[X] Close
JUST IN
  • BREAKING-NEWS 2019 மக்களவை தேர்தலில் நான் போட்டியிடுவேனா என்பது குறித்து 24 ஆம் தேதி அறிவிக்கப்படும் - கமல்ஹாசன்
  • BREAKING-NEWS 2019 மக்களவை தேர்தலில் தான் போட்டியில்லை என மாயாவதி அறிவிப்பு
  • BREAKING-NEWS அரசியலுக்கு வாரிசுகள் வரக்கூடாது என்பது எந்த சட்டத்திலும் இல்லை- மதுரையில் ஒபிஎஸ் பேட்டி
  • BREAKING-NEWS சென்னையில் பெட்ரோல் லிட்டருக்கு ரூ. 75.59 காசுகளாகவும், டீசல் லிட்டருக்கு ரூ. 70.59 காசுகளாகவும் விலை நிர்ணயம்
  • BREAKING-NEWS மக்களவை தேர்தல், சட்டப்பேரவை இடைத்தேர்தல் பரப்புரையை திருவாரூரில் இருந்து தொடங்கினார் மு.க.ஸ்டாலின்

திமுக கூட்டணியில் தேமுதிக..? திருநாவுக்கரசர் சூசகம்..!

thirunavukkarasar-press-meet

தேமுதிக தலைவர் விஜயகாந்தை சந்தித்து நலம் விசாரித்ததோடு, அரசியல் பற்றியும் பேசியதாக திருநாவுக்கரசர் தெரிவித்துள்ளார்.

மக்களவைத் தேர்தல் நெருங்கி வரும் வேளையில் கூட்டணி பேச்சுவார்த்தையில் அதிமுக தீவிரம் காட்டி வருகிறது. அதிமுக கூட்டணியில் பாமகவிற்கு 7 தொகுதிகளும், பாஜகவிற்கு 5 இடங்களும் ஒதுக்கப்பட்டுள்ளன. அதேசமயம் 2 கட்சிகளும் அதற்குப் பின் நடைபெற இருக்கும் 21 சட்டப்பேரவைத் தொகுதி இடைத்தேர்தலில் அதிமுக வேட்பாளருக்கு ஆதரவு அளிப்பார்கள் என கூட்டணி பேச்சுவார்த்தையில் உடன்பாடு எட்டப்பட்டுள்ளது.

இதனிடையே அதிமுக கூட்டணியில் இணைய தேமுதிக 10 தொகுதிகளை கேட்பதாக சொல்லப்படுகிறது. இதனை ஏற்க மறுக்கும் அதிமுக, 10 தொகுதிகளை தேமுதிகவிற்கு ஒதுக்கும்பட்சத்தில், தேமுதிக வேட்பாளர்களும் அதிமுகவின் அதிகாரப்பூர்வ சின்னமான இரட்டை இலை சின்னத்திலேயே போட்டியிட வேண்டும் என்று கோரிக்கை வைப்பதாக கூறப்படுகிறது. இதனால் கூட்டணி பேச்சுவார்த்தையில் முடிவு எட்டப்படாமல் இழுபறி நீடிக்கிறது.

இந்நிலையில் காங்கிரஸ் கட்சியின் மூத்த தலைவரான திருநாவுக்கரசர் விஜயகாந்தை அவரது இல்லத்தில் சந்திக்க சென்றார். அப்போது செய்தியாளர்களிடம் பேசிய திருநாவுக்கரசர், விஜயகாந்த்தின் நலம் குறித்து விசாரிக்க செல்வதாக தெரிவித்தார். காங்கிரஸ் கட்சி திமுக கூட்டணியில் இடம்பெற்றுள்ள நிலையில், திருநாவுக்கரசர் விஜயகாந்தை சந்திக்க இருப்பது அரசியல் வட்டாரத்தில் பெரும் பரபரப்பை ஏற்படுத்தியது. விஜயகாந்த் உடனான சந்திப்புக்கு பின் செய்தியாளர்களிடம் பேசிய திருநாவுக்கரசர், விஜயகாந்தை சந்தித்து நலம் விசாரித்ததோடு, அரசியல் பற்றியும் பேசியதாக கூறினார். நாட்டின நலன் கருதி நல்ல முடிவு எடுக்க விஜயகாந்தை கேட்டுக்கொண்டுதாகவும் திருநாவுக்கரசர் தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close