்டுகளையும் ஜோஃப்ரா ஆர்ச்சர் ஒரு விக்கெட்டையும் வீழ்த்தினர். 

பின்னர் களமிறங்கிய ராஜஸ்தான் அணி, 19.5 ஓவர்களில் மூன்று விக்கெட் இழப்பிற்கு 164 ரன்களை எடுத்து வெற்றி இலக்கை எட்டியது. அணியின் கேப்டன் ரஹானே 22 ரன்களிலும், ஸ்டீவ் ஸ்மித் 38 ரன்களிலும் ஆட்டமிழந்தனர். பெங்களூரு அணியின் வீரர் சாஹல் இரண்டு விக்கெட்டுகளையும், மொஹமத் சிராஜ் ஒரு விக்கெட்டையும் எடுத்தனர். 

‌இந்த போட்டியில் இவ்விரு அணிகளின் கீப்பர்களும் அதிகமான ரன்களை எடுத்து தங்களின் அணிகளுக்கு பலத்தை சேர்த்தனர். மூன்று விக்கெட்டுகளை வீழ்த்தி அசத்திய ராஜஸ்தான் அணி வீரர் ஸ்ரேயஸ் கோபால் ஆட்ட நாயகனாக தேர்ந்தெடுக்கப்பட்டார். இந்த வெற்றி தான் ஐபிஎல் தொடரில் ராஜஸ்தான் அணிக்கு கிடைத்த முதல் வெற்றியாகும்.

Advertisement:
Advertisement:
Advertisement:
[X] Close