[X] Close
JUST IN
  • BREAKING-NEWS ஒரே சமயத்தில் மக்களவை மற்றும் மாநில சட்டசபைகளுக்கு தேர்தல் நடத்துவது குறித்து மீண்டும் ஆலோசனை நடத்த மோடி அரசு முடிவு
  • BREAKING-NEWS மீன்பிடி தடைக்கால நிவாரண தொகையாக மீனவர் குடும்பம் ஒன்றுக்கு ரூ.5000 வழங்கப்படும்- தமிழக அரசு
  • BREAKING-NEWS நிதி ஆயோக் கூட்டத்தில் தமிழக மக்களின் உணர்வுகளை முதல்வர் பழனிசாமி எதிரொலிக்கவில்லை- திமுக தலைவர் மு.க.ஸ்டாலின்
  • BREAKING-NEWS பொறியியல் படிப்பிற்கான தரவரிசைப் பட்டியல் ஜூன் 20ம் தேதி வெளியிடப்படும்- அமைச்சர் கே.பி.அன்பழகன்
  • BREAKING-NEWS சென்னையில் பெட்ரோல் லிட்டருக்கு ரூ. 72.64 காசுகளாகவும், டீசல் லிட்டருக்கு ரூ. 67.52 காசுகளாகவும் விலை நிர்ணயம்
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி
  • BREAKING-NEWS தமிழகத்தின் ஒப்புதலின்றி மேகதாதுதுவில் அணை கட்ட அனுமதி வழங்க கூடாது என கோரிக்கை விடுத்துள்ளோம் - முதல்வர் பழனிசாமி

இங்கிலாந்து தொடரில் இருந்து பும்ரா, சுந்தர் நீக்கம்: சாஹர், குணால் சேர்ப்பு

injured-jasprit-bumrah-washington-sundar-ruled-out-of-t20i-series

வேகப்பந்து வீச்சாளர் ஜஸ்பிரித் பும்ரா, சுழல்பந்துவீச்சாளர் வாஷிங்டன் சுந்தர் ஆகியோர் இந்திய அணியில் இருந்து நீக்கப்பட்டுள்ளனர். அவர்களுக்குப் பதிலாக தீபக் சாஹர், குணால் பாண்ட்யா சேர்க்கப்பட்டுள்ளனர்.

இந்திய கிரிக்கெட் அணி, இங்கிலாந்தில் சுற்றுப்பயணம் செய்து விளையாட அங்கு சென்றுள்ளது. மூன்று டி20 போட்டி, மூன்று ஒரு நாள் போட்டி, ஐந்து டெஸ்ட் போட்டிகளில் அங்கு விளையாடுகிறது. இங்கிலாந்துக்கு எதிரான டி20 தொடர் வரும் செவ்வாய்க்கிழமை தொடங்கு கிறது. முன்னதாக அயர்லாந்துடன் நடந்த இரண்டு டி20 போட்டிகளில் அபார வெற்றி பெற்றது. 

இந்நிலையில் இங்கிலாந்துக்கு எதிரான டி20 தொடரில் இருந்து வேகப்பந்துவீச்சாளர் ஜஸ்பிரித் பும்ராவும் சுழல் பந்துவீச்சாளர் வாஷிங்டன் சுந்தரும் நீக்கப்பட்டுள்ளனர். 

அயர்லாந்துடன் நடந்த முதல் டி20 போட்டிக்கு முன்பாக நடந்த பயிற்சியின் போது வாஷிங்டன் சுந்தர் காலில் காயம் அடைந்தார். அவரால் நடக்க முடியவில்லை. காயம் அதிகமானதால் அவர் இந்தியா திரும்புகிறார். அவருக்குப் பதிலாக டி20 போட்டிக்கு குணால் பாண்ட்யாவும் ஒரு நாள் போட்டிக்கு அக்சர் பட்டேலும் சேர்க்கப்படுகிறார்கள். இருவரும் தற்போது இங்கிலாந்தில் சுற்றுப்பயணம் செய்துவிளையாடும் இந்திய ஏ அணியில் இடம்பெற்றுள்ளனர்.

இதே போல இந்திய வேகப்பந்துவீச்சாளர் பும்ரா, அயர்லாந்துடன் நடந்த முதல் டி20 போட்டியின் போது இடது கை பெருவிரலில் காயம் அடைந்தார். அவர் ஓய்வெடுக்க வேண்டும் என்று மருத்துவர்கள் கூறியுள்ளதால் அவர் டி20 தொடரில் பங்கேற்ற மாற்றார். ஆனால் ஒரு நாள் போட்டித் தொடருக்குள் அவர் குணமாகிவிடுவார் என்று கூறப்படுகிறது. டி20 போட்டிகளில் சிறப்பாக பந்துவீசும் பும்ரா அணியில் இல்லாதது இந்திய அணிக்கு பின்னடைவுதான்.

இவருக்குப் பதிலாக, இங்கிலாந்தில் சுற்றுப்பயணம் செய்து விளையாடிவரும் இந்திய ஏ அணியில் இடம்பெற்றுள்ள தீபக் சாஹர் சேர்க்கப் பட்டுள்ளார். ஐபிஎல் போட்டியில் இவர் சென்னை சூப்பர் கிங்ஸ் அணியில் இடம்பெற்றிருந்தார் என்பது குறிப்பிடத்தக்கது.

Advertisement:
Advertisement:
Advertisement:
[X] Close