[X] Close
JUST IN
  • BREAKING-NEWS நீர் மேலாண்மை குறித்து தமிழக அரசு எந்த சிந்தனையும் இல்லாமல் இருப்பது பேராபத்தை ஏற்படுத்தும்- டிடிவி தினகரன்
  • BREAKING-NEWS முதலமைச்சரை அவதூறாக பேசியதாக திண்டுக்கல் லியோனி மீது வழக்கு
  • BREAKING-NEWS குண்டர் சட்ட முறைகளை புதுவை அரசு கடைபிடிக்கவில்லை: உயர்நீதிமன்றம்
  • BREAKING-NEWS சென்னையில் பெட்ரோல் லிட்டருக்கு ரூ.85.22 காசுகளாகவும், டீசல் லிட்டருக்கு ரூ.79.69 காசுகளாகவும் விலை நிர்ணயம்
  • BREAKING-NEWS கேரளா: பம்பை, நிலக்கல், சன்னிதானம், இலவுங்கல் பகுதிகளில் மேலும் 3 நாட்களுக்கு 144 தடை உத்தரவு நீட்டிப்பு - பத்தினம்திட்டா காவல்துறை கோரிக்கையை ஏற்று ஆட்சியர் நூஹ் உத்தரவு
  • BREAKING-NEWS டெல்லியில் தசரா விழா கோலாகலம்... குடியரசுத்தலைவர் ராம்நாத் கோவிந்த், பிரதமர் மோடி பங்கேற்பு...
  • BREAKING-NEWS வழக்கறிஞர்களுடன் ஆலோசித்த பின் எப்போது மனு தாக்கல் செய்வது என்பது குறித்து முடிவு - தேவசம் போர்டு

புற்றுநோயால்கூட பிரிக்க முடியாத சச்சினின் காவியக் காதல் 

kerala-man-gives-up-higher-study-dreams-turns-labourer-for-wife-s-cancer-treatment

காதலித்து மணந்த பெண்ணிற்கு புற்றுநோய் இருப்பதை அறிந்த சச்சின் குமார் அவரின் மருத்துவ சிகிச்சைக்காக போராடி வருகிறார். அவரது படிப்பைக்கூட பாதியிலேயே நிறுத்துவிட்டு மனைவிக்கு உறுதுணையாக இருந்து வருகிறார். 

இந்தக் காதலத்தில் ஒரு காவியக் காதல். என்ன? நம்பிக்கை இல்லையா? கேரளாவை சேர்ந்த இந்தச் சச்சினின் காதல் கதையை படிங்கள் கட்டாயம் நம்புவீர்கள். கேரள மாநிலம் மலப்புரத்தைச் சேர்ந்தவர் சச்சின். வெறும் 23 வயதே நிரம்பிய இளைஞர். ஆசை ஆசையாக காதலித்த தனது மனைவிக்காக உயர்படிப்பையே விட்டுக் கொண்டுத்திருக்கிறார் சச்சின். இதில் என்ன பெரிய பெருமை என்கிறீர்களா? அப்போது இன்னும் கொஞ்சம் மேலே படியுங்கள்.

ஹாலிவுட்டில் பார்த்த ரோமியோ ஜூலியட் காதலைவிட பெரிய மனசுக் காதலை வெளிப்படுத்தி வருகிறார் இந்தச் சச்சின். பவ்யாவும் சச்சினும் ஆரம்ப நாட்களில் வெறும் நண்பர்கள்தான். ஐந்து மாதங்கள் வரை மிக அழகாக சென்றுகொண்டிருந்த இவர்களின் நட்பு ஒரு கட்டத்திற்கு மேல் காதலாக மலர்ந்திருக்கிறது. ஆனால் இவர்களின் காதலை வழக்கம் போல் பவ்யாவின் வீட்டில் எதிர்த்திருக்கிறார்கள். குடும்பத்தினரின் எதிர்ப்பை மீறி சச்சின் கடந்த மார்ச் மாதம் முறைப்படி பவ்யாவை திருமணம் செய்து கொண்டார்.

பட்டாம்பூச்சிபோல் வானத்தில் பறக்க வேண்டிய இந்த ஜோடியில் ஒரு பட்டாம்பூச்சிக்கு மட்டும் திடீரென்று இறகு உடைந்து போய்விட்டது. ஆம்! கல்யாணம் ஆன சில காலங்களிலேயே பவ்யாவிற்கு புற்றுநோய் இருப்பது தெரிய வந்துள்ளது. அதற்குப் பின் என்ன நடக்கும்? பழைய காதல் வாழ்க்கையை இவர்களால் தொடர முடியுமா என்ன? பலரும் அதைதான் செய்வார்கள். ‘உனக்கு சுகமில்லை. நான் வேறு திருமணம் செய்து கொள்கிறேன்’ என்று கைவிரித்து விடுவார்கள். அவர்களில் ஒருவர் இல்லை சச்சின். கோடிகளில் ஒருவர். ஆகவேதான் இன்றைக்கு கேரள மீடியாவே இவர்களின் காதலை கொண்டாடி வருகிறது. சச்சின் முடிவு செய்தார். ‘இனி என்ன நடந்தாலும் நீதான் என் மனைவி. அதில் மாற்றமில்லை’என்றார்.

