[X] Close
JUST IN
  • BREAKING-NEWS தேர்தல் விதிகளை மீறியதாக தமிழக காங்கிரஸ் கமிட்டி தலைவர் கே.எஸ்.அழகிரி மீது 3 பிரிவுகளின் கீழ் வழக்குப்பதிவு
  • BREAKING-NEWS இடைத்தேர்தல் தேர்தலில் நாங்குநேரி - 66.10%, விக்கிரவாண்டி - 84.36% வாக்குப்பதிவு - தலைமை தேர்தல் அதிகாரி சத்யபிரதா சாஹூ
  • BREAKING-NEWS தொடர் மழை காரணமாக நீலகிரி மாவட்டத்தில் உள்ள பள்ளி, கல்லூரிகளுக்கு நாளை விடுமுறை அறிவிப்பு - ஆட்சியர்
  • BREAKING-NEWS தீபாவளிக்கு மறுநாள் அக்.28ஆம் தேதி (திங்கள் கிழமை) அரசு விடுமுறை

தேர்தல் அதிகாரி தலைமையில் நாளை அனைத்துக் கட்சிக் கூட்டம்

all-party-meeting-in-tamilnadu-about-lok-sabha-election

மக்களவைத் தேர்தலை முன்னிட்டு, தமிழக தலைமைத் தேர்தல் அதிகாரி தலைமையில் சென்னையில் நாளை அனைத்துக் கட்சிக் கூட்டம் நடைபெற உள்ளது.

மக்களவை பொதுத் தேர்தல் நடத்துவதற்கான ஏற்பாடுகளை தேர்தல் ஆணையம் வேகப்படுத்தியுள்ளது. நாடு முழுவதும் உள்ள அரசியல் கட்சிகளும் தேர்தலை எதிர்கொள்ள, கூட்டணி உள்ளிட்ட பணிகளில் தீவிரமாக ஈடுபட்டுள்ளன. 

அதிமுக - பாஜக - பாமக, திமுக - காங்கிரஸ் கூட்டணிகள் உறுதியாகியுள்ள நிலையில் தற்போது அதிமுகவில் என்.ஆர். காங்கிரஸுக்கு புதுச்சேரி தொகுதி ஒதுக்கப்பட்டுள்ளது. மேலும் திமுகவில் கூட்டணி சேர தோழமை கட்சிகளுடன் ஸ்டாலின் பேச்சுவார்த்தை நடத்தி வருகிறார்.

இந்நிலையில், தமிழக தலைமைத் தேர்தல் அதிகாரி சத்யபிரதா சாகு தலைமையில் சென்னையில் நாளை அனைத்துக் கட்சிக் கூட்டம் நடைபெற உள்ளது. தலைமைச் செயலகத்தில் உள்ள தேர்தல் ஆணைய அலுவலகத்தில் நாளை நண்பகல் 12 மணிக்கு இந்தக் கூட்டம் நடைபெற உள்ளது. 

இதில் பங்கேற்க தமிழகத்தில் உள்ள அங்கீகரிக்கப்பட்ட அரசியல் கட்சிகளுக்கு தேர்தல் ஆணையம் சார்பில் அழைப்பு விடுக்கப்பட்டுள்ளது. இந்தக் கூட்டத்தின்போது, வரும் 23 மற்றும் 24 ஆம் தேதிகளில் நடைபெறும் சிறப்பு வாக்காளர் பெயர் சேர்த்தல், நீக்கம் குறித்து அரசியல் கட்சிகளின் பிரதிநிதிகளிடம் கருத்துக்கள் கேட்கப்பட உள்ளதாக தமிழக தேர்தல் அதிகாரி சத்ய பிரதா சாகு தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close