[X] Close
JUST IN
  • BREAKING-NEWS இரண்டாக உடைந்தது கொள்ளிடம் பாலம்
  • BREAKING-NEWS கேரள வெள்ளச்சேதத்தை தேசியப் பேரிடராக அறிவிக்க வேண்டும்- ராகுல்
  • BREAKING-NEWS 18-வது ஆசிய விளையாட்டு போட்டி இன்று தொடங்குகிறது
  • BREAKING-NEWS பாகிஸ்தான் பிரதமராக தெஹ்ரிக்-இ-இன்சாஃப் கட்சித் தலைவர் இம்ரான்கான் தேர்வு செய்யப்பட்டுள்ளார்
  • BREAKING-NEWS கேரளாவில் கனமழை, வெள்ளம், நிலச்சரிவில் சிக்கி உயிரிழந்தவர்களின் எண்ணிக்கை 324ஆக உயர்வு
  • BREAKING-NEWS டெல்லி ஸ்மிருதி ஸ்தலில் முன்னாள் பிரதமர் வாஜ்பாயின் உடல் அரசு மரியாதையுடன் தகனம் செய்யப்பட்டது
  • BREAKING-NEWS வெள்ளப் பெருக்கு பாதிப்பு: தமிழகத்தில் ஆங்காங்கே போக்குவரத்து துண்டிப்பு

46 ரன் எடுத்து புதிய மைல்கல்லை எட்டுவாரா தோனி

india-wicketkeeper-ms-dhoni-46-runs-away-from-odi-history

இந்திய கிரிக்கெட் அணியின் முன்னாள் கேப்டன் மகேந்திர சிங் தோனி 10 ஆயிரம் ரன்கள் எடுக்க இன்னும் 46 ரன்கள் மட்டுமே தேவை.

இந்தியா - தென்னாப்பிரிக்கா அணிகளுக்கு இடையிலான 5வது ஒருநாள் கிரிக்கெட் போட்டி போர்ட் எலிசபெத்தில் இன்று நடக்கிறது. முதல் மூன்று போட்டிகளில் வென்ற இந்திய அணி 4வது ஒருநாள் போட்டியில் 5 விக்கெட் வித்தியாசத்தில் தோல்வி அடைந்தது. இந்த போட்டியில் வெற்றி பெற்று இந்திய அணி தொடரை வெல்லும் முனைப்பில் உள்ளது. 

இந்நிலையில், இந்தப் போட்டியில் 46 ரன்கள் எடுக்கும் பட்சத்தில் தோனி 10 ஆயிரம் ரன்கள் அடித்தவர் என்ற புதிய மைல்கல்லை எட்டுவார். இந்திய அணியைப் பொறுத்தவரை ஏற்கனவே சச்சின்(18,426), கங்குலி(11,363), டிராவிட்(10,889) ஆகியோர் 10 ஆயிரம் ரன்களை கடந்துள்ளனர். இந்திய அணியைப் பொறுத்தவரை 4வது வீரராக 10 ஆயிரம் ரன்களை எட்டவுள்ளார். அதேபோல், சர்வதேச அளவில் 12வது வீரராக அவர் இந்த மைல்கல்லை எட்டவுள்ளார். தோனிக்கு அடுத்த நிலையில் கேப்டன் விராட் கோலி 9,423 ரன்களுடன் 5வது இடத்தில் உள்ளார்.

          

தென்னாப்பிரிக்காவிற்கு எதிரான ஒருநாள் தொடரில் இந்திய அணியின் மிடில் ஆர்டர் பேட்ஸ்மேன்கள் சரியாக விளையாடவில்லை என்ற விமர்சனம் எழுந்துள்ளது. கடந்த போட்டியில் தோனி 42 ரன்கள் எடுத்த போதும் அவர் மீதும் விமர்சனங்கள் உள்ளது. அதனால், இந்தப் போட்டியில் ரன்கள் அடித்து விமர்சனத்திற்கு பதிலடி கொடுக்க வேண்டிய கட்டாயத்தில் தோனி உள்ளார்.

316 போட்டிகளில் விளையாடியுள்ள தோனி 9954 ரன்கள் அடித்துள்ளார். அதில் 10 சதங்களும், 67 அரைசதங்களும் அடங்கும். அவரது பேட்டிங் சராசரி 51.5. முதலிடத்தில் உள்ள சச்சின் சராசரி 44.8 என்பது குறிப்பிடத்தக்கது.

           

Advertisement:
Advertisement:
Advertisement:
[X] Close