சச்சின் முதன்முதலில் பவ்யாவை டிப்ளமோ கல்லூரியில் வைத்துதான் சந்தித்துள்ளார். இருவரும் க்ளாஸ்மெட். மலப்புரம் அருகிலுள்ள நிலாம்பூரில்தான் இருவரும் சந்தித்து கொண்டார்கள். அகெளண்டன்சி படிக்கபோன போனது கணக்கைவிட சச்சினை ஈர்த்தது பவ்யாதான். காதலில் விழும் வரை நெருங்கிய நண்பர்கள்தான் இருவரும். இவர்களின் நட்பு காதல் என உணர்ந்து கொண்ட தருணத்தில்தான், இவர்கள் காதலுடன் சேர்த்து குடும்பத்தினரின் எதிர்ப்பையும் நாம் சம்பாதித்து வைத்துள்ளோம் என்று உணர்ந்தனர்.

 “சரியாக இரண்டு மாதத்திற்கு பிறகு நாங்கள் காதலில் விழுந்ததை உணர்ந்திருந்தோம். பவ்யா நான் படித்த இன்ஸ்டிடியூட்டிலேயே வேலை செய்ய தொடங்கி இருந்தார். அவருக்கு அப்போது முதுகில் வலி இருந்து கொண்டே இருந்துள்ளது. ஆனால் அதை அவர் பெரிதாக எடுத்துக் கொள்ளவில்லை. கல்யாணம் ஆன அதே மார்ச் மாதத்தில்தான் கண்டுபிடித்தோம். அவருக்கு முதுகுதண்டில் கேன்சர் இருக்கிறது என்று” என்கிறார் சச்சின்.

அன்பாக காதலித்த மனைவிக்கு கேன்சர் இருக்கிறது எனத் தெரிந்த உடன் சச்சின் என்ன செய்தார் தெரியுமா?. “அவளுடைய எல்லா மருத்துவ சோதனையின் போதும் கூடவே இருந்தேன். அவளுடைய வீட்டிற்கு தெரியபடுத்தாமலே நானே பார்த்துக் கொண்டேன். என் பெற்றோர் அவளின் பக்கத்திலேயே இருந்து அவளுக்கு தைரியம் கொடுத்தார்கள்” என்கிறார் சச்சின்.

 “நான் அந்தத் தருணத்தில் என்ன செய்ய முடியும்? அவள் கூடவே அரவணைப்பாக இருப்பதை தவிர. நான் வெளியே எங்கேயும் போகமாட்டேன் நீ இல்லாமல்” என்று சொன்னேன். இப்போது பவ்யாவை அழைத்து கொண்டு ஹீமோதெரஃபி சிகிச்சைக்கு அல்லாடிக் கொண்டிக்கிறார் இந்தக் காவியக் காதலன். “என்னுடைய காதல் குருட்டுத்தனமானதல்ல; நாங்கள் என்ன செய்துக் கொண்டிருக்கிறோம் என்பதில் தெளிவாகவே இருக்கிறோம்” என்கிற சச்சின் பக்கத்தில் வந்து உட்கார்கிறார் பவ்யா. முகத்தில் அவர் ஒரு முகமூடி அணிந்திருக்கிறார்.

அவரது கண்களில் ஏதோ ஒட்டிக் கொண்டிருப்பதை கண்ட சச்சின், அதனை துடைத்துவிடுகிறார். அந்த அன்பில் பவ்யா அவரது உஷ்ணத்தை பெற்றபடியே ஒட்டியே உட்கார்ந்திருக்கிறார். அந்த அன்புதான் அவரை இந்தக் கொடிய வியாதியில் இருந்து இப்போதைக்கு விடுவிக்கும் உபகரணம். 

சச்சினின் கடுமையான சிகிச்சையால் பவ்யா இப்போது உடல் எடையை கொஞ்சம் திரும்ப பெற்றிருக்கிறார். ஆனால் அவரது அழகான கூந்தலை இழந்திருக்கிறார். நாம் வேண்டிக் கொள்வது எல்லாம் அவர் எந்தக் காலத்திலும் பவ்யாவை இழந்துவிடக்கூடாது.

“உடல் ரீதியாக ஏற்பட்ட மாற்றங்களைக் கண்டு ஆரம்பத்தில் பவ்யா மிகவும் வேதனை அடைந்தார். முடி விழ தொடங்கியதை அவர் ஏற்கொள்ளவில்லை. ஆனால் நான் இந்த மாற்றங்களை பற்றி கவலைபடவில்லை. ஏனெனில் நான் விரும்பியது அவளது காதலை. உடம்பை அல்ல” என்கிறார் சச்சின். இவர்களின் வலி தரும் காதல் வாழ்க்கை பற்றி மீடியாவில் செய்திகள் வந்த நாளில் இருந்து கேரள மக்கள் பலர் சோகத்தில் ஆழ்ந்துள்ளனர். சாதிய பின்புலம், பொருளாதார பின்புலம் என்ற காரணத்தால் கல்யாணமான சில மாதங்களிலேயே காதல் கசந்துபோய் வெளியேறும் ஜோடிகள் மத்தியில் தனித்து தெரிகிறது இந்த ஜோடி.  

courtesy:thenewsminute 

Advertisement:
Advertisement:
Advertisement:
[X] Close