[X] Close
JUST IN
  • BREAKING-NEWS தமிழக காவல்துறையின் அடுத்த டிஜிபியாக திரிபாதி அறிவிக்கப்பட வாய்ப்பு
  • BREAKING-NEWS தனி மனிதர்கள் மீதான கும்பல் தாக்குதலை ஒருபோதும் ஏற்கவும் முடியாது, நியாயப்படுத்தவும் முடியாது - பிரதமர் மோடி
  • BREAKING-NEWS ஜி.கே.வாசனுக்கு பக்கபலமாக திகழ்ந்தவர் கஸ்தூரி அம்மாள்; கஸ்தூரி அம்மாளை இழந்துவாடும் ஜி.கே.வாசனுக்கும் அவரது குடும்பத்தினருக்கும் ஆழ்ந்த இரங்கல் - முதல்வர் பழனிசாமி
  • BREAKING-NEWS அதிமுகவை அழித்து அமமுக வளர்ச்சி பெறுவது என்பது முடியாதது- தங்க தமிழ்ச்செல்வன்

பிரதமரை வழிமொழிய வாய்ப்பளித்ததற்கு அதிமுக மகிழ்ச்சி தீர்மானம் 

aiadmk-district-secretaries-meet-5-resolutions-passed

பிரதமரை வழிமொழியும் வாய்ப்பினை அதிமுகவிற்கு அளித்ததற்கு மகிழ்ச்சி தெரிவித்து அக்கட்சியின் நிர்வாகிகள் ஆலோசனைக் கூட்டத்தில் தீர்மானம் நிறைவேற்றப்பட்டது.

சென்னை ராயப்பேட்டையில் உள்ள அதிமுக தலைமை அலுவலகத்தில் அக்கட்சியின் நிர்வாகிகள் ஆலோசனைக் கூட்டம் நடைபெற்றது. கட்சியின் ஒருங்கிணைப்பாளர் ஓ.பன்னீர்செல்வம் மற்றும் இணை ஒருங்கிணைப்பாளர் எடப்பாடி பழனிசாமி ஆகியோரின் தலைமையில் நடைபெற்ற இந்தக் கூட்டத்தில், மாவட்டச் செயலாளர்கள், சட்டமன்ற, நாடாளுமன்ற உறுப்பினர்களும் கலந்து கொண்டனர். 

இந்தக் கூட்டத்தில் 6 தீர்மானங்கள் நிறைவேற்றப்பட்டன. அதில், மக்களவை மற்றும் சட்டமன்ற இடைத்தேர்தலில் அதிமுகவிற்கு வாக்களித்த மக்களுக்கு நன்றி தெரிவித்து தீர்மானம் நிறைவேற்றப்பட்டது. அடுத்ததாக, நாடாளுமன்றம் மற்றும் சட்டமனற இடைத்தேர்தலில் அதிமுக சார்பிலும், கூட்டணி கட்சிகள் சார்பிலும் போட்டியிட்ட வேட்பாளர்கள் வெற்றிபெற தேர்தல் பணியாற்றிய நிர்வாகிகள், கூட்டணி கட்சித் தலைவர்கள், தொண்டர்களுக்கும் நன்றி தெரிவித்து தீர்மானம் நிறைவேற்றப்பட்டது. 

மக்களவைத் தேர்தலில் வெற்றி பெற்று 2ஆவது முறையாக பிரதமரான மோடிக்கு அதிமுக சார்பில் பாராட்டும், வாழ்த்தும் தெரிவிக்கப்பட்டது. மேலும், நாட்டின் பிரதமரை வழிமொழியும் வாய்ப்பினை அதிமுகவுக்கு அளித்ததற்கு மகிழ்ச்சி தெரிவிப்பதாக தீர்மானம் நிறைவேற்றப்பட்டது. 

மேலும் எதிர்வரும் உள்ளாட்சித் தேர்தலில் சிறப்பாக பணியாற்றி வெற்றிபெற உறுதி ஏற்பதாகவும், மக்கள் நலப்பணிகளை மேற்கொண்டு தமிழக மக்கள் அனைவரும் இன்புற்று வாழ்ந்திடும் வண்ணம் செயல்படவும் கூட்டத்தில் தீர்மானங்கள் நிறைவேற்றப்பட்டன. 

Advertisement:
இது தொடர்பான செய்திகள் :
Advertisement:
Advertisement:

[X] Close