[X] Close
JUST IN
  • BREAKING-NEWS ரயில் கொள்ளை வழக்கில் கைதான 5 கொள்ளையர்களுக்கு நவம்பர் 26ம் தேதி வரை காவல் நீட்டித்து சைதாப்பேட்டை நீதிமன்றம் உத்தரவு
  • BREAKING-NEWS தருமபுரி : பிளஸ்2 மாணவி பாலியல் வன்கொடுமைக்கு ஆளாகி இறந்த வழக்கில் சதீஷ் என்பவர் நேற்று கைதுசெய்யப்பட்ட நிலையில் 2வது நபரான ரமேஷ் சேலம் நீதிமன்றத்தில் சரணடைந்தார்
  • BREAKING-NEWS மத்திய அமைச்சர் அனந்த்குமார் (59) உடல்நலக்குறைவால் காலமானார்
  • BREAKING-NEWS சென்னையில் பெட்ரோல் லிட்டருக்கு ரூ.80.56 காசுகளாகவும், டீசல் லிட்டருக்கு ரூ.76.43 காசுகளாகவும் விலை நிர்ணயம்
  • BREAKING-NEWS 3வது மற்றும் கடைசி டி-20 போட்டியில் இந்திய அணிக்கு 182 ரன்கள் இலக்கு நிர்ணயித்தது மேற்கு இந்திய தீவுகள் அணி
  • BREAKING-NEWS அடுத்த 24 மணி நேரத்தில் ‘கஜா’ தீவிர புயலாக மாறும் - சென்னை வானிலை ஆய்வு மையம்
  • BREAKING-NEWS இலங்கை சுதந்திர கட்சியில் இருந்து விலகி இலங்கை பொதுஜன முன்னணி கட்சியில் இணைந்தார் ராஜபக்ச; அவருடன் முன்னாள் எம்.பி.க்கள் 50 பேரும் இணைந்துள்ளனர்

69 ரன்னில் சுருண்டது பாகிஸ்தான்: ஃபைனலில் இந்திய ஜூனியர் டீம்!

gill-and-porel-power-india-into-world-cup-final

ஜூனியர் உலகக்கோப்பை கிரிக்கெட் போட்டியின் அரையிறுதி ஆட்டத்தில், பாகிஸ்தான் அணியை 69 ரன்னில் சுருட்டியது இந்திய அணி.

19 வயதுக்கு உட்பட்டோருக்கான  ஜூனியர் உலகக் கோப்பைக் கிரிக்கெட் போட்டி, நியூசிலாந்தில் நடந்து வருகிறது. இதில் அரையிறுதி போட்டியில் நுழைந்த இந்திய அணி, இன்று பாகிஸ்தான் அணியை எதிர்கொண்டது. கிறிஸ்ட்சர்ச்சில் நடந்த இந்தப் போட்டியில் டாஸ் வென்ற இந்தியா பேட்டிங்கை தேர்ந்தெடுத்தது. கேப்டன் பிருத்வி ஷாவும் மன்ஜோத் கல்ராவும் களமிறங்கினர். இருவரும் நிதானமாக ஆடி, முறையே 41, 47 ரன்களில் விக்கெட்டை இழந்தனர்.

அடுத்து களமிறங்கிய ’ஜூனியர் விராத் கோலி’ என்று சொல்லப்படும் சுப்மன் கில், அபார சதமடித்தார். 94 பந்துகளில் 102 ரன் குவித்து அவர் ஆட்டமிழக்காமல் இருந்தார். இதையடுத்து இந்திய அணி, 50 ஓவர்களில் 9 விக்கெட் இழப்புக்கு 272 ரன்கள் எடுத்தது. பாகிஸ்தான் அணியில் முஹமது மூசா 4 விக்கெட்டுகளையும், அர்ஷாத் இக்பால் மூன்று விக்கெட்டுகளையும் வீழ்த்தினர்.

பின்னர் ஆட்டத்தைத் தொடங்கிய பாகிஸ்தான் அணி, இந்திய அணியின் துல்லியமான பந்துவீச்சை சமாளிக்க முடியாமல் விக்கெட்டுகளை தொடர்ந்து இழந்தது. அந்த அணியில் அதிகப்பட்சமாக ரோஹைல் நசிர் 18 ரன்கள் எடுத்தார். மற்றவர்கள் சொற்ப ரன்களில் ஆட்டமிழக்க 29.3 ஓவர்களில் 69 ரன்னுக்கு ஆல் அவுட் ஆனது. இதையடுத்து 203 ரன்கள் வித்தியாசத்தில் இந்திய அணி வெற்றி பெற்றது.

இந்திய தரப்பில் பெங்காலைச் சேர்ந்த இஷான் பொரேல், நான்கு விக்கெட்டுகளை வீழ்த்தினார். ஷிவா சிங், பரங் தலா இரண்டு விக்கெட்டுகளை வீழ்த்தினர்.  சதமடித்த சுப்மன் கில் ஆட்டநாயகன் விருது பெற்றார்.

இந்த வெற்றியை அடுத்து  இறுதிப்போட்டிக்குச் சென்றுள்ள இந்திய அணி, ஆஸ்திரேலியாவை எதிர்கொள்கிறது.

Advertisement:
இது தொடர்பான செய்திகள் :
Advertisement:
Advertisement:
[X] Close