[X] Close
JUST IN
  • BREAKING-NEWS அடுத்த ஆண்டு நடைபெறும் ஒலிம்பிக்கில் பங்கேற்க ரஷ்யாவுக்கு தடை
  • BREAKING-NEWS திருவண்ணாமலையில் பரணி தீபம் ஏற்றப்பட்டது: மாலையில் ஏற்றப்படும் மகா தீபத்திற்காக ஏற்பாடுகள் தீவிரம்
  • BREAKING-NEWS மக்களவையில் குடியுரிமை சட்டத் திருத்த மசோதா நிறைவேறியது குறித்து பிரதமர் மோடி மகிழ்ச்சி
  • BREAKING-NEWS நீண்ட விவாதத்திற்கு பிறகு மக்களவையில் குடியுரிமை சட்ட திருத்த மசோதா நள்ளிரவில் நிறைவேற்றம்

நியூசி.வீரர் ஹாட்ரிக் விக்கெட்: சரிந்தது பாகிஸ்தான் அணி!

trent-boult-s-hat-trick-headlines-new-zealand-s-emphatic-win

நியூசிலாந்துக்கு எதிரான முதலாவது ஒருநாள் போட்டியில் பாகிஸ்தான் அணி தோல்வியடைந்தது. நியூசிலாந்து அணியின் வேகப்பந்துவீச் சாளர் டிரென்ட் போல்ட் ஹாட்ரிக் விக்கெட் வீழ்த்தினார்.

பாகிஸ்தான் - நியூசிலாந்து கிரிக்கெட் அணிகள் மோதும் கிரிக்கெட் தொடர் ஐக்கிய அரபு அமீரகத்தில் நடந்துவருகிறது. இரு அணிகளுக்கு இடையிலான 3 போட்டிகள் கொண்ட டி20 தொடரை பாகிஸ்தான் அணி வென்றது. இதன் மூலம் டி20 கிரிக்கெட் போட்டியில் தொடர்ந்து 11 வது முறையாக தொடரை வென்று பாகிஸ்தான் அணி சாதனை படைத்தது. 

இதையடுத்து இரு அணிகளுக்கு இடையிலான ஒரு நாள் போட்டி நடந்து வருகிறது. முன்று போட்டிகள் கொண்ட இந்த தொடரின் முதலாவது போட்டி அபுதாபியில் நேற்று நடந்தது. 

டாஸ் வென்ற நியூசிலாந்து அணி முதலில் பேட்டிங் செய்தது. அந்த அணி, 9 விக்கெட் இழப்புக்கு 266 ரன்கள் எடுத்தது. அதிகப்பட்சமாக ராஸ் டெய்லர் 80 ரன்களும் டாம் லாதம் 68 ரன்களும் எடுத்தனர்.   பாகிஸ்தான் தரப்பில் ஷகின் ஷா அப்ரிதி, ஷதாப் கான் ஆகியோர் தலா 4 விக்கெட் டுகளை வீழ்த்தினர்.

பின்னர் களமிறங்கிய பாகிஸ்தான் அணி, நியூசிலாந்து அணியின் துல்லியமான பந்துவீச்சில் 47.2 ஓவரில் 219 ரன்களுக்கு அனைத்து விக்கெட் டையும் இழந்தது. இதன் மூலம் நியூசிலாந்து அணி 47 ரன்கள் வித்தியாசத்தில் வெற்றி பெற்றது.

பாகிஸ்தான் அணியில் அதிகப்பட்சமாக கேப்டன் சர்ப்ராஸ் அகமது 69 ரன்களும் இமாத் வாசிம் 50 ரன்களும் எடுத்தனர். மற்ற பேட்ஸ்மேன்கள் திணறி விக்கெட்டுகளை பறிகொடுத்ததால் நியூலாந்து அணி வெற்றிபெற்றது.

போட்டியில், நியூசிலாந்து வேகப் பந்துவீச்சாளர் டிரென்ட் போல்ட், பஹார் ஜமான் (1 ரன்), பாபர் அசாம் (0), முகமது ஹபீஸ் (0) ஆகியோரின் விக்கெட்டுகளை வரிசையாக வீழ்த்தி ‘ஹாட்ரிக்’ சாதனை படைத்தார்.

ஹாட்ரிக் விக்கெட் வீழ்த்திய 3 வது நியூசிலாந்து வீரர் இவர். இதற்கு முன் டேனி மோரிசன், ஷேன் பாண்ட் ஆகியோர் ஹாட்ரிக் சாதனை படைத்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close