[X] Close
JUST IN
  • BREAKING-NEWS பெங்களூரு சிறையிலுள்ள சசிகலா, இளவரசியிடம் தேவைப்பட்டால் விசாரணை நடத்தப்படும்- வருமானவரித்துறை
  • BREAKING-NEWS ஜெயலலிதா மறைவுக்குப் பிறகு நமது எம்ஜிஆர், முரசொலி ஆகிவிட்டது- ஜெயக்குமார்
  • BREAKING-NEWS டிச. 31 க்குள் தேர்தலை நடத்தி முடிக்க வேண்டும்: உயர்நீதிமன்றம்
  • BREAKING-NEWS 44,999 போலி வாக்காளர்கள் இருப்பதாக திமுக கூறிய நிலையில் 45,819 போலி வாக்காளர்கள் நீக்கம்
  • BREAKING-NEWS ஆர்.கே.நகர் தொகுதியில் 45,000 போலி வாக்காளர்கள் நீக்கம்- தேர்தல் ஆணையம்
  • BREAKING-NEWS மைனாரிட்டி ஆட்சி இருப்பதை சட்டப்படி பார்த்து சட்டமன்றத்தை கூட்ட ஆளுநர் உத்தரவிட வேண்டும்- மு.க. ஸ்டாலின்
  • BREAKING-NEWS திருவாரூர்: கருப்பூரில் பாமாயில் நிறுவனத்தின் எண்ணெய் கழிவுகள் பாசன வாய்க்காலில் கலந்தன
  • BREAKING-NEWS சர்வதேச நீதிமன்ற நீதிபதியாக இந்தியாவை சேர்ந்த தல்வீர் பண்டாரி 2வது முறையாக தேர்வு
  • BREAKING-NEWS ஓபிஎஸ்- ஈபிஎஸ் அணிகள் இணைந்து மாதங்கள் உருண்டோடுகின்றன. மனங்கள்?- மைத்ரேயன்
  • BREAKING-NEWS புதுச்சேரியில் 4வது நாளாக அரசுப்பேருந்துகளை இயக்காமல் ஊழியர்கள் போராட்டம்
  • BREAKING-NEWS முதலமைச்சரின் ஆணைப்படி வைகை அணையில் இருந்து வினாடிக்கு 900 கனஅடி நீர் திறப்பு
  • BREAKING-NEWS அரசு இருக்கும்போது ஆளுநர் ஆய்வு செய்வது சட்டத்திற்கும் ஜனநாயகத்திற்கும் புறம்பானது - முத்தரசன்
  • BREAKING-NEWS இன்றைய அரசியல் சூழலில் சட்டப்பேரவையை கூட்ட முதல்வர் தயாரா?: மு.க.ஸ்டாலின்
  • BREAKING-NEWS கோவையில் ஆய்வு மேற்கொண்டது போன்ற பணிகள் தொடரும்: ஆளுநர் பன்வாரிலால் புரோஹித்
விளையாட்டு 31 Aug, 2017 06:29 PM

கோலி, ரோகித் அதிரடி சதத்தால் இந்திய அணி 375 ரன்கள் குவிப்பு

kohli-and-rohit-took-centuries-as-india-scored-375-runs

இலங்கை அணிக்கு எதிரான 4-வது ஒருநாள் போட்டியில் கேப்டன் விராட் கோலி, ரோகித் சர்மாவின் அதிரடி சதத்தால் இந்தியா 375 ரன்கள் குவித்தது.

கொழும்பு பிரேமதாசா ஸ்டேடியத்தில் இந்திய-இலங்கை அணிகளுக்கு இடையிலான 4-வது ஒருநாள் போட்டி நடைபெற்று வருகிறது. டாஸ் வென்ற இந்திய அணி முதலில் பேட்டிங் செய்ய தீர்மானித்தது. தவான் 4 ரன்களில் ஆட்டமிழந்தாலும், ரோகித் சர்மா, கேப்டன் விராட் கோலி இணைந்து இலங்கை வீரர்களின் பந்து வீச்சை அடித்து நொறுக்கினர். 

