[X] Close
JUST IN
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி
  • BREAKING-NEWS தமிழகத்தின் ஒப்புதலின்றி மேகதாதுதுவில் அணை கட்ட அனுமதி வழங்க கூடாது என கோரிக்கை விடுத்துள்ளோம் - முதல்வர் பழனிசாமி
  • BREAKING-NEWS குடிநீர் பற்றாக்குறையை போக்க செயல்படுத்தப்படும் திட்டங்களுக்கான நிதியை உடனடியாக ஒதுக்க கோரிக்கை வைக்கப்பட்டுள்ளது - முதல்வர் பழனிசாமி
  • BREAKING-NEWS சிறப்பு விலக்கு மூலம் தமிழகத்தில் உள்ள மருத்துவ கல்லூரிகளுக்கு நீட் தேர்வில் இருந்து விலக்களிக்க வேண்டும் - பிரதமர் மோடியிடம் முதல்வர் பழனிசாமி மனு
  • BREAKING-NEWS மருத்துவர்கள், மருத்துவ துறையை சேர்ந்தவர்களை பாதுகாக்க சட்டப்பேரவையில் தனியாக சட்டம் இயற்றுக - மத்திய சுகாதாரத்துறை அமைச்சர் ஹர்ஷவர்தன் அனைத்து மாநில முதல்வர்களுக்கும் கடிதம்
  • BREAKING-NEWS அனைத்து இடங்களிலும் மழைநீர் சேகரிப்புத் திட்டம் மீண்டும் நடைமுறைப்படுத்தப்படும்; சவாலாக உள்ள குடிநீர் தட்டுப்பாட்டை போக்க அரசு உரிய நடவடிக்கை எடுத்து வருகிறது - அமைச்சர் உதயகுமார்
  • BREAKING-NEWS பிரதமர் நரேந்திர மோடி, மத்திய நிதியமைச்சர் நிர்மலா சீதாராமனுடன் டெல்லியில் புதுச்சேரி முதல்வர் நாராயணசாமி சந்திப்பு

10,000 ஆண்டுகளுக்கு முன்பே ஆரம்பித்து விட்டது சமையல்

prehistoric-people-may-have-cooked-wild-grains-and-plants-in-pots-as-early-as-10-000-years-ago

ஆதிகாலத்தில் மக்கள் உணவுக்காக விலங்குகளை வேட்டையாடி அவற்றின் இறைச்சிகளை உணவாக உண்டதாக நாம் வரலாற்றில் படித்துள்ளோம். ஆனால் மனிதர்கள் 10,000 வருடங்களுக்கு முன்பே காட்டு தானியங்கள் மற்றும் தாவரங்களை வைத்து பானைகளில் சமைத்து உண்டதாக ஆதாரங்கள் தெரிவிக்கின்றன. இன்னும் சொல்லப்போனால் மனிதர்கள் ஆரம்பத்தில் சைவமாகத்தான் இருந்திருக்கின்றனர். பிறகுதான் அவர்கள் விலங்குகளை வேட்டையாடிச் சாப்பிடும் அசைவத்திற்கு மாறியிருக்கின்றனர்.

லிபியாவில் உள்ள சஹாரா பாலைவனத்தில் இதற்கான ஆதாரங்கள் கிடைத்துள்ளதாக தகவல் வெளியாகியுள்ளது. அங்கு மனிதர்கள் சமைத்து உண்டதற்கான மட்பாண்ட துண்டுகள், அவர்கள் பயன்படுத்திய தானியங்கள் ஆகியவை கண்டெடுக்கப்பட்டுள்ளது. இன்று வறண்டு கிடக்கும் சஹாரா முன்பு வளமான ஏரிகள் மற்றும் ஆறுகள் உள்ள இடமாக இருந்திருக்கலாம் என்றும் அங்கு நிறைய மனிதர்கள் வாழ்ந்து வந்ததாகவும் ஆய்வுகள் தெரிவிக்கின்றது.

இதுகுறித்து பிரிஸ்டல் பல்கலைக்கழக பேராசிரியர் டாக்டர் ஜூலி டன்னே கூறுகையில், ‘10000 ஆண்டுகளுக்கு முன்பு லிபியன் சஹாரா பாலைவனத்தில் ஏரிகள் மற்றும் ஆறுகள் இருந்திருக்கலாம். அங்குள்ள மக்கள் நீர்வாழ் தாவரங்கள் மற்றும் இலை தாவரங்கள், பழங்களை உட்கொண்டுள்ளனர். மேலும் அங்கு நீர்யானைகள் மற்றும் பல பெரிய விலங்கு கூட்டங்களும் வாழ்ந்ததற்கான ஆதாரங்கள் உள்ளது. அங்கு வாழ்ந்த மக்கள் சமைத்து சாப்பிட்டதற்கான மட்பாண்டங்கள், உணவுப் பொருட்களை அரைக்கப் பயன்படுத்திய கற்கள் போன்றவை அகழ்வாராய்ச்சியில் கண்டெடுக்கப்பட்டுள்ளது’ என தெரிவித்துள்ளார்.

கிழக்கு ஆசியாவில் 16 ஆயிரம ஆண்டுகளுக்கு முன்பும் வட ஆப்பிரிக்காவில் 12 ஆயிரம் ஆண்டுகளுக்கு முன்பும் மட்பாண்டங்கள் பயன்பாட்டில் இருந்தது கண்டுபிடிக்கப்பட்டுள்ளது.
தாவர உணவில் ஆற்றல் மற்றும் ஊட்டச்சத்து அதிகமாக உள்ளது என்பதை பல ஆயிரம் ஆண்டுகளுக்கு முன் நம் முன்னோர்கள் அறிந்து வைத்திருந்தார்கள். அன்று செழித்திருந்த சஹாரா இயற்கையின் கோர விளையாட்டினால் இன்று முற்றும் துறந்த பாலைவனமாகியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close