[X] Close
JUST IN
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து
  • BREAKING-NEWS சென்னையில் பெட்ரோல் லிட்டருக்கு ரூ.72.82 காசுகளாகவும், டீசல் லிட்டருக்கு ரூ.68.26 காசுகளாகவும் விலை நிர்ணயம்
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்

'புதுசு புதுசா கண்டுபிடிச்சு அவுட் ஆகிறாரே...' கே.எல்.ராகுலுக்கு பயிற்சியாளர் எச்சரிக்கை!

rahul-finding-new-ways-to-get-out-says-sanjay-bangar

தனது விக்கெட்டை இழக்க, புதிது புதிதான வழிமுறைகளை கே.எல்.ராகுல் கண்டுபிடிக்கிறார் என்று இந்திய கிரிக்கெட் அணியின் பயிற்சியாளர் சஞ்சய் பங்கர் கூறினார்.

இந்திய கிரிக்கெட் அணி ஆஸ்திரேலியாவில் சுற்றுப்பயணம் செய்து கிரிக்கெட் விளையாடி வருகிறது. இரு அணிகளுக்கு இடையிலான 3 போட்டிகள் கொண்ட டி20 தொடர், மழை காரணமாக 1-1 என்ற கணக்கில் சமனில் முடிந்தது. இதைத் தொடர்ந்து 4 போட்டிகள் கொண்ட டெஸ்ட் தொடரில் இந்திய அணி பங்கேற்கிறது. டிசம்பர் 6ஆம் தேதி முதல் போட்டி தொடங்குகிறது. இதை அடுத்து 3 போட்டிகள் கொண்ட ஒரு நாள் தொடரில் இந்திய அணி பங்கேற்க இருக்கிறது. 

இதற்கிடையே, இந்திய அணி ஒரே ஒரு பயிற்சி ஆட்டத்தில் விளையாடி வருகிறது. இந்தியா-ஆஸ்திரேலிய கிரிக்கெட் வாரிய லெவன் அணிகள் இடையிலான இந்த 4 நாள் பயிற்சி ஆட்டம் சிட்னியில் தொடங்கியது. முதல் நாள் ஆட்டம் மழை காரணமாக கைவிடப்பட்டது. இரண்டாம் நாள் ஆட்டம் இந்திய நேரப்படி நேற்று காலை தொடங்கியது. முதலில் பேட்டிங் செய்த இந்திய அணி 358 ரன்னுக்கு அனைத்து விக்கெட்டையும் இழந்தது.

இந்தப் போட்டியில் பிருத்வி ஷா, புஜாரா, விராத் கோலி, ராஹானே, விஹாரி ஆகியோர் அரை சதம் அடித்தனர். ஆனால், தொடக்க வீரராக களமிறங்கிய கே.எல்.ராகுல் வெறும் 3 ரன்னில் ஆட்டமிழந்து ஏமாற்றினார். இது இந்திய அணியின் பயிற்சியாளர் சஞ்சய் பங்காரை கோபத்தில் ஆழ்த்தியது. 

இதுபற்றி அவர் கூறும்போது, ‘ராகுல் நல்ல நிலையில் இருக்கிறார். ஆனால் புதிது புதிதான வழிமுறைகளை கண்டுபிடித்து ஆட்டமிழப்பதுதான் பிரச்னையாக இருக்கிறது. இந்த ஆட்டத்தில் கூட விலகிச் சென்ற பந்தை தேடி போய் அடித்து, தேவையில்லாமல் விக்கெட்டை பறிகொடுத்தார். அவர் ஃபார்முக்கு வர ஒரு நல்ல இன்னிங்ஸ் போதும். அவரது திறமை எங்களுக்கு தெரியும்.

அவர் களத்தில் முழு திறமையை வெளிக்காட்டி ரன்கள் குவிப்பது அணிக்கு அவசியம். அவர் இன்னும் இளம் வீரர் அல்ல. ஆஸ்திரேலியாவுக்கு 2 வது முறையாக வந்துள்ளார். 30 டெஸ்ட் போட்டிகளில் விளையாடி இருக்கிறார். அவருக்கும் பொறுப்பு இருக்கிறது. அதை உணர்ந்து விளையாட வேண்டும்’ என்றார்.

Advertisement:
இது தொடர்பான செய்திகள் :
Advertisement:
Advertisement:
[X] Close