[X] Close
JUST IN
  • BREAKING-NEWS கருணாசுக்கு ஸ்டாலின் கண்டனம் தெரிவிக்காதது ஏன்? - அமைச்சர் ஜெயக்குமார்
  • BREAKING-NEWS திமுக பஞ்சாயத்து கட்சியாக மாறிவிட்டது; ஸ்டாலின் வழக்கு தொடர்ந்தால் சந்திக்க தயார் - அமைச்சர் ஜெயக்குமார்
  • BREAKING-NEWS என்னை கைது செய்ய தனிப்படை அமைக்கப்பட்டது பற்றி தெரியாது; நான் தலைமறைவாக இல்லை - ஹெச்.ராஜா
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை

நாளை கடைசி டெஸ்ட்: பாண்ட்யாவுக்கு பதில் விஹாரி, இந்திய அணியில் மாற்றம்!

5th-test-vihari-for-hardik-pandya-jadeja-for-r-ashwin

இங்கிலாந்துக்கு எதிரான கடைசி டெஸ்ட் போட்டி நாளை தொடங்குகிறது. இதில் இரு அணிகளிலும் மாற்றங்கள் செய்யப்பட இருக்கின்றன.

இந்திய கிரிக்கெட் அணி, இங்கிலாந்தில் சுற்றுப்பயணம் மேற்கொண்டு 5 போட்டிகள் கொண்ட டெஸ்ட் தொடரில் விளையாடி வருகிறது. முதல் இரண்டு போட்டிகளில் தோற்ற இந்திய அணி மூன்றாவது போட்டியில் அபார வெற்றி பெற்றது. சவுதாம்டனில் நடந்த நான்காவது போட்டியில் வெற்றியின் அருகே சென்று தோல்வியை தழுவியது. இதையடுத்து இங்கிலாந்து அணி தொடரை கைப்பற்றியது. இந்திய அணியின் தோல்வி கடும் விமர்சனத்துக்கு உள்ளாகி இருக்கிறது. 

Read Also -> கிரிக்கெட்டில் இருந்து ஓய்வு பெற்றார் ஆர்.பி.சிங்!  

இந்திய அணியில் கேப்டன் விராத் கோலி தவிர வேறு யாரும் நிலைத்து நின்று ஆடவில்லை. கடந்த போட்டியில் மட்டும் புஜாரா அபார சதமடித்தார். மற்ற வீரர்களின் ஆட்டத்திறன் சிறப்பானதாக இல்லை. 

இந்நிலையில் ஐந்தாவது மற்றும் கடைசி டெஸ்ட் போட்டி, லண்டன் ஓவல் மைதானத்தில் நாளை தொடங்குகிறது. இந்த போட்டியில் அணியில் சில மாற்றங்கள் செய்யப்பட இருக்கிறது. சுழல் பந்துவீச்சாளர் அஸ்வின் மீண்டும் காயமடைந்துள்ளார். வலைப்பயிற்சியில் அவர் ஆடவில்லை. இங்கிலாந்து தொடர் தொடங்குவதற்கு முன்பு எஸ்செக்ஸ் அணியுடன் நடந்த பயிற்சி ஆட்டத்தின் போதே அஸ்வின் வலது கையில் காயமடைந்திருந்தார்.

Read Also -> “அரசு உதவியிருந்தால் தங்கம் வென்றிருப்பேன்” - கெஜ்ரிவாலை விளாசிய திவ்யா 

(விஹாரி)

பின்னர் குணமாகி, ஆடும் லெவனில் சேர்க்கப்பட்டிருந்தார். மூன்றாவது டெஸ்ட் போட்டியின் போது அவருக்கு இடுப்பில் காயம் ஏற்பட்டது. அந்தப் போட்டியின் இரண்டாவது இன்னிங்ஸில் அவர் காயத்துடனேயே ஆடினார். இதனால் நான்காவது டெஸ்ட் போட்டியில் ஆடுவாரா என்பது கேள்விக்குறியாகி இருந்தது. காயம் பெரிய பாதிப்பை ஏற்படுத்தவில்லை என்றதால் அணியில் சேர்க்கப்பட்டார். இருந்தாலும் அவரால் பெரிய தாக்கத்தை ஏற்படுத்த முடியவில்லை. இரண்டு இன்னிங்ஸிலும் சேர்த்து அவர் 3 விக்கெட் மட்டுமே எடுத்தார். இந்நிலையில் அவர் மீண்டும் காயமடைந்துள்ளதால் ஜடேஜா களமிறங்குகிறார். 

டெஸ்ட் வீரர் என்ற முத்திரைக் குத்தப்பட்டு ஒரு நாள் போட்டிகளில் அஸ்வின், ஜடேஜா இருவரும் சேர்த்துக் கொள்ளப்படவில்லை. இங்கிலாந்து தொடரில் அஸ்வினுக்கு வாய்ப்பளிக்கப்பட்டு விட்டதால் கடைசி டெஸ்ட்டிலாவது ஜடேஜாவுக்கு வாய்ப்பு வழங்கப்படும் என்று கூறப்படுகிறது.

தொடக்க ஆட்டக்காரர்கள் தொடர்ந்து சொதப்பி வருவதால் கே.எல்.ராகுலுக்குப் பதில் இளம் வீரர் பிருத்வி ஷா சேர்க்கப்படலாம். இல்லை என்றால் ராகுலுக்கு இன்னும் ஒரு வாய்ப்பு வழங்கப்படலாம். ஹர்திக் பாண்ட்யாவுக்கு பதில் ஹனுமா விஹாரியை டெஸ்ட் போட்டியில் அறிமுகப்படுத்தவும் வாய்ப்புள்ளதாகக் கூறப்படுகிறது. முதல் தர போட்டியில் அபாரமான சராசரியை வைத்துள்ள விஹாரி, இங்கிலாந்தில் நடந்த முத்தரப்பு தொடரில் சிறப்பான ஆட்டத்தை வெளிப்படுத்தியுள்ளார். இதனால் அவர் மிடில் ஆர்டரில் ’நின்று’ விளையாடுவார் என்று நம்புகிறது அணி. நேற்றைய பயிற்சியில் அவர் பந்துவீச்சிலும் ஈடுபட்டார். இதனால் அவர் அணியில் சேர்த்துக்கொள்ளப்படலாம் என்று தெரிகிறது.

தொடரை இழந்துவிட்டாலும் கடைசி டெஸ்ட்டில் வென்று ஆறுதல் தேட இந்திய அணி நினைக்கிறது. இதனால் இந்தப் போட்டியில் மாற்றங்கள் கண்டிப்பாக இருக்கும் என்று கூறப்படுகிறது. அதே நேரம் பிட்சின் தன்மையை பொறுத்தே கடைசி நேரத்தில் வீரர்கள் தேர்வு செய்யப்படுவார்கள் என்றும் இப்போதைக்கு எதுவும் சொல்ல முடியாது என்றும் நிர்வாகம் தெரிவித்துள்ளது. 

இதே போல இங்கிலாந்து அணியிலும் மாற்றங்கள் செய்யப்பட்டுள்ளன. ஆல்-ரவுண்டர் கிறிஸ் வோக்ஸ், போப் மீண்டும் அணிக்கு திரும்பியுள்ளனர். 

Advertisement:
Advertisement:
Advertisement:
[X] Close