[X] Close
JUST IN
  • BREAKING-NEWS கருணாசுக்கு ஸ்டாலின் கண்டனம் தெரிவிக்காதது ஏன்? - அமைச்சர் ஜெயக்குமார்
  • BREAKING-NEWS திமுக பஞ்சாயத்து கட்சியாக மாறிவிட்டது; ஸ்டாலின் வழக்கு தொடர்ந்தால் சந்திக்க தயார் - அமைச்சர் ஜெயக்குமார்
  • BREAKING-NEWS என்னை கைது செய்ய தனிப்படை அமைக்கப்பட்டது பற்றி தெரியாது; நான் தலைமறைவாக இல்லை - ஹெச்.ராஜா
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை

வந்த வேகத்தில் நடையை கட்டிய கோலி - பட்டையை கிளப்பிய ராகுல், ரெய்னா

india-vs-ireland-2nd-t20i-at-dublin-pandya-s-late-cameo-helps-india-end-at-213-4

அயர்லாந்து அணிக்கு எதிரான இரண்டாவது டி20 போட்டியில் இந்திய அணி முதலில் பேட்டிங் செய்தது. டப்ளின் நகரில் நடைபெற்று வரும் இந்தப் போட்டியில் டாஸ் வென்ற அயர்லாந்து அணி பந்து வீசத் தீர்மானித்தது. முதலில் பேட்டிங் செய்த இந்திய அணியில் கேஎல்.ராகுல், கேப்டன் விராட் கோலி தொடக்க வீரர்களாக களமிறங்கினர்.

விராட் கோலி வந்த வேகத்தில் 8 பந்துகளில் 9 ரன்கள் எடுத்து நடையை கட்டினார். அப்போது இந்திய அணி 2.4 ஓவர்களில் 22 ரன்கள் எடுத்திருந்தது. 9 ரன்னில் கோலி ஆட்டமிழந்ததால் 2000 ரன்கள் எனும் மைல்கல்லை இந்தப் போட்டியிலும் அவரால் எட்ட முடியாமல் போனது. 17 ரன்கள் எடுத்திருந்தால் அவர் இந்த மைல்கல்லை எட்டியிருப்பார்.

இதனையடுத்து 3வது வீரராக சுரேஷ் ரெய்னா களமிறங்கினார். கேஎல்.ராகுலும், ரெய்னாவும் அயர்லாந்து அணியின் பந்துவீச்சாளர்களை வெளுத்து வாங்கினர். கேஎல்.ராகுல் சிக்ஸர்களாக விளாசினார். 28 பந்துகளில் அரைசதம் விளாசிய அவர் தொடர்ந்து அதிரடி காட்டினார். ரெய்னாவும் கேஎல்.ராகுலுக்கு நல்ல ஒத்துழைப்பு அளித்தார். 

             

அதிரடியாக விளையாடி வந்த கேஎல்.ராகுல் 36 பந்துகளில் 70 ரன்கள் எடுத்து ஓ’ப்ரெயின் பந்து வீச்சில் ஆட்டமிழந்தார். அப்போது இந்திய அணி 12.1 ஓவர்களில் 128 ரன்கள் எடுத்தது. கேஎல்.ராகுலை தொடர்ந்து அதே ஓவரில் ரோகித் சர்மா டக் அவுட் ஆனார். தொடர்ந்து சிறப்பாக ஆடிய ரெய்னா 34 பந்துகளில் அரைசதம் அடித்தார். ரெய்னாவும் 45 பந்துகளில் 69 ரன்கள் எடுத்த நிலையில் ஓ’ப்ரெயின் பந்துவீச்சில் ஆட்டமிழந்தார். 

கடைசி நேரத்தில் ஹர்திக் பாண்ட்யா 19வது ஓவரில் இரண்டு சிக்ஸர்கள் விளாசினார். அதேபோல், கடைசி ஓவரிலும் இரண்டு சிக்ஸர்கள் ஒரு பவுண்டரி அடித்தார். ஹர்திக் பாண்ட்யா கடை கட்டத்தில் 9 பந்துகளில் 32 ரன்கள் குவிக்க இந்திய அணி 20 ஓவர்கள் முடிவில் 4 விக்கெட் இழப்புக்கு 213 ரன்கள் குவித்தது. அயர்லாந்து அணி தரப்பில் கெவின் ஓ’ப்ரெயின் 3 விக்கெட்டுகள் சாய்த்தார். முதல் டி20 போட்டியிலும் இந்திய அணி 200 ரன்களுக்கு மேல் அடித்தது.

                           

போட்டோ கேலரி

1 of 3

Advertisement:
இது தொடர்பான செய்திகள் :
Advertisement:
Advertisement:
[X] Close