[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

விசாரணை வளையத்தில் கோலி, சாஸ்திரி ?

india-vs-england-shastri-kohli-duo-might-face-bcci-questions-for-debacle-in-england

இங்கிலாந்தில் சுற்றுப் பயணம் மேற்கொண்டு விளையாடி வரும் இந்திய டெஸ்ட் கிரிக்கெட் அணி சோதனைகளை சந்தித்து வருகிறது. இந்தியா முதல் டெஸ்ட்டில் போராடி தோற்றது. ஆனால் புகழ்மிக்க லார்ட்ஸ் மைதானத்தில் நடைபெற்ற இரண்டாவது டெஸ்ட் போட்டியில் படு தோல்வியை சந்தித்தது. இதனையடுத்து இந்திய அணியை பல்வேறு ஊடகங்களும், முன்னாள் கிரிக்கெட் வீரர்களும் கடுமையாக விமர்சித்து வருகின்றனர். இந்நிலையில் லார்ட்ஸ் மைதானத்தில் நடைபெற்ற போட்டியில் இந்திய அணியின் இன்னிங்ஸ் தோல்வி குறித்து கேப்டன் விராத் கோலி மற்றும் பயிற்சியாளர் ரவி சாஸ்திரியிடம் விசாரணை நடத்த பிசிசிஐ திட்டமிட்டுள்ளதாக செய்திகள் வெளியாகியுள்ளன.

இந்திய அணியின் முன்னாள் கிரிக்கெட் வீரர்கள் கூறும் முக்கியமான குற்றச்சாட்டு இந்திய அணியின் போராட்டக் குணம்தான். ஆம், இங்கிலாந்து பவுலர்களிடம் முழுமையாக சரணடைந்த இந்திய கிரிக்கெட் வீரர்கள் இதுவரை பார்த்ததில்லை என பலரும் வசைபாடி வருகின்றனர். இந்திய அணியை பொறுத்தவரை கோலி மற்றும் அஸ்வின் தவிர மற்ற வீரர்கள் யாரும் சிறப்பாக விளையாடவில்லை. இந்திய அணியின் தொடக்க வீரர்கள் சொதப்பலோ சொதப்பலாக ஆடி வருகின்றனர். இந்தப் போட்டியில் ரஹானே ஓரளவுக்கு ஏனும் நிலைத்து ஆட முயன்றார். புஜாரா பூஜ்ஜியம் ஆனார், தினேஷ் கார்த்திக் தனக்கு கிடைத்த வாய்ப்பை தவறவிட்டார். 

இந்நிலையில் கேப்டன் கோலி, பயிற்சியாளர் ரவி சாஸ்திரியிடம் கேள்வி எழுப்ப பிசிசிஐ நிர்வாகம் திட்டமிட்டுள்ளது. அடுத்த மூன்றாவது டெஸ்டில் வெற்றி பெற என்ன உத்தி, வியூகம் கடைபிடிக்கப் போகிறீர்கள். அணி வீரர்கள் தேர்வில் கோலி, சாஸ்திரிக்கு முழு அதிகாரம் தரப்பட்டுள்ள நிலையில் 2 டெஸ்ட் தோல்வியால் அவர்களிடம் கேள்வி எழுப்பப்பட உள்ளது. தொடரில் தோல்வியுற்றால் இருவருக்கும் தரப்பட்டுள்ள அதிகாரம் குறைக்கப்படும் என்றும் கூறப்படுகிறது. 

இது தொடர்பாக பிசிசிஐ அதிகாரி ஒருவர் ஆங்கில ஊடகத்துக்கு பேட்டியளித்துள்ளார், அதில் அவர் தெரிவித்துள்ள கருத்துகள் மிக முக்கியமாக பார்க்கப்படுகிறது. அதில் அவர் " கோலி ரவி சாஸ்திரியிடம் கேட்டுவிட்டுதான் போட்டி தொடர்கள் ஏற்பாடு செய்யப்பட்டது. கடந்த முறை தென்னாப்பிரிக்க அணியிடம் டெஸ்ட் தொடரை தோற்றபோது ஒவ்வொரு ஆட்டத்துக்கும் போதிய அவகாசம் இல்லை என கூறினர். ஆனால், இங்கிலாந்து தோல்விக்கு அவ்வாறு புகார் கூற முடியாது. ஏற்கெனவே சாஸ்திரி பயிற்சியில் 2014-15-இல் 0-2 ஆஸ்திரேலியாவிலும், 2017-18-இல் தென்னாப்பிரிக்காவில் 1-2 என தோல்வி அடைந்தோம். தற்போது இங்கிலாந்தில் இக்கட்டான நிலையில் உள்ளோம். பேட்டிங் பயிற்சியாளர் சஞ்சய் பாங்கர், பீல்டிங் பயிற்சியாளர் ஸ்ரீதர் ஆகியோர் செயல்பாடுகளும் கேள்விக்குறியாக உள்ளன" என கூறியுள்ளார். 

Advertisement:
இது தொடர்பான செய்திகள் :
Advertisement:
Advertisement:
[X] Close