[X] Close
JUST IN
  • BREAKING-NEWS மாநில சுயாட்சிக் கொள்கை நிலை நிறுத்தப்பட எந்த தியாகத்திற்கும் திமுக தயார் - ஸ்டாலின்
  • BREAKING-NEWS ஆளுநர் குறித்து பேச சபாநாயகர் அனுமதி வழங்காததால் திமுக, காங்கிரஸ் எம்.எல்.ஏக்கள் பேரவையிலிருந்து வெளிநடப்பு
  • BREAKING-NEWS கடந்த காலங்களில் திமுக- அதிமுக ஆளும் கட்சியாக இருந்தபோதும் ஆளுநர் ஆய்வு நடத்தியதில்லை- ஸ்டாலின்
  • BREAKING-NEWS ஆளுநரின் ஆய்வுக்கு எதிராக போராட அரசியல் கட்சிகளுக்கு உரிமை உண்டு- டிடிவி தினகரன்
  • BREAKING-NEWS சேலத்தில் ஆக.22 முதல் செப்.2 வரை ராணுவ ஆள்சேர்ப்பு முகாம் நடைபெறவுள்ளது - மாவட்ட ஆட்சியர்
  • BREAKING-NEWS அதிகாரிகளை அழைத்து ஆளுநர் விவாதிப்பது அவரது எல்லையை கடந்த செயலாகும்- வைகோ
  • BREAKING-NEWS ஸ்டெர்லைட் ஆலையில் இருந்து 2124 டன் கந்த அமிலம் அகற்றம்

தோனியின் ஸ்டம்பிங் சாதனைக்கு அச்சாரமிட்ட சச்சின்

india-vs-sri-lanka-after-ms-dhoni-s-100th-stumping-a-special-mention-from-sachin-tendulkar

சர்வதேச ஒருநாள் போட்டியில் முதல் வீரராக 100 ஸ்டம்பிங் செய்துள்ள மகேந்திர சிங் தோனிக்கு சச்சின் டெண்டுல்கர் சிறப்பு வாழ்த்துக்கள் தெரிவித்துள்ளார். சச்சின் வாழ்த்தில் என்ன சிறப்பு என்றால், தோனியின் புதிய சாதனைக்கு அச்சாரமிட்டவர் சச்சின் தான்.

இந்தியா இலங்கை அணிகளுக்கு இடையிலான 5-வது ஒருநாள் போட்டி நேற்று நடைபெற்றது. சுழற்பந்து வீச்சாளர் யுஷ்வேந்திரா சாஹல் வீசிய 45-வது ஓவரில் இலங்கை வீரர் தனன்ஜயாவை தோனி அற்புதமாக ஸ்டம்பிங் செய்தார்.

இந்த ஸ்டம்பிங் மூலம் தோனி 100 ஸ்டம்பிங் செய்து, இலங்கை வீரர் சங்ககாராவின் சாதனையை முறியடித்தார். தோனிக்கு அடுத்தபடியாக உள்ள சங்ககாரா மொத்தம் 99 ஸ்டம்பிங் செய்துள்ளார். அவர் 360 போட்டிகளில் பங்கேற்று இந்த சாதனையை செய்திருந்தார். ஆனால் தோனி 301 போட்டிகளிலேயே ஸ்டம்பிங்கில் சதம் அடித்துள்ளார்.

100 ஸ்டம்பிங் செய்த தோனிக்கு பலரும் வாழ்த்துகளை தெரிவித்து வருகின்றனர். இதில், இந்திய அணியின் முன்னாள் நட்சத்திர ஆட்டக்காரர் சச்சின் டெண்டுல்கர் ட்விட்டர் பக்கத்தில், “யார் சொன்னது மின்னல் இரண்டு முறை தாக்காது என்று? அது 100-வது முறை தாக்கியுள்ளது! வெல் டன்!, வரும் காலத்தில் இதை தொடருங்கள் தோனி” என்று தனது வாழ்த்துகளை பதிவு செய்துள்ளார்.

100 ஸ்டம்பிங் செய்துள்ள தோனி, முதல்முறை ஸ்டம்பிங் செய்தது சச்சின் பந்துவீச்சில்தான். 2004 ஆம் ஆண்டு வங்கதேசம் அணிக்கு எதிரான ஒருநாள் தொடரில் தோனி அறிமுகமானார். இந்த தொடரில், சச்சின் பந்துவீச்சில் வங்கதேச வீரர் ரஜின் சலே-வை ஸ்டம்பிங் செய்து தோனி தனது கணக்கை தொடங்கினார்.

இதனிடையே, தோனி ஸ்டம்பிங் செய்த 100 பேரின் படங்களையும் அவரது ரசிகர்கள் ட்விட்டர் பக்கத்தில் பதிவிட்டுள்ளனர்.

Advertisement:
Advertisement:
Advertisement:
[X] Close