[X] Close
JUST IN
  • BREAKING-NEWS ராஜீவ்காந்தி குறித்த பேச்சை திரும்பப் பெறமாட்டேன் - சீமான்
  • BREAKING-NEWS தூத்துக்குடி எம்.பி. கனிமொழியின் வெற்றியை எதிர்த்து தமிழிசை தொடர்ந்த மனுவை வாபஸ் பெற உயர்நீதிமன்றம் அனுமதி
  • BREAKING-NEWS இரண்டாயிரம் ரூபாய் நோட்டுகள் அச்சிடுவதை நிறுத்தியது ரிசர்வ் வங்கி
  • BREAKING-NEWS ராஜீவ் காந்தி கொலை குறித்து சர்ச்சை பேச்சு.. சீமான் மீது வழக்குப்பதிவு
  • BREAKING-NEWS முதல்வர் பதவியை ராஜினாமா செய்துவிட்டு தேர்தல் களத்தில் நேருக்கு நேர் மோதத் தயாரா..? முதல்வருக்கு மு.க.ஸ்டாலின் சவால்
  • BREAKING-NEWS பிசிசிஐ தலைவராகிறார் கங்குலி... அனைத்து மாநில சங்கங்கள் ஏகமனதாக தேர்வு செய்கின்றனர்.

“வரிவசூலில் உள்ள அக்கறையை மக்களிடமும் செலுத்துங்கள்” - மோடியிடம் பாஜக நிர்வாகி காணொலியில் பேச்சு

pm-modi-talked-with-tamil-nadu-bjp-cadres-through-video-conference

வரி வசூலிப்பதில் செலுத்தும் அக்கறையை நடுத்தர மக்கள் மற்றும் கட்சித் தொண்டர்கள் மீதும் செலுத்த வேண்டும் என பிரதமர் நரேந்திர மோடியிடம் காணொலியில் பேசிய பாஜக நிர்வாகி ஒருவர் கூறியதால் பரபரப்பு ஏற்பட்டது.

தென்சென்னை, வேலூர், காஞ்சிபுரம், விழுப்புரம், புதுச்சேரி ஆகிய 5 நாடாளுமன்ற தொகுதிகளுக்கு உட்பட்ட வாக்குச்சாவடி மைய பொறுப்பாளர்களுடன் பிரதமர் நரேந்திர மோடி, டெல்லியில் இருந்து காணொலிக் காட்சி மூலம் கலந்துரையாடினார். வரும் நாடாளுமன்ற தேர்தலில் பாஜகவின் வெற்றிக்கு ஆற்ற வேண்டிய களப்பணிகள் குறித்து கட்சியினருக்கு அறிவுரைகளை அவர் வழங்கினார். 

சென்னை தியாகராய நகரில் தனியார் திருமண மண்டபத்தில் நடைபெற்ற நிகழ்ச்சியில் பாரதிய ஜனதா மாநிலத் தலைவர் தமிழிசை சௌந்தரராஜன், அக்கட்சியின் மூத்த தலைவர் இல.கணேசன் உள்ளிட்டோர் பங்கேற்றனர். அப்போது புதுச்சேரி பாஜகவைச் சேர்ந்த நிர்மல்குமார் ஜெயின் என்பவர் எழுந்து, அரசு மக்களிடம் வரியை வசூல் செய்வதிலேயே கவனம் செலுத்துவதாகவும், வரியை வசூலிப்பதில் காட்டும் அக்கறையை, நடுத்தர வர்க்கத்தினர் மற்றும் கட்சி தொண்டர்கள் நிம்மதியாக இருக்கவும் அக்கறை காட்டி நடவடிக்கை எடுக்க வேண்டும் என கூறினார். 

               

இதற்கு பதிலளித்த பிரதமர் மோடி, நடுத்தர மக்களின் நலன் பாதுகாக்கப்படும் என உறுதியளித்தார். இக்கேள்வியை எழுப்பிய நிர்மல்குமாரை கட்சி நிர்வாகிகள் தேடியதாகவும், அப்போது அவர் இல்லை என்பதால், அவர் யார் என விசாரித்து வருவதாகவும் தகவல் வெளியாகியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close