அதிரடியாக விளையாடிய விராட் கோலி, 76 பந்துகளில் சதம் விளாசினார். தொடர்ந்து சிறப்பாக விளையாடிய அவர் 96 பந்துகளில் 131 ரன்கள் எடுத்திருந்த நிலையில் ஆட்டமிழந்தார். அதில், 2 சிக்ஸர்களும், 17 பவுண்டரிகளும் அடங்கும். கோலி ஆட்டமிழந்த போது, இந்திய அணி 29.3 ஓவரில் 225 ரன்கள் எடுத்து இருந்தது. ரோகித்-கோலி ஜோடி 3-வது விக்கெட்டுக்கு 219 ரன்கள் சேர்த்தது. 

பின்னர் களமிறங்கிய ஹர்திக் பாண்டியா நிதான ஆட்டத்தை வெளிபடுத்த ரோகித் சர்மா அதிரடியாக விளையாடி 85 பந்துகளில் சதம் அடித்தார். இதனையடுத்து, மேத்யூஸ் வீசிய 35-வது ஓவரில் பாண்டியா(19), ரோகித் அடுத்தடுத்து ஆட்டமிழந்தனர். ரோகித் 88 பந்துகளில் 3 சிக்ஸர் 11 பவுண்டரிகளுடன் 104 ரன்கள் எடுத்தார். பின்னர் களமிறங்கிய கே.எல்.ராகுல் 7 ரன்களில் நடையைக் கட்டினார். அடுத்தடுத்து 3 விக்கெட்டுகள் விழுந்ததால் இந்திய அணிக்கு சற்று பின்னடைவு ஏற்பட்டது. 

இதனையடுத்து, மணிஷ் பாண்டே, தோனி இருவரும் ஜோடி சேர்ந்து நிதானமாக ரன்களை சேர்த்தனர். 42.4 ஓவர்களில் இந்திய அணி 300 ரன்கள் சேர்த்தது. தோனி, மணிஷ் பாண்டேவின் பொறுப்பான ஆட்டத்தால் இந்திய அணியின் ஸ்கோர் மளமளவென உயர்ந்தது. இறுதியில் இந்திய அணி 50 ஒவர்கள் முடிவில் 5 விக்கெட் இழப்புக்கு 375 ரன்கள் குவித்தது. மணிஷ் பாண்டே 42 பந்துகளில் அரை சதம் அடித்தார். தோனி 49 ரன்கள் எடுத்து  ஒரு ரன்னில் அரைசதத்தை நழுவவிட்டார். தோனி, மணிஷ் ஜோடி 7-வது விக்கெட்டுக்கு 101 ரன்கள் சேர்த்தது. இலங்கை அணி தரப்பில், மேத்யூஸ் 2 விக்கெட்டுகள் எடுத்தார். மற்ற பந்துவீச்சாளர்கள் அனைவரும் ரன்களை வாரி வழங்கினர். 

5 போட்டிகள் கொண்ட ஒரு நாள் தொடரில் இந்திய அணி முதல் 3 ஆட்டங்களில் வெற்றி பெற்று தொடரை கைப்பற்றியது. இதனால் இந்திய அணிக்கு இந்த போட்டியின் முடிவு எவ்வித பாதிப்பையும் ஏற்படுத்தாது. 

ஆனால், இதிலும், அடுத்த போட்டியிலும் வென்றால்தான் உலகக் கோப்பை கிரிக்கெட் போட்டியில் இடம்பெற முடியும் என்ற நிலை இலங்கை அணிக்கு உள்ளது. அதனால், இந்த போட்டியில் வெற்றி பெறவேண்டிய கட்டாயத்தில் இலங்கை அணி உள்ளது. 376 ரன்கள் இலக்கு என்பதால் இலங்கை அணிக்கு கூடுதல் நெருக்கடி ஏற்பட்டுள்ளது.

Advertisement:
Advertisement:
Advertisement:
[X] Close