[X] Close
JUST IN
  • BREAKING-NEWS சென்னை ஐஐடி மாணவி பாத்திமா தற்கொலை வழக்கு சிபிஐ விசாரணைக்கு மாற்றம்
  • BREAKING-NEWS லண்டனில் நடைபெற்ற மிஸ் வேர்ல்டு அழகிப் போட்டியில் மகுடம் சூடினார் ஜமைக்கா பெண். இந்திய அழகி சுமா ராவ் மூன்றாம் இடம் பிடித்தார்
  • BREAKING-NEWS சென்னையில் இன்று நடைபெறுகிறது இந்தியா - மேற்கிந்திய தீவுகள் இடையிலான முதல் ஒரு நாள் போட்டி
  • BREAKING-NEWS கோவை அருகே தேக்கம்பட்டியில் தொடங்கியது கோயில் யானைகளின் வருடாந்திர நலவாழ்வு முகாம். இயற்கை எழில் மிகுந்த சூழலில் 28 யானைகள் உற்சாக கொண்டாட்டம்
  • BREAKING-NEWS அசாமை தொடர்ந்து மேற்கு வங்காளத்திலும் குடியுரிமை சட்டத்திற்கு எதிரான போராட்டங்கள் தீவிரம்
  • BREAKING-NEWS உள்ளாட்சித் தேர்தலில் போட்டியிட இதுவரை ஒரு லட்சத்து 65 ஆயிரம் பேர் வேட்பு மனுத் தாக்கல். நாளையுடன் வேட்பு மனுத் தாக்கல் நிறைவடைகிறது
  • BREAKING-NEWS தேசிய நெடுஞ்சாலைகளில் செல்லும் வாகனங்களுக்கு இன்று முதல் கட்டாயமானது FAST TAG நடைமுறை

ரோகித் ஷர்மா, கோலி சிறப்பான ஆட்டம்... இறுதிப் போட்டியில் இந்திய அணி

india-beat-bangladesh-9-wickets

வங்கதேசத்துக்கு எதிரான சாம்பியன்ஸ் கோப்பை அரையிறுதிப் போட்டியில் 9 விக்கெட் வித்தியாசத்தில் வென்று இந்திய அணி இறுதிப் போட்டிக்குத் தகுதி பெற்றது.

வங்கதேச அணி நிர்ணயித்த 265 ரன்கள் என்ற இலக்கை நோக்கி களமிறங்கிய இந்திய அணிக்கு, ரோகித் ஷர்மா, ஷிகர் தவான் ஜோடி வழக்கம்போல சிறப்பான அடித்தளம் அமைத்துக் கொடுத்தது. முதல் விக்கெட்டுக்கு 87 ரன்கள் சேர்ந்த நிலையில் 46 ரன்களில் ஷிகர் தவான் ஆட்டமிழந்தார். இதையடுத்து, ரோகித் ஷர்மாவுடன் கைகோர்த்த கேப்டன் கோலி இந்திய அணியின் வெற்றியை எளிதாக்கினார். வங்கதேச பந்துவீச்சை எளிதாக சமாளித்த இந்த ஜோடி, மேலும் விக்கெட்டுகள் விழாமல் பார்த்துக் கொண்டது. உலகின் தலைசிறந்த சேசிங் மாஸ்டர் என்பதை மீண்டும் ஒருமுறை நிரூபித்த கோலி 42 பந்துகளில் அரைசதம் அடித்தார். அவரைத் தொடர்ந்து சிறப்பான ஆட்டத்தை வெளிப்படுத்திய ரோகித் ஷர்மா, சர்வதேச ஒருநாள் போட்டிகளில் 11ஆவது சதத்தினை நிறைவு செய்தார். வங்கதேசம் நிர்ணயித்த 265 ரன்கள் இலக்கினை 40.1 ஓவர்களில் இந்திய அணி எட்டியது. இதன்மூலம் 9 விக்கெட்டுகள் வித்தியாசத்தில் வங்கதேசத்தை வீழ்த்தி, இறுதிப் போட்டிக்கு இந்திய அணி தகுதிபெற்றது. ரோகித் ஷர்மா 123 ரன்களுடனும், விராத் கோலி 96 ரன்களுடனும் களத்தில் இருந்தனர். வங்கதேச அணி தரப்பில் மொர்டாசா ஒரு விக்கெட் வீழ்த்தினார். லண்டன் ஓவல் மைதானத்தில் வரும் 18ல் நடைபெறும் இறுதிப் போட்டியில் பாகிஸ்தானை இந்திய அணி எதிர்கொள்கிறது. சாம்பியன்ஸ் கோப்பை தொடரின் இறுதிப் போட்டிக்கு இந்திய அணி தகுதிபெறுவது இது நான்காவது முறையாகும். 
 

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close