[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

சதத்தை அம்மாவுக்கு சமர்ப்பனம் செய்த ஜடேஜா!

jadeja-dedicates-maiden-international-ton-to-late-mother

எனது முதல் சதத்தை மறைந்த என் அம்மாவுக்கு சமர்ப்பிக்கிறேன் என்று ரவீந்திர ஜடேஜா கூறினார்.

வெஸ்ட் இண்டீஸ் கிரிக்கெட் அணி, இந்தியாவில் சுற்றுப்பயணம் செய்து 2 டெஸ்ட், 5 ஒரு நாள் போட்டி மற்றும் மூன்று டி20 போட்டிகளில் விளையாடுகிறது. இரு அணிகள் மோதும் முதலாவது டெஸ்ட் போட்டி குஜராத் மாநிலம் ராஜ்கோட்டில் நடந்து வருகிறது. முதலில் பேட்டிங் செய்த இந்திய அணி 9 விக்கெட் இழப்புக்கு 659 ரன்கள் எடுத்து டிக்ளேர் செய்தது. வெஸ்ட் இண்டீசுக்கு எதிராக இந்திய அணியின் அதிகப்பட்ச ஸ்கோர் இது. இதில் அறிமுக வீரராக களமிறங்கிய பிருத்வி ஷா 134 ரன்களும், கேப்டன் விராத் கோலி 139 ரன்களும் ரவீந்திர ஜடேஜா 100 ரன்களும் எடுத்தனர். ஜடேஜாவுக்கு இது முதல் டெஸ்ட் சதம்.

வெஸ்ட் இண்டீஸ் அணி தரப்பில் தேவேந்திர பிஷூ 4 விக்கெட்டுகளும் லெவிஸ் 2 விக்கெட்டுகளும் எடுத்தனர். பின்னர் தனது முதலாவது இன்னிங்ஸை தொடங்கிய வெஸ்ட் இண்டீஸ் அணி 6 விக்கெட் இழப்புக்கு 94 ரன்கள் எடுத்து தடுமாறி வருகிறது.  

இந்நிலையில் முதல் சதம் அடித்த ரவீந்திர ஜடேஜா கூறும்போது, ’ சர்வதேச கிரிக்கெட்டில் ஆடி 9 வருடங்களுக்குப் பின் முதல் சதத்தை அடித்திருக்கிறேன். இந்த சதம், எனக்கு சிறப்பு வாய்ந்த ஒன்று. இதற்கு முன்பு 80, 90 ரன்கள் வரை எடுக்கும்போது சதம் அடிக்க வேண்டும் என்று நினைப்பேன். முடியாமல் போயிருக்கிறது. இன்று அதை சாதித்து விட்டேன். முதல்தர போட்டிகளில் சதம் அடித்திருக்கிறேன். சர்வதேச போட்டியிலும் என்னால் சதம் அடிக்க முடியும் என தெரியும். அதை நினைத்தே இன்று ஆடினேன். சதத்தை எட்டியது மகிழ்ச்சியாக இருக்கிறது. இந்த சதத்தை மறைந்த எனது அம்மாவுக்கு சமர்ப்பிக்கிறேன். ஒவ்வொரு ஆட்டத்திலும் எனது ஆட்டத்திறனை மேம்படுத்த முயற்சிக்கி றேன். நீண்ட இடைவெளிக்குப் பிறகு ஆசியக் கோப்பை ஒரு நாள் போட்டியில் பங்கேற்றேன். முதல் போட்டியில் விக்கெட்டுகள் வீழ்த்தினேன். சில நேரம் சிறப்பாக பந்துவீசினாலும் விக்கெட் கிடைக்காது. இருந்தாலும் வாய்ப்பு கிடைக்கும் போதும் அதை சிறப்பாக பயன் படுத்த வேண்டும் என்று நினைப்பேன். அப்படியே எப்போதும் ஆடி வருகிறேன்’ என்றார்
 

Advertisement:
Advertisement:
Advertisement:
[X] Close