[X] Close
JUST IN
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது
  • BREAKING-NEWS கர்நாடகா மாநிலத்தின் காங்கிரஸ் எம்எல்ஏக்களை கடத்தியதால்தான் பாஜக தலைவர் அமித்ஷாவுக்கு பன்றிக்காய்ச்சல் வந்தது - பி.கே.ஹரிபிரசாத்
  • BREAKING-NEWS சென்னையில் பெட்ரோல் லிட்டருக்கு ரூ. 73.23 காசுகளாகவும், டீசல் லிட்டருக்கு ரூ. 68.62 காசுகளாகவும் விலை நிர்ணயம்
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்

கர்ப்பிணிக்கு எச்.ஐ.வி ரத்தம்: அமைச்சரை டிஸ்மிஸ் செய்ய ஸ்டாலின் வலியுறுத்தல்

dmk-president-stalin-urged-the-minister-to-be-dismissed

கர்ப்பிணிக்கு அரசு மருத்துவமனையில் எச்.ஐ.வி.ரத்தம் ஏற்றப்பட்ட விவாகாரத்தில் சுகாதாரத்துறை அமைச்சரை டிஸ்மிஸ் செய்ய வேண்டும் என திமுக தலைவர் ஸ்டாலின் வலியுறுத்தியுள்ளார்.

எச்.ஐ.வி. தொற்று இருந்த ரத்தம் செலுத்தப்பட்டதால் பாதிக்கப்பட்டுள்‌ள சாத்தூரைச் சேர்ந்த கர்ப்பிணி, மதுரை ராஜாஜி அரசு மருத்துவமனையில் சிகிச்சைக்காக அனுமதிக்கப்பட்டுள்ளார். மருத்துவமனையில் முதல் தளத்தில் வைத்து, தனி அறையில் அந்தப் பெண்ணுக்கு சிகிச்சை அளிக்கப்பட்டு வருகிறது. 

பாதிக்கப்பட்ட கர்ப்பிணிக்கு, மகப்பேறு மருத்துவ தலைவர் சாந்தி தலைமையிலான குழுவினர் சிகிச்சை அளித்து வருகின்றனர். மகப்பேறுக்கான சிகிச்சையும், எச்.ஐ.வி. நோய் எதிர்ப்பு சிகிச்சையும் அளிக்கப்படுவதாக மருத்துவமனை தரப்பில் தெரிவிக்கப்பட்டுள்ளது.

இந்நிலையில் இதுகுறித்து பேசிய திமுக தலைவர் ஸ்டாலின், “தன்னார்வலர்கள் மூலம் பெறப்படும் ரத்தங்களையும் முறையாக சோதித்து ரத்த வங்கிகளில் சேர்க்க வேண்டும். அரசு மருத்துவமனைகளில் பாதுகாப்பான முறையில் ரத்தம் சேகரிக்கப்படுகிறது என விழிப்புணர்வு ஏற்படுத்த வேண்டும். கர்ப்பிணிக்கு அரசு மருத்துவமனையில் எச்.ஐ.வி ரத்தம் செலுத்தியது அரசு நிர்வாகம் நிலைகுலைந்ததற்கு சாட்சி. எச்.ஐ.வி ரத்தம் செலுத்திய விவகாரத்தில் சுகாதாரத்துறை உயரதிகாரிகளை மாற்ற வேண்டும். 

அரசு மருத்துவமனைகளில் ரத்தம் ஏற்றப்பட்ட அனைவரையும் சோதித்ததாக தெரியவில்லை. தற்போதையே நிலையே நீடித்தால் அரசு மருத்துவமனையை நாடவே மக்கள் அஞ்சும் நிலை ஏற்பட்டு விடும். அரசு மருத்துவமனைகள் மீது நம்பிக்கை ஏற்படுத்த ரத்த வங்கிகள் முறையாக பராமரிக்கப்பட வேண்டும். சுகாதாரத்துறைக்கு திறமையான அதிகாரியை நியமிக்க வேண்டும். கர்ப்பிணிக்கு அரசு மருத்துவமனையில் எச்.ஐ.வி.ரத்தம் ஏற்றப்பட்ட விவாகாரத்தில் சுகாதாரத்துறை அமைச்சரை டிஸ்மிஸ் செய்ய வேண்டும். 6 வருடத்திற்கு மேல் சுகாதாரத்துறையில் இருந்து நிர்வாக தோல்விக்கு காரணமான செயலர் ராதாகிருஷ்ணனையும் மாற்ற வேண்டும்” என வலியுறுத்தியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close