[X] Close
JUST IN
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்
  • BREAKING-NEWS பில்லூர் அணை நிரம்பியதால் பவானி ஆற்றங்கரையோர மக்களுக்கு வெள்ள அபாய எச்சரிக்கை. 7 மாவட்டங்களில் கனமழை தொடரும் என வானிலை மையம் தகவல்
  • BREAKING-NEWS நாங்குநேரி, விக்கிரவாண்டி தொகுதிகளில் இன்று மாலையுடன் முடிகிறது பரப்புரை
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

மோடி செய்வது மட்டும் தேசத்துரோகம் இல்லையா? - கெஜ்ரிவால் கேள்வி

modji-has-stalled-work-in-delhi-is-that-not-sedition-arvind-kejriwal

பிரதமர் நரேந்திர மோடி செய்வது மட்டும் தேசத்துரோகம் இல்லையா? என்று டெல்லி முதல்வர் அரவிந்த் கெஜ்ரிவால் கேள்வி எழுப்பியுள்ளார்.

டெல்லி ஜே.என்.யு பல்கலைக் கழகத்தில் நடைபெற்ற நிகழ்ச்சியில் இந்தியாவிற்கு எதிராக முழக்கங்கங்கள் எழுப்பப்பட்டதாக புகார்கள் எழுந்தன. 2016ம் ஆண்டு நடைபெற்ற இந்த நிகழ்ச்சி தொடர்பாக, டெல்லி போலீசார் கன்னையா குமார், உமர் காலித் உள்ளிட்டோர் மீது தேசத் துரோக வழக்குப் பதிவு செய்து விசாரணை மேற்கொண்டு வந்தனர். 

இதனிடையே கன்னையா குமார் உள்ளிட்டோர் மீதான வழக்கில் டெல்லி போலீசார் சமீபத்தில் குற்றப்பத்திரிகை தாக்கல் செய்தனர். இந்திய கம்யூனிஸ்ட் கட்சி மாநிலங்களவை எம்.பி டி.ராஜாவின் மகள் அபரஜிதா, ஜேஎன்யு மாணவர் அமைப்பின் முன்னாள் பொதுச் செயலாளர் ஷீலா ரஷீத் ஆகியோரின் பெயரும் 1200 பக்க குற்றப்பத்திரிகையில் இடம்பெற்றன. இதனால் கன்னையா குமார் விரைவில் கைது செய்யப்படுவார் என்று செய்திகள் வெளியாகின. 

        

ஆனால், அதிகாரிகளிடம் உரிய அனுமதி பெறாமல் எப்படி இந்தக் குற்றப்பத்திரிகை தாக்கல் செய்தீர்கள் என்று நீதிமன்றம் கேள்வி எழுப்பியது. அதனால், ஆம் ஆத்மி தலைமையிலான அரசு தேசத்துரோக வழக்கில் குற்றப்பத்திரிகைக்கு அனுமதி அளிப்பது குறித்து சட்ட ஆலோசனை செய்து வருகிறது.

              

இந்நிலையில், இந்த விவகாரம் குறித்து டெல்லி முதல்வர் அரவிந்த் கெஜ்ரிவால் தன்னுடைய ட்விட்டர் பக்கத்தில் கருத்து ஒன்றினை பதிவிட்டுள்ளார்.  “கன்னையா குமார் தேசத்துரோக குற்றத்தை செய்தாரா? இல்லையா? என்பது எனக்கு தெரியாது. அதனை சட்டத்துறை ஆய்வு செய்து வருகிறது. ஆனால், டெல்லியில் பணிகள் செய்வதை பிரதமர் மோடி நிறுத்திவிட்டார். அதாவது, குழந்தைகளுக்கான பள்ளிகள், மருத்துவமனைகள், சிசிடிவி கேமராக்கள் அமைப்பதை அவர் நிறுத்திவிட்டார். இது தேசத்துரோகம் இல்லையா?” என்று அவர் பதிவிட்டுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close