[X] Close
JUST IN
  • BREAKING-NEWS மத்திய முன்னாள் நிதி அமைச்சர் அருண் ஜெட்லி உடல் நலக்குறைவால் காலமானார்
  • BREAKING-NEWS சிபிஐ விசாரணைக் காவலை ரத்துச் செய்யுமாறு உச்ச நீதிமன்றத்தில் ப.சிதம்பரம் மனு. திங்கட்கிழமை வரை சிதம்பரத்தை கைது செய்ய அமலாக்கத் துறைக்கு தடை
  • BREAKING-NEWS கோவையில் 6 பயங்கரவாதிகள் ஊடுருவியுள்ளதாக தகவல் கிடைத்திருக்கிறது என காவல் ஆணையர் பேட்டி. உஷார் நிலையில் காவல்துறை
  • BREAKING-NEWS சென்னையில் பெட்ரோல் லிட்டருக்கு ரூ. 74.70 காசுகளாகவும், டீசல் லிட்டருக்கு ரூ. 68.84 காசுகளாகவும் விலை நிர்ணயம்

இந்தியாவின் முதல் எலெக்ட்ரிக் கார் - பயணம் செய்த முதல்வர் பழனிசாமி 

chief-minister-edappadi-pazhanisamy-introduce-first-electric-car

சென்னையில் தயாரிக்கப்பட்ட ஹுண்டாய் நிறுவனத்தின் எலெக்ட்ரிக் காரை முதலமைச்சர் எடப்பாடி பழனிசாமி அறிமுகம் செய்து வைத்தார். 

இந்தியாவில் 7000 கோடி மதிப்பீட்டிலும் தமிழகத்தில் 2000 கோடி மதிப்பீட்டிலும் எலெக்ட்ரிக் கார் தயாரிக்க கடந்த மூன்று மாதத்திற்கு முன்பு ஹூண்டாய் நிறுவனத்திற்கு ஒப்புதல் வழங்கப்பட்டது. பெட்ரோல், டீசல் கார்களினால் சுற்றுச்சூழலுக்கு மாசு ஏற்படும் என்பதால் மாற்று ஏற்பாடாக எலெக்ட்ரிக் கார் தயாரிக்க ஒப்புதல் வழங்கப்பட்டது. 

அதன்படி தற்போது இந்தியாவில் முதல் முறையாக எலெக்ட்ரிக் காரை ஹூண்டாய் நிறுவனம் தயாரித்துள்ளது. கோனா காரின் ஆன் ரோடு விலை ரூ. 30 லட்சம். ஒரு முறை சார்ஜ் செய்தால் 452 கிலோமீட்டர் தூரம் பயணம் செய்யலாம். 100 கி.மீ வேகத்தை 9.7 வினாடிகளில் எட்டும்.

இதற்கான சார்ஜிங் ஸ்டேஷன் அமைக்க பேச்சுவார்த்தை நடைபெற்று வருகிறது. பெங்களூர், மும்பை ஆகிய இடங்களில் எலெக்ட்ரிக் கார்கள் இயங்கி வந்தாலும் இந்தியாவில் தயாரிக்கப்பட்ட முதல் எலெக்ட்ரிக் கார் இதுவாகும். இந்த காரில் டிரைவருடன் சேர்த்து 5 பேர் பயணிக்க முடியும். எலெக்ட்ரிக் காரை அறிமுகம் செய்து வைத்த முதலமைச்சர் எடப்பாடி பழனிசாமி பின்னர் அந்த காரில் பயணம் செய்தார். 

Advertisement:
இது தொடர்பான செய்திகள் :
Advertisement:
Advertisement:
[X] Close