[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.79.66 காசுகளாகவும், டீசல் லிட்டருக்கு ரூ.75.63 காசுகளாகவும் விலை நிர்ணயம்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது
  • BREAKING-NEWS கஜா புயலால் தமிழகம் முழுவதும் உயிரிழந்தோர் எண்ணிக்கை மதியம் 2 மணி நிலவரப்படி 40ஆக அதிகரிப்பு
  • BREAKING-NEWS வேதாரண்யம் அருகே 35க்கும் மேற்பட்ட கிராமங்களில் தொலைத்தொடர்பு சேவைகள் முழுவதும் பாதிப்பு
  • BREAKING-NEWS கஜா புயலால் கடுமையாக பாதிக்கப்பட்ட வேதாரண்யம் தனித்தீவாக காட்சியளிக்கிறது

வீதியை மட்டுமல்ல; இனி விண்வெளியையும் கூகுள் மேப் மூலம் பார்க்கலாம்..!

google-street-view-lands-on-the-international-space-station

உலகின் பல பகுதிகளையும் படம் பிடித்து, எங்கு வேண்டுமானாலும் எளிதாகப் பயணம் செய்யக்கூடிய வசதியை கூகுள் மேப் ஸ்ட்ரீட் வியூ தருகின்றது. இதன்மூலம் உங்கள் கணினியிலிருந்து சர்வதேச விண்வெளி நிலையத்தை (International Space Station) தெளிவாகப் பார்க்க முடியும்.

கடந்த 16 ஆண்டுகளாக விண்வெளி வீரர்கள் சர்வதேச விண்வெளி நிலையத்தில் இருந்து பல ஆய்வுகளை மேற்கொண்டு வருகின்றனர். பூமிக்குள் பயன்படுத்தப்பட்ட கூகுள் மேப் ஸ்ட்ரீட் வியூ, பூமிக்கு அப்பால் சென்று விண்வெளியிலும் காலடி பதிப்பதற்கான முயற்சிகளில் கூகுள் மேப் இறங்கியுள்ளது.

சர்வதேச விண்வெளி நிலையத்தினை கூகுள் மேப்பில் இணைப்பதற்கான நடவடிக்கை மேற்கொள்ளப்பட்டு வருகின்றது. இதற்காக சர்வதேச விண்வெளி நிலையத்தில் உள்ள விண்வெளி வீரர்கள் 360 டிகிரி புகைப்படங்களை எடுத்து கூகுள் நிறுவனத்திற்கு அனுப்பி வருகின்றனர். மேலும் இந்தக்குழு மார்ஷல் ஸ்பேஸ் சென்டரில் டிஎஸ்எல்ஆர் கேமராக்கள் மற்றும் உபகரணங்களைப் பயன்படுத்தி படங்களை சேகரிக்கும் முயற்சியில் இறங்கியுள்ளது.

முன்னதாக, 2015 ஆம் ஆண்டில் ஐரோப்பிய விண்வெளி ஆய்வு மையமானது முதன்முறையாக சர்வதேச விண்வெளி நிலையத்திற்கு இன்டெராக்டிவ் முறையில் (Interactive) பயணம் செய்வதற்கான வசதிகளை ஏற்படுத்தியது. அதன்பின் நாசா செவ்வாய் கிரகத்திற்கு மாயத்தோற்ற முறையில் (Virtual Reality) பயணம் செய்யும் வசதியை உருவாக்கியது. இதனைத் தொடர்ந்து தற்போது அந்நிறுவனம் சர்வதேச விண்வெளி ஆய்வு நிலையத்தை கூகுள் மேப் உடன் இணைக்கும் முயற்சியில் இறங்கியுள்ளது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close