[X] Close
JUST IN
  • BREAKING-NEWS 21 கி.மீ. வேகத்தில் நாகையை நெருங்கி வருகிறது கஜா புயல் - சென்னை வானிலை ஆய்வு மையம்
  • BREAKING-NEWS கடற்கரையில் உள்ளவர்களை கலைந்து செல்ல அறிவுறுத்துமாறு காவல்துறைக்கு பேரிடர் மேலாண்மைத் துறை உத்தரவு
  • BREAKING-NEWS ‘கஜா புயல்’... முன்னெச்சரிக்கை அடிப்படையில் தேவையான நடவடிக்கைகள் அரசு சார்பில் மேற்கொள்ளப்பட்டுள்ளன; மக்கள் அச்சமடைய வேண்டாம் - பேரிடர் மேலாண்மைத் துறை
  • BREAKING-NEWS தமிழகத்தில் கடலோர மாவட்டங்களில் 405 ஆம்புலன்ஸ்கள் தயார் நிலையில் வைக்கப்பட்டுள்ளன - தமிழக அரசு
  • BREAKING-NEWS கஜா புயலை எதிர்கொள்ள அவசர கால சேவை 108, மருந்து உதவி சேவை 104 தயார் நிலையில் உள்ளது - தமிழக அரசு
  • BREAKING-NEWS சந்திராயன் - 2 ஜனவரியில் ஜிஎஸ்எல்வி மார்க் 3 தொழில்நுட்ப ராக்கெட் மூலமே ஏவப்படும் - இஸ்ரோ தலைவர் சிவன்
  • BREAKING-NEWS ஜிசாட்-29 செயற்கைக்கோளுடன் விண்ணில் பாய்ந்தது ஜிஎஸ்எல்வி- மார்க் 3 ராக்கெட்

கிரிக்கெட் வீரர்களுக்கு கடும் கட்டுப்பாடுகள்: ஐசிசி புது முடிவு

icc-increases-ban-for-players-found-guilty-of-ball-tampering

ஜென்டில்மேன் விளையாட்டில் இதெல்லாம் சஜகம் என்ற விட்டுவைத்திருந்த, வீரர்களை திட்டுவது உள்ளிட்ட பிரச்னைகள் சீரியஸ் ஆகியிருக்கிறது இப்போது! வீரர்களை சீண்டி, அவர்களைக் கோபப்படுத்தி விக்கெட் வீழ்த்துவது வெளிநாட்டு வீரர்களுக்கு கை வந்த கலை. குறிப்பாக, ஆஸ்திரேலியா, தென்னாப்பிரிக்க முன்னாள் பந்துவீச்சாளர்கள் இதையே வேலையாகச் செய்துவந்தார்கள். 

அடுத்து, பந்தைச் சேதப்படுத்துவது. இதை, இவர்தான் செய்கிறார் என்று குறிப்பிட்ட ஒருவரை மட்டும் கைநீட்ட முடியாது. பெரும்பாலான வீரர்கள் இதை தெரியாமல், தெரிந்தே செய்து வந்தனர். இப்போது கொஞ்சம் குறைந்திருக்கிறது. காரணம் டெக்னாலஜி. துல்லியமான கேமரா வந்த பிறகு வீரர்களின் ஒவ்வொரு அசைவும் தெரிந்துவிடுகிறது, தெளிவாக. அப்படியிருந்தும் தென்னாப்பிரிக்கத் தொடரில் பந்தை சேதப்படுத்தினார்கள் ஆஸ்திரேலிய வீரர்கள். அந்தப் பஞ்சாயத்து ஓய்வதற்குள் இலங்கை கிரிக்கெட் கேப்டன் தினேஷ் சண்டிமால் சிக்கினார், வெஸ்ட் இண்டீஸில்!

இதற்கான தண்டனை கடுமையாக்கப்பட வேண்டும் என்ற குரல் ஒலித்து வந்தது. இதனால் அனில் கும்ப்ளே தலைமையினான ஒரு குழுவை அமைத்தது, ஐசிசி. அந்த குழு பரிந்துரைத்ததன் அடிப்படையில் தண்டனைகள் கடுமையாக்கப்பட்டிருக்கிறது.
டப்ளினில் நடந்த ஐசிசியின் வருடாந்தர கூட்டத்தில் தண்டனைகளைத் திருத்தி முடிவெடுத்திருக்கிறார்கள்.

எதிரணி வீரரை திட்டுவது 2 மற்றும் 3ஆம் நிலை குற்றம். ஏமாற்றுதல், பந்தை சேதப்படுத்துதல் 2 மற்றும் 3ஆம் நிலைக் குற்றம். தனிப்பட்ட முறையில் சீண்டுவது 2 மற்றும் 3ஆம் நிலை குற்றம். ஆபாசமாகத் திட்டுவதும் நடுவர் முடிவை அவமதிப்பதும் முதல் நிலை குற்றம். இவை புதிய குற்றங்களாகச் சேர்க்கப்பட்டுள்ளன. 

பந்தின் தன்மையை மாற்றுவது இரண்டாம் நிலை குற்றமாக இருந்தது. இப்போது 3 ஆம் நிலைக் குற்றமாக மாற்றப்பட்டுள்ளது. இந்தக் குற்றத்தை செய்தால், 6 டெஸ்ட் மற்றும் 12 ஒருநாள் போட்டிகளில் விளையாட தடை விதிக்கப்படும்.

அதோடு வீரர்களுக்கான அப்பீலுக்கு தொகை நிர்ணயிக்கப்பட்டுள்ளது. அப்பீல் சாதகமாக முடிந்தால் மட்டுமே அந்த தொகை திருப்பிக் கொடுக்கப்படும்.
 

Advertisement:
Advertisement:
Advertisement:
[X] Close